تطبيقي في الصدر الوردي الشتوي

djazia87holi · 2012-10-08, 23:37

السلام عليكن انشاء الله تكونو بخير اليوم جيت وجبتلكم تطبيقي في الصدر الشتوي لي قلتلكم عليه وانشاء الله يعجبكم لكن المهم انكم تعطوني رايكم فيه بمنتهى الصرااااااحة نبدا على بركة الله::::::
1...استعملت الخيط الخش وكبب سلك brioen غير ما خرج وابرة كروشي خشن رقم 3

نقوم بعمل سلسلة بطول الرقبة ونزيد عليها شوية

نخدم في كل عقدة من السلسة عقدة حتى يكتمل السطر الاول من بعد نزيدو في الغرز في كل سطر مثلا في كل غقدة نخدم عقدة اخرى ونعقب 3 عقدات بلا مانزيد فيهم العقدحتى نتحصل على شكل دائري يصل لمنتصف الاكتاف

في نهاية السطر الاخير من العقد ناخذ اللون الغامق ونخدم في كل عقدة 4بريد كبير بلف الخيط 3مرات على الابرة حتى يصبح ملتف وملتوي

منبعد نجي تحت البريد لي خدمناه ونعمل سلسلة مربوطة تحت البريد حتى تكتمل ونملا السلاسل المربوطة بالبريد لكن بنفس اللون من الخيط الخشن حتى تكتمل من بعد نعيد عمل البريد الكبير من اللون الغامق على البريد السابق المخدوم في السلاسل وعملتو بهذه الطريقة حتى يكون البريد الملتوي تحت بعضاه مباشرة

[IMG]https://www14.0zz0.com/2012/10/08/22/658796632.jpg[/IMG
ونكمل السطر الاخير بنفس الطريقة السابقة حتى يكمل في الاخير نكمل الاطراف بنفس الطريقة ونلصقلهم اقفال ونخدم النوارة لكن خدمتها بطريقة اخرى ونلصقها في الصدر وانشاء الله يعجبكم وانتظر ردودكم بفارغ الصبر

djazia87holi · 2012-10-08, 23:47

معلبليش وعلاه ما تحملش باقي الموضوع

fafi05 · 2012-10-09, 07:37

يعطيك الصحة اختي سلمت يداك

crono · 2012-10-09, 08:06

يعطيك الصحة

fifiarch · 2012-10-09, 08:26

مشكورة اختي الف شكر

ahlam2060 · 2012-10-09, 08:38

والله يا اختي الف الف شكر والله يسلم هاذوك اليدين .عندي بعض الاسئلة
شحال استعملتي عقدة في السلسلة لاني مشكلة في الرقبة يا تجي صغيرة يا تجي كبيرة.
الخيط ما استعملتيش انتاع الصوف استعملتي cottonعلى 2
راني نستنى في الرد وشككككككرا.