قصة الشباب الجزائري

[kad_oma]

حياة الشاب الجزائري
1980(0 سنة) : ولد المدعو عبد القادر و يا فرحت والديه بيه يكبر ويخدم عليهم
1986(6 سنوات): دخل المدرسة وتحصل على المرتبة الأولى فرحوا بيه والديه وشراوله بيسيكلات.
199212سنة) انتقل إلى المتوسطة ( إنه ذكي و سيكون إطارا في المستقبل)
199615 سنة) ربح شهادة التعليم المتوسط و سينتقل إلى الثنوية إنها خطوة مهمة
1999: (18سنة) لقدد حقق حلم والديه ربح الشاب و سينتقل إلى الجامعة الحمد لله
2004(23 سنة) أنهى الدراسة الجامعية و أصبح مهندس أد الدنية
---------------------------- بداية الفلم---------------------------------------------------------------
سبتمبر 2004
الشاب: ذهب إلى الشكنة : راني حاب نفوت لارمي
العامل : تخرجت هاد العام ، آآآآ لا لازم تقارع حتى لمارس
الشاب: و واش ندير دروك
العامل : نعطوك سورسي و كي يجي مارس نعيطولك
الشاب:
مارس 2005( 24 سنة)
عاد الشاب إلى الثكنة : راني ستنيت و ما عيطتوليش؟؟؟؟؟؟؟؟؟؟؟؟؟؟؟؟؟؟؟؟
العامل : جماعتك مازال ، لازم نفوتوا لي قبلكم
الشاب: و ما هو الحل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
العامل : زيد صبر لسبتمبر مالك مقلق.........؟؟؟؟؟..............
الشاب ( كرهت مازلت ندي المصروف على الشيباني أنا كرهت)
الأم: مالك عبد القادر
عبد القادر: مكان والو قالولي لسبتمبر، ما تقلقيش روحك
الأم: روح الله يهنيك منها يارب ، نصلي و ندعيلك
لقى عبد القادر خدمة تاع anem ب 12000دج
عبد القادر : ماعليش خير من والو
ما عيطولهش في مارس و جا سبتمبر
سبتمبر 2006( 25 سنة)
الدركي: أنت عبد القادر.
عبد القادر : نعم
الدركي : هاك la convocation جاتك في شرشال.
عبد القادر: يما تبقي على خير، راني رايح نفوت لارمي.
الأم : روح الله يردك بالسلامة...
مارس 2008(27 سنة)
خسر عبد القادر عام و نص من حياته و مازال ما دار والو.........................................
عبد القادر: يما راني وليت و كملت لارمي
الأم: مرحبا الحمد لله أدخل ريح خاصك، نزوجك دروك يا ولدي
عبد القادر : مازا الخدمة يا يما ما تتقلقيش
الأم: ما عليش ، نخطبلك و كي تخدم تزوج.

2009 (28 سنة) 2010 (29سنة) 2011 (30سنة)عبد القادر مازال يحوس على خدمة و الخطيبة تاعوا سمحت فيه
يحسن عونها ما قدتش تزيد تصبر تزوجت واحد خضار على الأقل عنده دراهم و يقد يعيشها
خير من هاد المهندس اللي حاصل في روحه
من زهر عبد القادر صحابه سمحولهم في لارمي (إعفاء للذين أكبر من 30 سنة) مسكين ما عندهش الزهر.
عبد القادر: قتلتني الرشوة و المعريفة الحل هو نحرق روحي
واش تقولو فيها

[amine-maghnawi]

vous etes un artiste rabi yftah 3lik

الدنيا تلعب بينا

[omo mazen]

allaH YA3TIK ALF 3AFYA RAK TAHKI GHIR ASAH ALLAHOMA WAFIK CHABABANA LILHOSSOUL 3ALA AL3AMAL

[خ جوهر]

تحرق روحك؟؟؟؟؟؟؟؟؟؟؟؟؟؟؟؟؟؟؟؟؟؟؟ خاسر في لافار دنيا و اخرى ضمنت الجاهنامة هنا حاب تضمنها لهيه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ الله يهديك لي خلق ما يضيع قوي ايمانك خويا و ربي يكون مع كامل المومنين و الزاوالية

[ambitieuse]

فوي ايمانك خويا و ما يتبلع باب حتى ينتحلو عشرة.ان الله مع الصابرين.حقيقة بلادنا فيها الرشوة و اعيش حاليا مرحلة البطالة الا اني افول دائما حنا بنات و يجي وقت وين نخبو ريسانا و لكن رجال صعيب عليهم الحال و انشاء الله ربي يفتح علي الكل واحد سواء امراة او رجل .عسى ان تحبوا شيئا و هو شرا لكم و كدلك فوله ان مع السر يسرا ان مع العسر يسرا.

