اكلات شهية جدا - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم الطبخ و المأكولات

قسم الطبخ و المأكولات لتبادل الخبرات في مجال الطبخ والأطباق المتنوعة الجزائرية و العربية ...


في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

اكلات شهية جدا

إضافة رد
 
أدوات الموضوع انواع عرض الموضوع
قديم 2014-06-12, 15:51   رقم المشاركة : 1
معلومات العضو
mohamed dermouni
عضو جديد
 
إحصائية العضو










Mh51 اكلات شهية جدا

المكونات
3سمك البوري المنظف جيدا
للتتبيل :
12فص ثوم
1فلفل اخضر
1فلفل احمر
5الليمون
2ملعقة كبيرة زيت
توابل :
ملح -فلفل اسود
11/4ملعقة صغيرة كمون
1/2ملعقة صغيرة كزبرة
1/2م/ص بربيكا+ شطة
1/2ملعقة صغيرة بصل وتوم مسحوق (اختياري )
الحشو :
2ملعقة كبيرة كزبرة مفروم
1طماطم مقطعه الي مكعبات
1بصلة متوسطة الحجم مقطعة الي مكعبات
1فلفل اخضر مقطع الي مكعبات
1فلفل احمر مقطع الي شرائح
1ملعقة كبيرة شبت مفروم -ملح فلفل اسود
للنقع :
12فصوص ثوم
1/2كوب كزبرة طازجة مفروم
7ليمون
2ملعقة كبيرة خل
21/2كوب ماء
التوابل (ملح -فلفل اسود -مسحوق شطه -كمون -كزبرة-جنزبيل مطحون )
فلفل احمر اواخضر حار
تغطية الردة :
كوب ردة
ملح -فلفل اسود كمون -كزبرة -مسحوق شطة -بصل وثوم مسحوق -بربيكا
طريقة عمل
لعمل السمك وتتبيلة
نقوم بتنظيف السمك كويس من الداخل والخارج ونعمل شقوق في سطح السمك ثم نتركها تصفي من الميه شويه في الكبة نضع الثوم مع الفلفل الاخضر والفلفل الاحمر ونضعه في وعاء كبير ثم نضع عصير الليمون زيت والتوابل وتقلبه جيدا ثم نتبل السمك من الداخل والخارج بالتتبيلة وايضا الشقوق جيدا ثم تترك في التتبيله ويوضع في الثلاجه من 2ساعة الي طوال الليل
للحشو
بعد ان يتبل نحضر الحشو في وعاء عميق نضع كل مكونات الحشو معا وتقلب جيدا ثم تحشي بطن السمك جيدا

ثم نضع صاجه علي البتوجازاو في مقلاه علي البوتوجاز او يمكن عمله في صينية في فرن حسب الرغبه الي ان تسخن الصاج نضع في طبق الردة مع التوابل وتقلب ثم نغطي بها السمك جيدا وعندما تسخن الصاج نضع السمك وتقلب علي جميع الجوانب الي ان تستوي تماما في وقت السمك بشوي
لعمل النقع
في الكبة نضع الثوم والكزبرة والفلفل الاخضر او الاحمر الحار ثم يوضع قي صينية مسطحة مع اضافة التوابل والخل والليمون والماء وتوضع جانبا لحين الاستعمال
عندما تستوي السمك نضعها في النقع وهي ساخنه ونتاكد ان السمكه شربت النقع كلها ترفع من التتبيلة وتوضع علي البقدونس وتقدم مع الارز والسلطة الخضراء والخبز
-----------------------------

تورته بدون بيض

400ج سكر – 225ج زيت – 250ج ماء دافىء – 75ج كاكاو – 25ج بيكنج بودر
262ج دقيق (حوالى كوب و3 ملاعق كبيره) – نص معلقة ملح – 4ج فانيليا – كريمة نباتى – عين جمل - فروت دراى


