ايهاب جلال كائن بشري له مميزات وله عيوب بالتالي من العدل انك تحكم عليه بناءا علي مميزاته وعيوبه لكن مينفعش ابدا انك تحكم علي جزء واحد وتسيب الجزء التاني،انا واحد بميل لايهاب جلال وده لسبب معين أنه باختصار " بيحاول " وانك تحاول في دائرة مرتبطة بنمط واحد ده شئ يجبرني اني احترمك...
بيراميدز هذا الموسم ماشيه بشكل جيد جدا في الدوري وفي افريقيا خسرة مباراة واحده فقط أمام الأهلي " وأعتقد أن الهزيمه امام الاهلي والزمالك " شئ عادي جدا مش نهاية الكون لكن فكرة انك تنسف الشغل كله في جميع المباريات هو ال أمر صعب جدا، بيراميدز 4 اقوي خط هجوم واقوي خط دفاع بمعدل استقبال 0.7 في المباراه ومع ذلك أكثر الفرق استحواذ واكثر فريق في معدل التمريرات الصحيحه، كل ده مينفعش تنسفه في خسارة ماتش، خصوصا أن الدوري بنسبة كبيره مبيتحسمش بمواجهة الفرق الكبيره...
المباراه كانت متكفئه كل مدرب قدر يتفوق في لحظات معينه من المباراه الفرق هنا أن موسيماني قدر يستغل فترات تفوقه ولعيبته سجلت، لكن ايهاب جلال مقدرش يستغل فترات تفوقه لان لعيبة بيراميدز مقدرتش تسجل في أوقات تفوقهم، بالتالي كافة الماتش اتجهت نحو موسيماني، يبقي نطلع نقول كل مدرب غلط في اي ونجح في اي تحديدا ..
يعني مثلا من بعد الدقيقة 17 ايهاب جلال نجح في تحجيم الاهلي في وسط ملعبه ومنع الفريق من التدرج بالكره باستخدام ال "high pressing" في مرحلة بناء الاهلي ال ظل عاجز عن الخروج بالكره، قدر يوصل بأنماط معينه بدخول الكراتي وعادل في ال half space " للاستلام في انصاف المساحات من ثم يتحركون بشكل عمودي في العمق تغيير مراكز رمضان من الجناح الأيسر للجناح الأيمن علشان يقدر يقفل علي معلول في مرحلة التحضير وتحجيم انطلاقاته كلها امور ممكن نتكلم فيها أن هو نجح ينفذها، ممكن برضو نقول أن الفريق كان عنده مشكله في أوقات في عملية التحضير أو أثناء ال build up " رغم أن الفريق قدر بكسر ضغط الاهلي اكتر من مره ومحدش اتكلم عنها برضو، لكن موسيماني كان ذكي أن هو يجبر بيراميدز علي التمرير في أطراف الملعب،
الأهداف إخطاء فرديه بشكل كبير، يعني الهدف سوء تعامل من عبدالله السعيد في وضعيته للاستلام للداخل في مرحلة البناء، أو ابراهيم عادل ال الكره عدت من تحت رجله لكن ماعلينا نعتبرها أخطاء مدرب هل ده سبب كافي أن يتم تقيم المدرب بالفشل التام ! بناء اللعب حاجه من ضمن 8 مبادئ داخل الملعب، مينفعش تسيب 7 مبادئ وتمسك في واحد بس وتقول ده مدرب فاشل ! اي اسلوب لعب لي نقاط قوه ونقاط ضعف في النهايه انت كمدرب لازم تقبل بكل النقاط، يعني نفترض مثلا أن بيراميدز منع فكرة التحضير من الخلف هل ده سبب كافي يعني يضمنلك أن هو كان هيفوز ؟
في الاخير انا شايف أن ايهاب جلال مش مدرب سوبر لكنه مدرب جيد صاحب ايدلوجيه معينه فيها إيجابيات وسلبيات زي اي مدرب في الدنيا، مدربين اجانب كتير مسكت بيراميدز مقدرتش تحقق بطولات ومنهم ال فاز علي الاهلي لكنه بعد ذلك مقدرش يقدم أي مستوي محترم…
( تقرير عن مشاركة سيئة )، و الموجودة أسفل كل مشاركة .
2022-03-10, 07:27
ايهاب جلال.. قائِد بيراميدز المجتهد
العرض العادي