[الياس 213]

ياتيارتي رانا كامل في الميزيرية
وليبعد على ربي والله ما يتهنى سواء كان فقير أو غني
و الإنتحار من الكبائر يخلد صاحبه في جهنم دون شك
علاه جدودنا و والدينا في وقت الإستعمار تاع فرنسا حرقو رواحهم .ياك كافحو و صبروا رغم أن الوقت تاعهم أصعب من تاعنا
الــــــــــــــــــــــــــــــــــــــــــــحل :

الإلتجاء و الرجعة إلى الله ومراجعة النفس و الإبتعاد عن الدنوب و تقديم أسباب الرزق والتوكل على الله وحده و الإيمان بالقضاء خيره و شره ولاتنسى ياأخي أن هده الدنيا فانيا وأنها دار إمتحانات و إبتلاءات و إبتغي الدار الأخرة الباقية
لاحول ولاقوة إلا بالله ربي يهدينا ويهديكم و إنشاء الله يفرج على كل مهموم ومكروب

[sifer noureddine]

الحمد لله والصلاة والسلام على رسول الله وعلى آله وصحبه، أما بعـد:

إن قتل النفس بغير حق، من أعظم الذنوب وأكبر الكبائر، وقد نهى الله تعالى عنه في كتابه فقال: وَلاَ تَقْتُلُواْ النَّفْسَ الَّتِي حَرَّمَ اللّهُ إِلاَّ بِالْحَقِّ {الإسراء:33}، وقال تعالى: وَمَن يَقْتُلْ مُؤْمِنًا مُّتَعَمِّدًا فَجَزَآؤُهُ جَهَنَّمُ خَالِدًا فِيهَا وَغَضِبَ اللّهُ عَلَيْهِ وَلَعَنَهُ وَأَعَدَّ لَهُ عَذَابًا عَظِيمًا {النساء:93}، وثبت في الصحيحين عن أبي هريرة رضي الله عنه، عن النبي صلى الله عليه وسلم أنه قال: اجتنبوا السبع الموبقات... وعد منها قتل النفس التي حرم الله إلا بالحق. وروى أبو داود عن عبادة بن الصامت رضي الله عنه قال: قال رسول الله صلى الله عليه وسلم: لا يزال المؤمن معنقاً -ومعنى معنقاً: خفيف الظهر سريع السير- صالحاً ما لم يصب دما حراماً، فإذا أصاب دما حراماً بلح، أي أعيا وانقطع. وروى ابن ماجه عن البراء رضي الله عنه قال: قال رسول الله صلى الله عليه وسلم: لزوال الدنيا أهون عند الله من قتل مؤمن بغير حق.
أخي الكريم ليس هناك أفضل من الصبر و خالقنا هو الذي يعلم ما ينفعنا...فهو سبحانه يمهل ولا يهمل...نتمنى التوفيق للجميع...سلام.

[kad_oma]

السلام عليكم و رحمة الله. أنا كاتب قصة عبد القادر
أشكركم على هاته الردود التي تعكس مدى رجاحة عقل الشاب الجزائري أستسمحكم على هاته القصة المتشائمة
لكن و الله أني عندما قرأت بعض الردود أحسست أن الدنيا مازالت بخير و أنا لطالما تنبأت في شباب الجزائر خيرا.
خاصة ما ورد في حديث أحد الإخوة أنه تميزر من سنة 2003 لكنه تحصل أخيرا على منصب في مكان حساس و هنا أعاكس الكثيرين الرأي
فأنا و أعوذ بالله من قولة أنا أرى أن الخروج إلى الشارع لن تكون له النتائج المرجوة.
مع العلم أننا في هذا المنتدى من طلبة و خريجيين و إطارات يمكن أن نأتي بالتغيير و هذا بسيط جدا..
عدنا أمام الله و أمام ضميرك أنك عندما تحصل على مهنة أنك لن تصبح مثلهم و أنه لن تغرك الأموال أو الرشاوي و أنك ستقوم بوظيفتك و أمنيتك أن تخدم أخاك و هنا سأضمن أن إبني و إبنك لن يتلقى البيروقراطية و اللا مبالات التي تلقيناها نحن و من هنا يبدأ التغيير.
نعم، إنها كلمات صغيرة لكن لها أبعاد كبيرة.
إذا قبلتم العرض فسنرى الجزائر الحقيقية بعد 10 أو 20 سنة و السلام خير ختام.

[mout]

واش تخدم ؟

نصيد الحوت

وين ؟
........................
في تمنراست

تمنراست فيها بحر ؟
...
...
و الجزائر فيها خدمة ؟

[yayi]

الديت الباك في2001
deua في 2005
تزوجت في 2009
الديت ليسانس ف 2010
عندي بيبي في 2011
راني بلا خدمة
و هارب من الخدمة الوطنية
الله يي الخير
بصح ما قطعتش لياس الله هو الرزا الي يتوكل على الله هو حسبه
الصبر الصبر الصبر
و ما تقارعش الخدمة تاع الديبلوم
انا خدمت كلشي و اش كل شي و مازال راني نسلك والحمد لله

[abdelkader 02]

هههههههههههههههههههههههههههههههههه
خويا الله يحفظك وربي يخليك لينا ان شاء الله
والله العظيم غير نحتاجوك انت فوووووووووووووووور
انت حاجة خارقة للعادة
ربي يحفظك خويا ماتفكرش باش تحرق روحك
اصبر رانا كامل كيف كيف دبجا انا كيفك
اصبر واللي يصبر ينال ان شاء الله وربي يفتح عليك بخدمة لي تعوضلك كل شي

[abdelkader 02]

يا اخي الكريم والله لوكان جات بيدي غير نساعدك مي واش ندير الله غالب
انا نساعدك بحاجة وحدة فقط وهي ندعيلك ربي سبحانو ان شاء الله ربي يفرج عليك وعلينا