الطريقة

مقاس الصينية 28
نولع الفرن على درجة متوسطة قبل الشغل
نضع الزيت والماء الدافىء والسكر وندوبهم مع بعض بالمضرب السلك لحد مايدوبوا ونضع الفانيليا
اضع الملح والبيكنج بودر على الدقيق واخلطهم
ثم اضعهم على الخليط اللى دوبناه فوق واخلطهم ثم اضع الكاكاو ونخلطهم بالمعلقة الخشب او البلاستيك
اضع العجينة فى الصينية فى فرن من 45 دقيقة لساعة
اضع على الكريمة النباتى شوية شيكولاتة سايحة واقلبهم
بعد ماتستوى وتبرد ادهنها من بره ومن فوق والاجناب كلها بالكريمه وندخلها الفريزر لمدة نص ساعه وبعد ماتطلع اصب عليها الشيكولاتة المرواة وهو ساخن جدا
ارش رشة سكر بودرة على العين جمل وارصصه على وش التورتة
وممكن كمبوت فواكه

يعنى الذواق ده على ذوقك



شيكولاتة موروا




½ كيلو سكر – 200ج ماء – 180ج عسل جولكوز – 180ج كاكاو – 20ج جيلاتين نباتى
نضع على النار السكر والماء لحد مايتخنوا بس ميتغيرش لونه
فى حلة تانية اضع الجلوكوز والماء لحد مايتخنوا بس ميتغيرش لونه
ثم اضعهم على بعض ثم اضع الجيلاتين وادوبهم كويس لحد ماتعقد ثم اضع الكاكاو
يغلوا غلوة بس


سلطة الخس والجزر والزيتون

المقادير:
2 ك خس مقطع شرايح
ك جزر مبروش خشن
ك خيار مبروش خشن
1\4 ك نعناع مفروم ناعم
1\2 ك زيتون أسباني أسود شرائح

3 م ك زيت زيتون ، 4 م ك عصير ليمون ، م ك سماق ، ملح ، م م نعناع ناشف

الطريقة:
اخلطي المقادير ثم اخلطي مقادير التتبيلة ثم صبيها عليها


شوربة الطماطم

بطاطسايه – بصلة – جزرة – كرات – ملح وفلفل – 20ج كرفس
20 ج ريحان – 10 ج سكر – ½ كيلو طماطم – معلقة طماطم بيورية

الطريقة

نضع البصل والجزر والكرفس المقطعين اى تقطيع فى زيت الزيتون تقليبة ونضع الطماطم المقطعه اى تقطيع ونقلب ثم نضع البطاطساية المقطعه ثم نضع معلقة الطماطم البيورية وماء ونغطى لحد قرب السوى نضع معلقة الطماطم
وبعدين نطفى ونضربها فى الخلاط ونصفيها ونغرفها

جنجر ****ز

40ج قرفة ( 2 معلقة كبيرة ) – 40 ج جوزة الطيب ( 2 معلقة ) – 400 ج سكر (2 كوب ) - 300 ج ماء ( كوب ونص ) – 900 ج دقيق – 40 ج قرنفل ( 2 معلقة) – 40 ج عصير ليمون - 80 ج عسل نحل ( 1/3 كوب )

الطريقة


اضع فى الخلاط الدقيق والقرنفل وجوزة الطيب
اضع على النار السكر والماء والعسل النحل واول ما يغلوا اضع عصير الليمون
وبعد الغليان انزل بيهم على الدقيق واحدة واحدة
وبعد ما تبقى عجينة ادخلها الثلاجة لمدة ساعه وبعد ماتطلع افردها
على صاج رفيع نص سم واشكلها بالاشكال وادخلها الفرن على 160 لمدة 25 دقيقة


بعض افكار للفول


الفول بالزيت و الكمون


:يضاف للفول عصير ليمون و ملح و كمون و زيت(ذرة او زيتون زي ماتحبوا)
الفول بالدقة:تجهز دقة من ثوم مدقوق و ملح و كمون و كركم و ليمون و نضيفها عليه مع زيت و ممكن نضيفله طحينة.


الفول بالسلطة

:تقطع طماطم مكعبات صغيرة و بصل و فلفل أخضر برضه مكعبات صغيرة و نضيف لهم ملح و كمون و خل و ليمون و نضيفهم للفول و نحط زيت و طحينة حسب الرغبة.


الفول بالطماطم:

تقطع الطاطم مكعبات صغيرة و لما الفول يسخن نضيفها و نتركها إلى أن تذبل ثم نضيف الليمون و الملح و الكمون و الزيت.

الفول بالثوم و الطماطم:
نقطع فصوص الثوم بالسكين شرائح بالعرض و نقلبها في السمن أو الزبدة حتى يصير اللون ذهبي و بعدين نضيف الطماطم المقطعة مكعبات و نضع ملح و فلفل اسود و بهارات و لما الطماطم تذبل نضيف الفول و نقلبه كويس.
الفول بالباذنجان:لو باقي عندك شوية مسقعة أو باذنجان مقلي أو بابا غنوج قلبيه مع الفول و ضيفي ليمون و ملح و كمون و زيت بيبقى طعمه روعة.



فول بالطحينة


فول مدمس - طماطماية - معلقة كبيرة بقدونس مغسول ومفروم - نص معلقة صغيرة ثوم مهروس - معلقة كبيرة طحينة - معلقة خل - معلقة عصير ليمون - معلقتين كبار زيت - ملح و كمون

الطريقة

سخنى الفول واهرسية بالشوكة وقطعى علية الطماطماية قطع صغيرةضعى فى طبق الطحينة والخل والزيت والثوم و البقدونس واخلطيهم كلهم مع بعض وبعدين ضعيهم على الفول وتبلى بالملح والكمون

البصـــــــــــــاره




المقادير

نص كيلو فول مدشوش
3 حزمة بقدونس_ حزمة كسبرة خضراء
1 بصلة كبيرة او بصلتين متوسطين
1 رأس ثوم ملح، فلفل أسود كمون، نعناع ناشف


للتقلية :
ثوم، كسبرة ناشفة ، عصير ليمونتين ،زيت


الطريقة
نغسل الخضرة كويس و نخرطها بالسكينة
نسلق الفول والبقدونس والكزبرة مع البصل والثوم مع بعض فى ماء حتى يستوي تماماً ويتهري.
وممكن تسوى فى حلة الضغط (البرستو)وممكن لو عازت ماء نضيف لها
نستنى لما تبرد شوية و نضربها فى الخلاط ونرجعها على النار تانى .
نحط لها بقى الملح والفلفل الأسود والكمون والنعناع ونسيبها لحد ماتغلى
نكون عملنا التقلية نضع الزيت على النار حوالى 3 معالق ثم اضع الثوم المهروس لحد ما يصفر ثم اضع الكزبرة الناعمة الناشفة.
بعد ماتجهز خدى منها شوية و حطيها فى البصارة قبل ما تغرفيها فى الاطباق مع تقليبة ثم اضع عصير ليمونة كبيرة او ليمونتين و اطفى النار على طول .
بعد مانغرف البصارة فى الاطباق نضع باقى مقدار التقلية على وش الاطباق



طريقه اخرى للبصاره

يسلق نص كيلو فول مدشوش بس بعد ما يكون منقوع حوالي ساعتين عشان يتسلق بسرعه

.. وبعد كدة يعمل له دقه بملعقه كبيره ثوم مع ملعقه كبيره كمون وشوية شطه وده في الكبه ويوضع ملح بعد الفول ما يستوي ..
ويوضع ملوخيه ناشفه وتكون ناعمه .. حوالي أقل من كوب ..
نرش ونقلب لغاية ما تعطيكي لون حلو للبصاره..
وبعدها نعمل تقليه ببصله كبيره مبشوره أو مقطعه جوانح مع أقل من نص كوب زيت ذره ..
ولما البصله تتحمر بني غامق .. نحط الزيت علي البصاره وأحتفظ بالبصل لتجميل وجه الطبق يبقي كده البصاره خلصت بس لسه عاوزه تتصفي ..
أستني عليها لما تبرد وتخلط في الخلاط وتصفي بمصفاه سلك..
ونرجع نغليها غلوه عشان تضبط القوام بتاعها .. لوكان تقيل نزيد ميه ولو خفيف نغليها شويه .. ونضبط الملح كمان نفرغها في أطباق ونرش علي الوجه البصل المحمر وبقدونس وممكن صنوبر محمر



