شكون عايشة مع ناس راح يهبلوها - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى الأسرة و المجتمع > قسم مشكلتي

قسم مشكلتي هنا يمكنك طرح أي مشكلة تواجهك بواسطة الاستعانة بخدمة الوسيط

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

شكون عايشة مع ناس راح يهبلوها

إضافة رد
 
أدوات الموضوع انواع عرض الموضوع
قديم 2019-10-21, 16:01   رقم المشاركة : 1
معلومات العضو
مشكلتي
العضوية خاصة
 
إحصائية العضو









افتراضي شكون عايشة مع ناس راح يهبلوها

تغسلي ماعنك.... راها تقربع
متغسليهمش....فنيانة
تسيقي وتنقي الحالة....خصرتي الماء وتعمرت الروقارة
متسيقيش ....معفونة
تلبسي قش شباب....خبيه للمناسبات
تلبسي قش مدرنح....متلبسش متبانش عروسة
تتقلشي....زواخة وحاطة روحها حاجة
متتقلشيش....كافية ومتخلفة لاه بيها
تديري مكياج ....راها تتبودع وتزوخ
ماتديريش....لاه بيها شينة كحل ماتديروش في عينيها كي النسا
تغسلي حوايجك ....علاه تغسلي بلوحدة خلي يتحجرو
تخليهم يتحجرو ....علاه راكي تخبي فلحوايج الموسخين
تبدلي لوليدك حوايجو....راح تمرضيه
متبدليلوش....راه فايح وقارص
تجمعي معاهم....يشبعوك هدرة بايخة
ماتقديش معاهم .....متكبرة
تسقسيهم على كاش أمر....راها تقرعج
ماتسقسيهمش....متكبرة مهيش حنينة
تغيري ديكور الغرفة وتبدلي فيها امور ....شبعت راحة
متغيريهش....تظل راقدة
تسشوري شعرك....الكهرباء جات غالية
متسشوريش ....يضحكو عليك .مكشردة
تبدلي ديما وتدوشي....تخسر الماء والصابون
متبدليش ....فايحة ومدودة
متاكليش .....وعلاه متاكش
تاكلي نورمال....تاكل بزاف

المهم بزاف بزاف صوالح هذو لي ران متفكرهتهم برك
علبالي مكاش حل هذي هي الدار الكبيرة على الاقل خلوني نفرغ قلبي لاني بالفعل راح نهبل وملقيتش لمن نشتكي من دون هذ الركن







 

رد مع اقتباس
مساحة إعلانية

قديم 2019-10-21, 17:47   رقم المشاركة : 2
معلومات العضو
toulay
أستـاذة، مشرفة منتديات الانجليزية، والتّعليم الثّانوي
 
الصورة الرمزية toulay
 

 

 
الأوسمة
العضو المميز 
إحصائية العضو










افتراضي

السلام عليكم
واش راح دير يا اختي اصبر وخلاص متردش عليهم حتى لو من الداخل تغلي وراح تنفجر ديرهم فالثقيل
الهدرة فيها فيها يالوكان منعرف واش تكون الناس مايعجبهمش لعجب
جرب احكي مع الزوج تاعك يكريلك وتستقل بدارك وحدة كيما يقول المثل اخسر وفارق
راحة البال لاتعوض بثمن
ربي يفرج عليك ان شاء الله
بالتوفيق







رد مع اقتباس
قديم 2019-10-21, 20:40   رقم المشاركة : 3
معلومات العضو
ing.Youcef
عضو مبـدع
 
إحصائية العضو










افتراضي

يا لطيف
أنت لي رايحة تهبلي روحك
كل ما تدري حاجة تبقاي تسني فيهم واش يقولو عليك
إرضاء الناس غاية لا تدرك
عيشي حياتك بالواجب والمعقول وما يهمك في حتى واحد
كلش يفوت وما يبقى غير العيب
بالتوفيق







رد مع اقتباس
قديم 2019-10-21, 21:13   رقم المشاركة : 4
معلومات العضو
أثر
مشرفة قسم عُلـوم القـرآن
 
الصورة الرمزية أثر
 

 

 
الأوسمة
المشرف المميز 
إحصائية العضو










افتراضي

ابقاي تبعي الناس واش يقولوا
لي حاب يهدر العام راه طوييييل
عيشي حياتك وديري الشيئ المعقول والمنطقي ولي ماعجبه يروح يشرب من ماء البحر قد ما شرب ماراحش يفضّ







رد مع اقتباس
قديم 2019-10-21, 21:32   رقم المشاركة : 5
معلومات العضو
mina2004
عضو مجتهـد
 
