شعر باللهجة الجزائرية هههه 100% عقلية ديزادية

تَــــــيْمَـــــآءْ , · 2010-12-25, 21:11

السلام عليكم ورحمة الله
جبت لكم اليوم قصيدة ضحكتني وحبيت تضحكو معي هيا سمو بالله

نصحوني مرة صحابي بالزواج ... و قالولي بركاك من التعواج

راهي رايحة تديك المواج ... إذا بقيت في العزوبية

بقيت نطلع في الحساب ... و لقيت كلامهم صواب

و في الغد بعثتهم نواب ... يطرحوا لأهلي القضية

بابا وافق في الحال ... و قال نجيبوا بنت الخال

و يما جاها في البال ... يخطبولي وحدة بدوية

تفاهمنا على بنت المدينة ... قالو فاهمة ورزينة

راهي تمخمخ في الكوزينة ... وتطبخ طبخات زينة

عولنا وقصدنا الدار ... حاملين في يدينا النوار

ودرنا وحنا زوار ... قاصدين بنت معينة

الخال في بنتو شكر ويزيد ... قارية وما تركتش المسيد

وصحيحة كي الحديد ... بنت العلم والتربية

قلت واش هي الشروط ... راني صرت ليكم مربوط

ومالي عندكم محطوط ... ونزيدلكم الشهرية

قالي يا وليدي سجل ... 20 صباط باش تبدل

و 50 سروال مفصل ... و يكونو ضيقين شوية

وزيد كيلو ذهب صافي ... تجيبو وانت زاهي

والشنتوف ما هو كافي ... راني درت فيكم مزية

بنتي راهي غاية وشريفة ... ما تتركش يدها خفيفة

20 خاتم في القفيفة ... تحطهم في يدها هي

وسلسله غاليه ما تنساش ... والمليون لازم يكون معاك

والحايك مرمة لازم تلقاه ... وتقدمو لبنتي هدية

قالي يا السي موووح ... بلاك تنسى خيط الروح

باش يزيد لبنتي الروح ... تبقالك ديما حية

تشريلها عشر كباش ... والدجاج مشوي ما تنساش

وزيدلها مترا قماش ... هادي حاجة رمزية

بنتي ما تضربش النشاف ... ومن الحمام تخرج بالتلحاف

وشعرها جيبلو حفاف ... وتزور sa mère كل عشية

الطفلة نطقت ملهيك ... يا بابا لازم تنهيه

يتركني نحكم فيه ... ويمشي معايا بالنية

قالي الشرط ما خلاص ... نقراو الفاتحة قدام الناس

قلتلو راني لباس ... ومنين نهرب يا خويا

درنا العرس نهار الخميس ... وكثر فيه الهراج والتهراس

المطرب يخلط على الناس ... والدرباكي يعفس تعفاس

والجمهور راهو نعاس ... والبراح يبرح شوية

جابو العروسة للبيت ... كي شفتها من الخوف بكيت

شعرها على الطابلة محطوط ... وراسها من الشعر مزبوط

رافدة معاها عشر قطوط ... تلعب لعبة هزلية

لقيتها مركبة قطع غيار ... شعرها وحواجبها ولشفار

و كي ضحكت كل شيء طار ... هادي ماركة عصرية

قالت لازم نبقى حرة ... ويماك لازم ترميها برة

وما تكثرش الهدرة ... أنا طفلة متحضرة

قلت يا امرة لازم تفهمي ... ترفدي حوايجك و اخطيني

سارة · 2010-12-25, 21:15

يعطيك الصحة ديما فور هههههههههههههههههههههههه

تَــــــيْمَـــــآءْ , · 2010-12-25, 21:16

اقتباس:

المشاركة الأصلية كتبت بواسطة سارة

يعطيك الصحة ديما فور هههههههههههههههههههههههه

ههههههههههههههههه انت لفور خيتو
شكرا نورت الموضوع

محبة القرآن · 2010-12-25, 21:54

شكرااااااااااا أخي الكريم و الله يعطيك الصحة و رانا ننتاظرو كل جديد ان شاء الله

تَــــــيْمَـــــآءْ , · 2010-12-25, 21:57

اقتباس:

المشاركة الأصلية كتبت بواسطة محبة القرآن

شكرااااااااااا أخي الكريم و الله يعطيك الصحة و رانا ننتاظرو كل جديد ان شاء الله

العفو اختي
معك اختك كنزة
بوركتي

fatouma alg · 2010-12-25, 22:05

ههههههههههههههههه من اجمل ما قرات هههه

wah · 2010-12-25, 23:59

هههههههههههههه والله لمليحه يعطيك الصحه ختي.......وتقبلي مروري...

girl.soft · 2010-12-26, 13:04

very good
hhhhhhhhhh
thank you

my self · 2010-12-26, 19:16

و يقولك تاني
رضيت بالهم و الهم مارضى بيا حطيتو عند راسي صبح عند رجليا

wah · 2010-12-26, 19:31

هههههه مليحة هدي

كريم ق · 2010-12-26, 20:34

***** ههههه هاا ،، مشكورة ، يعطيك الصة **********

تَــــــيْمَـــــآءْ , · 2010-12-29, 14:54

اقتباس:

المشاركة الأصلية كتبت بواسطة fatouma alg

ههههههههههههههههه من اجمل ما قرات هههه

شكرا لك على المرور اختي

**هبة الله** · 2010-12-29, 15:22

السلام عليكم

شكرا...........شكرا ...............شكرااختي كنزة

جميل جدا بارك الله فيك

اما انا فهذه قصيدتي ولم اكملها ههه

انا انا طالب زوالي في لالجيري راني نعاي

نا انا طالب زوالي في الجزاير راني نعاني

من من .............................الخ

زينــــب101 · 2010-12-30, 18:58

درنا العرس نهار الخميس ... وكثر فيه الهراج والتهراس
ههههههههههههههه فكرتني بقلوب هههههههههههههههه
مرسي لحنونة

nnihal · 2010-12-30, 19:01

ششششكرا هههههههههههه