الطعميــــــــــة



نص كيلو فول (مدشوش) - بصلة متوسطة مقطعة - معلقة صغيرة ثوم - نص كوب كزبرة خضراء وشبت - ½ كوب كرات
1 معلقة صغيرة كزبرة ناشفة - ½ معلقة صغيرة بيكربونات صودا - معلقة صغيرة ماء ملح- شطة - ربع معلقة كمون مطحون - سمسم للتزيين - زيت للقلي

الطريقة:

يغسل الفول وينقع لمدة 12 ساعة مع تغيير الماء كل ساعتين يشطف الفول جيداً ويصفى من الماء
تخلط الخصروات مع الفول.
ثم تفرم سواء بمفرمة اللحم او الكبة مرتين لحد ما ينعموا خالص
نذوب بيكربونات الصودا في الماء وتضاف إلى العجينة



ثم نضع الملح والشطة و الكزبرة و الكمون وتقلب جيدا يوضع الزيت في مقلاة على نار متوسطة.
نعمل عجينة الطعمية أقراص صغيرة بمعلقتين او بالة الطعمية المخصوصة


ونحط وش الطعمياية فى السمسم وتقلى في الزيت لحد ما تستوى وتنشف


ملحوظة



اذا كنتى حتشيليها فى كيس نايلون فى الفريزر ومش حتحمريها يبقى ماتحطيلهاش البيكربونات ( يعنى تحطيها وقت ماتكونى حتحمريها بس )




الطعمية المحشية


بصله مقطعه صغير - ملح - فلفل اسود – كزبره ناشفة - كمون - قرفه ناعمه - فلفلة خضراء حامية


الطريقة


شوحى البصله فى شوية زيت صغيرين وضعى عليها كل التوابل واحشى بيها اقراص عجينه الطعمية وتقلى



ده بقى العدس بطرق كتير ومختلفه


الكشرى المصرى





المقادير
1 كوب عدس بجبة ( عدس اسود)_2 كوب أرزاو كوب عدس بجبة _كوب ارز او 2كوب عدس بجبة _ كوب ارز كيس مكرونة صغيرة ( مرمرية ) - نصف كوب حمص الشام- 4 بصلة كبيرة
الصلصة
2 كوب عصير طماطم
1 ملعقة صلصة طماطم
5 فصوص ثوم مدقوقين
ربع كوب خل و ملح و كمون و شطة زيت ذرة

الطريقة:


- نغسل العدس ثم نسلقة فى ماء وملح وكمون نص سلق بس ) لانة حيكمل السوى مع الارز)و بعد السلق نشيلة من ماء سلقه و نحتفظ بالماء–(حيكون لونها بنى )نقطع البصل أربع إرباع ثم شرايح رقيقة جدا ونحمره فى زيت حتى يصبح لونه ذهبي مائل للاحمراراو ممكن نقول بنى بس ما تحرقيهاش. - نشيل البصل من الزيت بالكبشة ونحطة على الورق الماص للدهون او على كلينكس
- في نفس الزيت نضع العدس المسلوق ونقلبه تقليبة ثم نضع الماء بتاعة اللى لونه بنى و كنا ركناه على جنب و نضع الملح و نتركها تغلي ثم نضيف الأرز بعد غسله و يجب أن يغطي الماء الأرز و العدس , نقلبهم جيداً و نغطي الحلة , وعندما يبدأ الرز بشرب الماء نوطي النار و نطبخه مثل الارز العادي.
- نسلق الحمصفي ماء مملح وكمون نصفيه من الماء ) ممكن الاستغناء عن الحمص )
- نسلق المكرونة في ماء مملح و نصفيها .
- لتحضير الصلصة :
ناخد الثوم المدقوق و نقلبه في القليل من الزيت إلى أن يصفر لونه ثم نضع الخل لحد ما يغلى و بعدين نضيف عصيرالطماطم و الملح و الكمون و الشطة لحد ماتتسبك مع اضافة القليل من الماءحتى تكون متوسطة السمك ولا جفيفة ولا تخينة
- و نطفي عليها النار . .

ترتيب الطبق:
- نضع الكشري )الأرز بالعدس)و عليةالمكرونة و علية صلصة ثم البصل المحمر ثم الحمص و يقدم و الدقة بتكون وحدها




شوربة العدس



ربع كيلو عدس اصفر - ملح – فلفل – كمون – بصلة متوسطة مخرطة رفيع – طماطماية – بطاطساية صغيرة – جزرة صغيرة - شطة حسب الرغبة


الطريقة


نضع العدس فى حلة على النار و علية الطماطماية مقطعة اربع و الجزرة مقشرة و مقطعة قطع صغيرة و البطاطساية مقشرة و مقطعة نصين ونضع الماء يغطى العدس بكوب ماء و نتركة لحد ما يستوى مع التقليب و نشيل الريم و نراقب الماء كل ما ينقص نزود شوية بشوية بعد ما يستوى اما نضعة فى الخلاط فى دورق العصير و نضربة ( او ) نصفية بمصفة الطماطم ام ايد )وانا بفضل المصفاةثم نضع شوربة العدس فى الحلة و نبدأ فى وضع الملح و الفلفل و الكمون بس زودى الكمون شوية بيديها طعم جميل وقلبى و ظبطى تخانة العدس زى ما انتى شايفة امامك يعنى لو تخينة زودى ماء و قلبى هاتى معلقتين زيت و عليهم البصلة المبشورة لحد ما تصفر وحطيها على العدس تقليبة و اطفى النار







العدس الاصفر المغروف
بعد ما عملنا شوربة العدس عادى خالص وبنوصل للمرحلة اللى بنحط تقلية البصل فى العدس بنخفف الشوربة شوية وبنغسل حوالى نص كوباية ارز وبنضعها على العدس واهم حاجة تفضلى تقلبى علشان الارز مايلزقش لحد الارز مايستوى وتغرفية فى الاطباق زى الارز باللبن بالضبط وتضعى نص البصلة التانية على الوش


كشرى العدس الاصفر


كوب عدس اصفر
كوب ارز- زيت - ملح - كمون

الطريقة
اغسلى الارز والعدس الاصفر ثم يصفى من الماء
ضعى فى حلة على النار حوالى 3 معالق زيت وحطى الارز فى الزيت وقلبى قلبى لحد ما تحسى ان الارز اتبل كلة بالزيت وفرفرضعى العدس على الارز والملح والكمون واخلطيهم ببعض وبعدين حطى عليهم ماء كأنك بتسوى الارز عادى خالص


ولما يشرب الماء تروحى موطية النار تسبية لحد لما يستوى وتغرفية وبيكون الكشرى مفرفر وبالهنا والشفا بيتاكل معاة طرشى زى الليمون بيبقى جميل

ملحوظة


بالنسبة للعدس الكشرى ممكن يتعمل مش مفرفر بيكون طرى (سوفت )فية ناس كتير بتحبة كدة بعد ما يشرب الماء ونوطى النار اثناء ما هو بيستوى ترشرشى كل شوية بشوية ماءحتلاقية بيطرى ولما يستوى قبل ما تطفى النار على طول تروحى حطة علية معلقة زيت و تقلبيها وتطفى النار وتغرفية







 

رد مع اقتباس
مساحة إعلانية

قديم 2014-06-12, 16:19   رقم المشاركة : 2
معلومات العضو
وفاء20
عضو مجتهـد
 
الصورة الرمزية وفاء20
 

 

 
إحصائية العضو










افتراضي

جزاك الله خيرا







رد مع اقتباس
إضافة رد

الكلمات الدلالية (Tags)
اكلات, صهيب

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 02:34

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2019 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright © 2018 vBulletin Solutions, Inc