الى الاخوات الي طلبوpain swise بكرام بتسيار محل الحلويات

[yarasmin.26]

الرجاء التقيد بالمعلومات من فضلكم والمقادير pain swise
500 غ فرينة+250 غ زبدة+50 غ سكر+10 غ خميرة الخبز+1 م ص محسن+5 م ك لحظة+ 1 م ص ملح+ 2 صفاربيض +ماء دافئ خلطيهم مليح مثل عجينة لمونة وتركيها ترتاح منبعد حليها بالحلال رقيقة ضعي طبقة رقيقة من كرام بتسيار ولفي عليها العجينة{حول نفسها} بضغط عليها جيدا يصبح حربوش مثل الحلزون وطليه بصفارالبيض وتروكيه يخمر1 سا سخني الفرن مسبقا على درجة الحرارة225 درجة قطعيه دوائر اوشرائح عرض1.5 سم وضعيهم في السنوى وبسطي الدوائر الصغيرة باليد تصبح مسطحة ضعي فيها كرام بتسياروطلعي بيها حتى توصلي 4 الكبار ماديريش فيهم اطهيها 5 دثم نقصي لنار210 مدة 15 دطريقة تزين اخرى ماديريش كرام بتسيار غير الزبيب وحدو وكي اطيب وتبرد فرغي الفوندا مذوب في كل حبة وذا حبيتي بذوق الشكولاطة ديري كرام بتسيار اضيفي لها شكولاطة او الكاكاو عادي ملاحظة: الزبدة تستعمل بعدما رونتي العجينة غير بشوية حتى تتداخل فيما بعضها وذا صبتي العجينة تتلسق اضيفي رشة فرينة غير برشة حتى تنتلم

[*أم كوثر*]

تسلمي اختي الله يبارك فيك

[sarah3113]

شكرا لك وبارك الله فيك

[aziza05]

شكرا لك وبارك الله فيك

[MAYA07]

بارك الله فيك

[yakout01]

الف شكر على الوصفة بارك الله فيك

[محاربة الصحراء 19]

بارك الله فيك

[*أم ثازيري*]

شكرًا على الوصفة راني كتبتها بصح بانتلي معقدة شوية . ممكن صور للتوضيح اكثر ؟؟؟؟؟ الف شكر

[hamida2012]

الف شكر عزيزتي ربي يجازيك كل خير

[ادرارية]

شكرا على الوصفة

[sasafede]

اختي مافهمتش اهنا''' وطلعي بيها حتى توصلي 4 الكبار ماديريش ''' يعني ندير وحدة فوق وحدة ام ماذا

[yarasmin.26]

المشاركة الأصلية كتبت بواسطة sasafede

اختي مافهمتش اهنا''' وطلعي بيها حتى توصلي 4 الكبار ماديريش ''' يعني ندير وحدة فوق وحدة ام ماذا

معنتها الشكل ايجي حلزوني الدوائر4 الصغيرة هي الي تطليها بكرام بتيسيار اجي كاطبقة كريمة

[prettywoman]

يعطيك الصحة أختي على قاع الوصفات لراكي تتحفينا بها ربي يحفظك
وهذه صورة pain suisse للاخوات لمعرفوش شكله

[برق اللاح]

شكرا اختي العزيزة على كل الجهد المبدول منك وعلى الوصفات التي هي قمة في الروعة لدي استفسار قلتي ان الزبدة تضاف في الاخير بعد ما نرونو لعجينة ارجو منكي ان توضحي اكثر