يوميات فتاة جزائرية متجدد

[نينا الجزائرية]

المشاركة الأصلية كتبت بواسطة tina19

والله روووووووووووووعة
نقولك حاجة والله كلي راكي تحكي في قصت حياتي
نفس الاحداث وقعت معايا ( قصت البورتابل وقصت التاخر)
سلامي الحار لك اختي نينا
في الحلقة القادمة ان شاء الله هههههه

اهلا تينا علي وزن نينا ههه
كامل جزنا عليها لان الجامعة ويومياتها وروتينها واحد
انتظري حلقة القادمة
سلامي لك

[نينا الجزائرية]

المشاركة الأصلية كتبت بواسطة fffatima zohra

salem 3alaykom
ga3 had chi rah sari fiha
lmohim rana ntab3ou w ned3iwelha inchalah
waiting for the next

علي السلامة اختي
فرحانة لانك متابعة وفية وتفظلي الحلقة الجديدة

[نينا الجزائرية]

السلام عليكم


بعد ماقرينا تقريبا شهر أو أكثر قسموناdes groupes ومن زهري طحت انا وفاطيمة في نفس الفوج اما فتيحة ولطيفة كل وحدة طاحت في فوج وحدها وبدينا les TD et les TP كان عندنا TD 2 واحد الصباح على 8.00 تع الفيزياء وواحد العشية على 3.00 تع الرياضيات وكان يخلاص على 4.30 بصح انا وفاطيمة ماكناش نقدرو نكملو حتى لل 4.30 كنا نعياو الله غالب على هذاك قلنا للبروف احنا نسكنو بعاد ومايقدناش الوقت كي نخرجو على ال4.30 ايلا تقدر تخلينا نخرجو على 4.00 والبروف كان عااااااااااقل بزااااااف قالنا ايه معليش كيما تبغو ومن هذاك اليوم واحنا بلا مايقلنا كي تلحق الربعة نرفدو قشنا ونخرجوا.



اما les TP كانو دايما مع الصباح من 11.00 لل 12.30 في الأول عجبني الحال كي لبست الطابلية البيضة ودخلت للمخبر حسيت روحي طبيبة بصح كي بدينا نقراوهم ماعجبنيش كامل الحال وخصوصا كنا نقراو غير على النباتات ولا الحشرات ونرسموهم في آخر الحصة ومرة برك لي قرينا على جسم الإنسان بصح كان درس يحشم أما لي بروف لي يقروهملنا صعااااب والغلطة تخلصها غالية معاهم بغينا مرة نسيو مع البروف تع الفيجيتال الخطة تع الخرجة على 12 اخرجنا بلا مانقولولها قلنا رانا قاويين ومش رح تفيقلنا ماكناش عارفين بلي أخر الحصة نمدو كامل رسم تخطيطي للنبتة لي قرينا عليها وهي كامل ماعياتش راسها مدتلنا 0 وخلاص .




باقي أسبوعين للإختبارات وانا كنت ضاااااايعة مع الدروس قررت أني نبدا نراجع ونلخص كامل الدروس وكل ليلة إمتحان نراجع ملخص المادة لي عندي غدوة من ذاك و ليلة الإمتحان الأول قررت ندير nuit blanche وقلت نشرب كاس قهوة قاطعة وماشي مسكرة باش مانرقدتش بصح غير شديت le cahier حكمني نعاس غريييييييب وماقدرتش نقاوم رقدت وقلت الصباح nrigul portabl و نوض بكري والصباح غير بدا يصوني البورتابل طفيتو ورقدت وكي لحقت 7 فطنت وانا مذعورة وقلت تهدرت عليا بقيت نلبس ونقرا ونشرب في قهوتي ونقرا وراكبة في الترنسبور ووافقة وتان نقرا


وكي بدا الامتحان وقسمو علينا les sujet قلت دعاء الإمتحان اللهم لا سهل إلا ماجعلته سهلا وأنت تجعل الصعب إذا شئت سهلا زعما باش يجيني ساهل وبديت نقرا في الأسئلة كانو 20 سؤال وكل واحد نجاوبو عليه ياإما بـ صح أو خطأ قلت الحمد لله والله أسهل sujet رح ندي 20 من 20 أكيد
وبديت نجاوب السؤال الأول قلت هذا الإجابة تاعو باينة بلي صح ومن بعد قلت أواه خطأ وبعد رجعت في رايي وقلت ماكانش منها الشيخة تحط السؤال اللأول وتكون إجابتو خطا نظن بلي صح وحطيتها صح وخلاص
والسؤال الثاني قلت مدام الجواب الأول كان صح نظن الجواب الثاني رح يكون مخالف وحطيت خطأ
وبديت نجاوب على باقي الأسئلة نظن وما نظن ونسيت بأن بعض الظن إثم


وكانت كل أسئلة الإمتحانات الأخرى يا إما تع صح او خطا أو يعطولنا 3 إختيارات وإحنا نخيروا الجواب الصح بيناتهم وفي هذاك النوع من الإمتحانات كنت نعد للعشرة ولي تطيح فيه عشرة نحطو هو الجواب
ونهار لي أفيشاولنا كنت كارثة بيولوجية عظيييييييمة نادرة وغير متتكررة الحدوث بشهادة الجميع والمشكل ماكنتش وحدي كانت معايا فتيحة ولطيفة وفاطيمة الوحيدة لي ماتخيلتش انها تخرج بنقاط احسن منا بزااااااف وهي لي كانت نادرا ماتحضر الدروس........ يتبع


والحقلة الجاية نقلكم كيفاش جاز العام الأول ويلا طلعت أو لا وخاصة خاصة كيفاش تحصلت فاطيمة على النقاط المليحة
كونوا في الإنتظار


وصلى اللهم وسلم على سيدنا محمد

[عائد مع السوسن]

الظاهر فاتني كثير من اليوميات
لي عودة قريبة

[نينا الجزائرية]

اهلا وسهلا بيك اخي في كل وقت

[حمزة 2685]

كملي ........... كملي

عجبتني الفريجيدار ........... مليحة .

حتى انت استعرفتي .

كملي رانا نستناو .

[نينا الجزائرية]

شكرا اخي فادي
ترقبو الجديد عن قريب

[papicha 3sal]

مليحة بزاف عجبتني يومياتك

هادو يومياتك تاع الصح

[نينا الجزائرية]

تابعي البقية عن قريب
لا ليست يومياتي هي منقولة اختي

[[كبْرياء]]

شكراا خيتي نينا

تعلقت بزااف بهاذ اليوميات

سلامي..

[خدووجة]

ياختي تعلقننا بهاد اليوميات كملي اختي
رووووووووووووووعة

[mustapha_500]

اللهم صلي و سلم على محمد

[lola-dms]

السلام عليكم اختي كي قريت اليوميات ملول قلت هاذ اللهجة مشي غريبة عليا ....... مبعد عرفت بلي شلفااااااااااوية بنت بلااااااااادييييييي يوميات رائعة شوقتيني للمزيد

[نينا الجزائرية]

المشاركة الأصلية كتبت بواسطة إيمان قلب

شكراا خيتي نينا

تعلقت بزااف بهاذ اليوميات

سلامي..

تحياتي لك
مبروك عليك الاسم الجديد

[نينا الجزائرية]

المشاركة الأصلية كتبت بواسطة خدووجة

ياختي تعلقننا بهاد اليوميات كملي اختي
رووووووووووووووعة

الله يسلمك ختي