نجحت ولكن !!

[المُـسْتَحِيـلْ]

السلام عليكم :
من أين أبدأ أخوتي ، الحمد لله أنني نجحت في البكالوريا بمعدل 11.30 ، ولكن هذا المعدل يؤرقني بشدة وخاصة الاختيارات الجامعية ، الله غالب كانت ظروف خاصة جدا ً هذا العام لكن أشعر بالإحباط نوعا ً ما ، ولكن ما يحيرني أكثر هو المستقبل ، ماهو التخصص الذي سأختاره ؟؟
فأنا أميل نوعا ما إلى اللغة الأجنبية الإنجليزية ، فما رأيكم لو أختارها و أعيد البكالوريا العام المقبل ؟ وما هي اقتراحاتكم ؟؟؟

[مَجْنُوْنَةٌ أَنَاْ]

و ماهو طموحك بعد اعادة الباك ؟؟

[zizou93]

اهلا اخي راني كيفك معدلي11.77
والله مافهمت واش راح ندير راح نهبل
مام انا قلت نخير فرنسية او انجليزية
المشكل وكي نخيرو ها ومن بعد واش كان
واذا عندك اختيارات اخرى قولي

[وردة أمل]

أولا مبروووووووووووووووووووووووووووووك عليك النجاح و العقوبة لنجاحات أخرى إن شاء الله

و لما لا ؟؟ تستطيع دراسة الانجليزية و هي تخصص مليح و فيه فرص للعمل كما أنوا القراية تاعها ماشي صعيبة بزاف للي يكون عندوا la base ......انا راني سنة ثانية انجليزي رغم اني جبت في الباك شعبة علمية ب 15,16 ,,,,هذا هو المكتوب,,,,,

و تقدر تقرا و تعاود الباك حر في نفس الوقت ,,,,,,

الله يوفقك

[المُـسْتَحِيـلْ]

المشاركة الأصلية كتبت بواسطة *black poisen*

و ماهو طموحك بعد اعادة الباك ؟؟

أكيد معدل فوق 16 ،

شكرا لك

[المُـسْتَحِيـلْ]

المشاركة الأصلية كتبت بواسطة zizou93

اهلا اخي راني كيفك معدلي11.77
والله مافهمت واش راح ندير راح نهبل
مام انا قلت نخير فرنسية او انجليزية
المشكل وكي نخيرو ها ومن بعد واش كان
واذا عندك اختيارات اخرى قولي

الاختيارات منعدمة والمدارس العليا و التحضيرية لأصحاب معدلات 14 فما فوق ،

للعلم أنا درست شعبة علوم تجريبية

[المُـسْتَحِيـلْ]

المشاركة الأصلية كتبت بواسطة وردة أمل

أولا مبروووووووووووووووووووووووووووووك عليك النجاح و العقوبة لنجاحات أخرى إن شاء الله

و لما لا ؟؟ تستطيع دراسة الانجليزية و هي تخصص مليح و فيه فرص للعمل كما أنوا القراية تاعها ماشي صعيبة بزاف للي يكون عندوا la base ......انا راني سنة ثانية انجليزي رغم اني جبت في الباك شعبة علمية ب 15,16 ,,,,هذا هو المكتوب,,,,,

و تقدر تقرا و تعاود الباك حر في نفس الوقت ,,,,,,

الله يوفقك

بارك الله فيك ،

الله يبارك 15 وخيرتي إنجلزية ،

أنا ما عنديش مشكلة فيها بالعكس النقاط نتاع الإنجليزية ديما 16 فما فوق ،

قلت ممكن يكون عندي أمل في الإنجليزية ونطلع بيها مستويات أكثر ،

ربي يوفقك

[zizou93]

المشاركة الأصلية كتبت بواسطة المُـسْتَحِيـلْ

الاختيارات منعدمة والمدارس العليا و التحضيرية لأصحاب معدلات 14 فما فوق ،

للعم أنا درست شعبة علوم تجريبية

حتى انا شعبة علوم
كيفاه منعدمة واش ندير على الاقل باش نيلوكي العام نتاعي

[المُـسْتَحِيـلْ]

المشاركة الأصلية كتبت بواسطة zizou93

حتى انا شعبة علوم
كيفاه منعدمة واش ندير على الاقل باش نيلوكي العام نتاعي

قصدي المدارس العليا ، اللي تضمن المستقبل نوعا ما ً ،

الاختيارات غدوة يعطيونا الكشف و الاختيارات وراني نجيبهم إن شاء الله

[وردة أمل]

المشاركة الأصلية كتبت بواسطة المُـسْتَحِيـلْ

بارك الله فيك ،

الله يبارك 15 وخيرتي إنجلزية ،

أنا ما عنديش مشكلة فيها بالعكس النقاط نتاع الإنجليزية ديما 16 فما فوق ،

قلت ممكن يكون عندي أمل في الإنجليزية ونطلع بيها مستويات أكثر ،

ربي يوفقك

يباك فيك

لالا لا أنا ما خيرتهاش كنت حابة ندير طب بصح مدوها 15,35 ,,,,,و اعطاوني في الاول في المدرسة العليا في وهران استاذة تعليم ثانوي فرنسية و درنا كونكور جاوبت على كامل الأسئلة و شكرتني المشرفة بصح في الأخير و جهوني انجليزية و ماشي مدرسة عليا لأنو الأولوية على حسابهم """الله لا يربحهم""" للأدبيين ,,,,,,,,وهاذي كانت حجة تافهة لما درنا الاحتجاج

يعني ماكانش عندي الاختيار,,,,,و عاودت الباك العام لي فات بصح جبتوا ب 13 برك ,,,,,,,قضاء و قدر

نصيحتي ليك قرا انجليزية و يلا عارف روحك تقدر توفق عاود الباك و نزيدلك حاجة الانجليزية في العام الأول ماهيش صعيبة خصوصا و انت مستواك الله يبارك

ربي يسهلك أمورك

[المُـسْتَحِيـلْ]

المشاركة الأصلية كتبت بواسطة وردة أمل

يباك فيك

لالا لا أنا ما خيرتهاش كنت حابة ندير طب بصح مدوها 15,35 ,,,,,و اعطاوني في الاول في المدرسة العليا في وهران استاذة تعليم ثانوي فرنسية و درنا كونكور جاوبت على كامل الأسئلة و شكرتني المشرفة بصح في الأخير و جهوني انجليزية و ماشي مدرسة عليا لأنو الأولوية على حسابهم """الله لا يربحهم""" للأدبيين ,,,,,,,,وهاذي كانت حجة تافهة لما درنا الاحتجاج

يعني ماكانش عندي الاختيار,,,,,و عاودت الباك العام لي فات بصح جبتوا ب 13 برك ,,,,,,,قضاء و قدر

نصيحتي ليك قرا انجليزية و يلا عارف روحك تقدر توفق عاود الباك و نزيدلك حاجة الانجليزية في العام الأول ماهيش صعيبة خصوصا و انت مستواك الله يبارك

ربي يسهلك أمورك

آمين وجميع المسلمين ،

الله غالب أختي كنت أظنك مدرسة عليا ، بصح هذي هي بلادنا ،

شكون عطاوك العام الأول شكون راكي مهنية ،

للأسف ،

ربي يوفقك أختي لحاجة أفضل تلبيلك طموحك ..