الصورة الرمزية mina2004
 

 

 
إحصائية العضو










B8

ما كنتش حابة نضحك ضحكتيني سيرتو هادي صراتلي تع تبدلي ديما وتدوشي....تخسر الماء والصابون
متبدليش ....فايحة ومدودة
ههههه يربي يفرحك كيما فرحتيني و يزرع الضحكة على وجهك باينة راكي معمرة علخر اختي

كحل لمشكلتك قولي لراجلك يدير شلاغم و يكري دار وتعيشوا وحدكم عاد وقتها دير رايك و تقلشي كيما تحبي و ما راحلك في حتى عربي
الى ما صلحش و ما قدرتوش تكروا دار جمونفو و اتهناي من الناس كيما يقولوا رضا الناس غاية لا تدرك ما راحلكش فيهم و ش قالك مخك ديري اعملي و سيبون







رد مع اقتباس
قديم 2019-10-22, 14:24   رقم المشاركة : 6
معلومات العضو
تاج الوقار16
عضو مميّز
 
الصورة الرمزية تاج الوقار16
 

 

 
إحصائية العضو










افتراضي

اختي كل العرايس ذايقين من الكأس هاذي
كتبت لك ردا مفصلا ولم يمر بسبب النت
المهم باختصار
ديري في وذنك كيتمان واسمعي قران كي تكوني تخدمي في الشغل
وفي فراغك اغلقي عليك شومبرتك والعبي مع وليدك واللي يطبطب عليك يستنى شوي قوليلو كنت مشغولة
واذا قالو لك هاذي روبا ماشي شابة قولي لهم شفتو مقدم الحصة الفلانية قال بلي المشي مليح للقلب(مثال برك)
يعني بدلي الموضوع تخليهم حايرين
لازم تبقي غامضة في نظرهم يوليو يخافو من ردة فعلك اللي لا علاقة بالموضوع
مالازمش تبانيي بلي تقلقتي والا يوليو يستفزوك
ومهما كان انت راجلك ولا انو ماراحش ينافسوك ويوليو ضراير
خافي من اللي راهم برا انيقات عريانات يوزعو في الابتسامات ممكن راجلك يميل ليهم ويهرب من عبوسك وانشغالك بتفاهات اهلو
وزيد كون راكي في دار باباك تتمني برك تتزوجي ولا تولدي وتقولي نتحمل كلشي
تكون راكي مريضة تقولي يا ربي غير صحتي وكل شي يهون
لكل شيء اذا ما تم نقصان..فلا يغر بطيب العيش انسان
هي الأمور كما شاهدتها دول..من سره زمن ساءته ازمان







رد مع اقتباس
قديم 2019-11-02, 18:30   رقم المشاركة : 7
معلومات العضو
المطمئنّة
عضو نشيط
 
الصورة الرمزية المطمئنّة
 

 

 
إحصائية العضو










افتراضي

السّلام عليكم ورحمة الله وبكاته

استعملي قاعدة: السّكوت عن الأحمق جوابه
تجنّبي الجلوس في التّجمّعات التي تتأذّين منها، واشغلي نفسكِ بالإستماع للقرآن أو المحاضرات الدّينية أو الكتب المفيدة بصيغة audio
لا تضيّعي وقتكِ في تحليل نظرة الآخرين لكِ وكلامهم عنكِ
لأنّكِ ستتعبين نفسيا وتخسرين الكثير دون أن تشعري وأنتِ منغمسة في الإهتمام بهذه السّفاسف
لعلّ الله يرزقكِ راحة البال






رد مع اقتباس
قديم 2019-11-04, 21:44   رقم المشاركة : 8
معلومات العضو
زايدي أمحمد
عضو مجتهـد
 
إحصائية العضو










افتراضي

الله يكون في عونك







رد مع اقتباس
قديم 2019-11-05, 22:23   رقم المشاركة : 9
معلومات العضو
fatijijel
عضو مجتهـد
 
إحصائية العضو










افتراضي

ربي معانا و الله المستعان







رد مع اقتباس
قديم 2019-11-08, 05:12   رقم المشاركة : 10
معلومات العضو
قدور بن عاشور
عضو نشيط
 
الصورة الرمزية قدور بن عاشور
 

 

 
إحصائية العضو










افتراضي

لا يوجد حل،

إصبري و خبي في قلبك و على 20 سنة خرجي زعافك في زوجة ابنك

و هكذا حتى تستمر الدورة (الأم ـ زوجة الإبن) إلى قيام الساعة






رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 21:20

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2019 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright © 2018 vBulletin Solutions, Inc