كروشيه عروس الجزائر ""ورشة علاقات "السلة"""

sarahmmmm · 2012-12-03, 19:07

السلام عليكم اخواتي

اليوم راح انزل ورشة عمل علاقة السلة للاخت fati و كل اللي عجبتهم

ان شاء الله تكون طريقتي صحيحة لاني عملتها بدون بترون يعني شفت فقط و طبقت

راح نحتاج خيط كروشيه يكون كوتون بيرلي و خيط بلون اخر و يكون فيه سلك يعني يلمع
بسم الله نبدا

نعمل8 سلسلة و نغلقها

نعمل 3 سلسلة كغرزة بداية ثم 20 بريد

نعمل 3 سلسلة غرزة بداية و نعملو 34 بريد --حاولو تزيدو لي بريد فوق 20 تاع السطر السابق حتى تتحصلو على 34 بريد

نعمل 3 سلسلة غرزة بداية ثم صدف-- 2بريد 2 سلسلة 2 بريد- 2 سلسلة و نحسب 2 بريد من السطر السابق و نعمل 1 حشو ثم نعمل 2 سلسلة و نحسب 2 بريد من السطر السابق و نعمل الصدفة و نكمل الى اخر السطر
و نكونو كملنا قاعدة السلة

نعمل 3 سلسلة و ندير غرزة حشو لاحظو جيدا

راني رجعت لداخل القاعدة و في السطر الي عملت فوقو الصدفات و غرز الحشو عملت 3 سلسلةو كنت ندخل الكروشيه و نعمل غرزة حشو كما في الصورة

في هاد السطلر دائما راح نعمل5 سلسلة و وحدة منزلقة

هنا راح نعمل 6 سلسلة و وحدة منزلقة

في السطرين التاليين

نعملو 7 سلسلة و وحدة منزلقة

و السطرين الي بعدهم راح نعمل 8 سلسلة و وحدة منزلقة

sarahmmmm · 2012-12-03, 19:09

في هاد السطر نعملوه كامل صدفة فيها 7 بريد
دايما نديرو 7 بريد في منتصف الصدفة تاع السطر السابق و ندير 1 سلسلة و وحدة حشو فوق الحشو تاع السطر السابق

الان نديرو اليد تاع السلة و هي عبارة على
صدفة 2 بريد 2 سلسلة 2 بريد ثم ندير 2 سلسلة و نعمل الصدفة
و السطر التالي نعمل 3 سلسلة غرزة بداية و من بعد صدفة و 1 سلسلة 1 منزلقة و 1 سلسلة ثم الصدفة
السطر التالي صدفة 2 بريد 2 سلسلة 2 بريد ثم ندير 2 سلسلة و نعمل الصدفة
و نكرر صدفة 1 سلسلة 1 منزلقة 1 سلسلة و صدفة حتى نعملو 10 اسطر

لما ننتهي من اليد

نديرو anneau

نعملو اما سلسلة و من بعد فوقها ماي سيري
او كيما درت انا

لفيت الخيط 6 مرات على اصبعي و من بعد درت فوقو ماي سيري بزاف حتى حسيتو يابس شوية
و درت فوقو سطر ماي سيري بلون اخر و لصقتو في منتصف يد السلة بعد ما طويتها و لصقت جيهتها الاخر بالسلة

يبقى التزيين و كل وحدة تبدع

اما حشو السلة اخدت قطعة قماش لامع و حطيت في وسطها قطن و و خيطتها تقريبا شكل وسادة و عمرت بيها السلة تاعي احسن من وضع القطن و حدو مباشرة
تقدرو تعمل لاواط و تزينو السلات تاعكم بورود كروشي هاو ورود ساتان نوعو و اكيد راح تكون جميلة جدا في النهاية

هادا كان الدرس تاع علاقة المفاتيح نتمنى الشرح يكون واضح و فهمتوه راني نستنى تطبيقاتكم يا حلوات نعرفكم شاطرات و كل وحدة فيكم تحب تكون اول وحدة راني نستنى

في امان الله

ليلى الجزائرية1 · 2012-12-03, 19:33

نستناو في شرحك اختي الغالية

fifiarch · 2012-12-03, 19:38

مشكورة يعطيك الصحة عند استكمال ولو جزء من الصور تثبت الورشة

didahe · 2012-12-03, 19:49

مشكورة يعطيك الصحة

kakpop · 2012-12-04, 00:14

مبروك عليكم الدورة
و يعطيك صحة اختي سارة على المجهود

أم ياسين الزهراء · 2012-12-04, 08:32

واوووووووووو رووووووووووووعة الطريقة تعيشي

amira79 · 2012-12-04, 08:39

مشكورة يعطيك الصحة

fati z · 2012-12-04, 08:41

صباح الخير على الجميع انا جيت غير شفتها جيت نجري قيرب راحت ع_ليا الكار ههههههههههههههههههههههههههههههه وش بديتو ولا مازال والله فرحتيني اختي صارة وام سفيان هي والدة نتاعك راكي غير تبداي تلقايني وراك مانخلي حتى وحدة طبعني و انشاء الله انا اولى لي نحط تطبيقي مشكككككككككككككككككككككككككورة مسبقا و جعلها في ميزان حسناتك:dj_ 17::1 ::1 9: