حجزت في سوسة لكن الاوضاع هناك لا تطمئن

[nechwa]

السلام عيكم أنا حجزت في شهر ماي بسوسة لمدة 8 أايام في شهر أوت و لكن لقد شاهدتم ما جرى في القنطاوي بسوسة... ، فما الحل؟؟ نروح نورمال ولا ماكالاه الصراحة أنا مترددة ؟؟

[mohammed_s1998]

متروحيش متروحيش

[guidoume]

السلام عليكم انا كذلك حجزت في الحمامات ياسمين و راني رايح ان شاء الله انصحك بالذهاب كلما كنا كثر كلما استطعنا ان نتمتع بالرحلة انا ذاهب مع زوجتي من 17 الى 26 اوت

[photomax]

ماكان والو . و الحالة راهي محروسة بالشرطة و الدنيا كل شي بالمكتوب و يكتب ربي ماكاش لي يردها
شحال سعر الرحلة
راهي كاينة رحلة للحمامات اليسمسن في جويلة و اوت
نقل في حافلة مرسيدس فخمة و فندق 4 نجوم شاملة الفطور في الصباح و منتصف النهار و العشاء . كول واش تحب وقت ما حبيت ب 59990دج

[extravaganza]

إن شاء الله مايكون غير الخير نصيحة فقط إذا مازال مادفعتيش الثمن عاودي ناقشي لأن كل الفنادق قامت بتخفيضات مغرية للجزائريين

[nechwa]

أنا راني دفعت الدراهم خلاص مي والله كاينين بزاف لي قاللولي ماتروحيش وراني حايرة واش ندير

[extravaganza]

المشاركة الأصلية كتبت بواسطة nechwa

أنا راني دفعت الدراهم خلاص مي والله كاينين بزاف لي قاللولي ماتروحيش وراني حايرة واش ندير

مازال الوقت في نهاية جويلية وشوفي الأوضاع
أنا عن نفسي إن شاء الله راح نروح مس لوكان نلقا عرض مليح في فندق جيد

[guidoume]

روح انا راني رايح ان شاء الله الحفظ الله

[mrmilano1984]

اختي نشوا ماتخافي بحول الله تعالي ماوالو صراحة انا موالف نروح لتونس بالضبط لسوسة من 2007 لغاية مارس 2015 تعرفي اقسم لك بالله رحت في ايام الثورة 2011 اي في ماي او جوان 2011 مع وكالة سياحية في باب الواد صدقني كان كل شيء رخيص لول الاكل رخيص والشرب رخيص والاقامة رخيصة وطايحة والغاشي ماكانش جوزتها فور البحر البحر لول ثم القنطاوي بلا حساب و المكان الرائع aqua palace fort الغلطة لي درتيها انك حجزتي وخالص لو حجزتي فقط الفندق مش قضية واش صرا مؤخرا في جوهرة الساحل سوسة قضية ربما يكون عندك ضروف او طارئ تقدري تلغي ماعليش نورمال سوسة مليحة بزاف وتاع تحواس وترفيه علي النفس وفنادقهم معروفة بالامن والنضافة والتوانسة مايلعبوش بالامن وهادي خبزتهم نضن ربما يصرا حادث خطرة في الغرة مش دايمن العرس وادا احتجتي اي شيء علي سوسة راني هنا هل تروحي عبر الطائرة او سيارة او حافلة

[guidoume]

حسب ماشفت العروض ما لقيتش ارخس من وكالة mélisim voyage alger
9ايام في فندق 4 نجوم مع النقل و الاكل و النزهات ب 48500د ج
رقم الهاتف

021381614

[ام الهضاب]

هذا السعر اخي للشخص الواحد ؟ ام غرفة بها سريران؟
و الف شكر لك

[guidoume]

السعر للشخص الواحد اما الغرفة بسريرين فالسعر الضعف

[laredj76]

المشاركة الأصلية كتبت بواسطة nechwa

السلام عيكم أنا حجزت في شهر ماي بسوسة لمدة 8 أايام في شهر أوت و لكن لقد شاهدتم ما جرى في القنطاوي بسوانصحكسة... ، فما الحل؟؟ نروح نورمال ولا ماكالاه الصراحة أنا مترددة ؟؟

انا
السلام عليكم ا انا أنصح أختي الكريمة بعدم الدهاب غلى تونس لأن الأوضاع غير مستقرة كما أن قطاع السياحة قد ضرب في الصمي م وهم يبحثون حاليا عن جيوب الجزائريين لتعويض دلك وقد لاحظتم العروض المغرية حتى ضريبة الدخول نحاوها على الجزائريينن كم ان الوضع مرشح للأرتفاع لدلك أنضح جميع إخوتي بالدهاب إلى مكان أخر لأنن الحكومة التونسية غير قادرة على تامين الأوضاع إ
كما انا نحن الجزائريين ألاننسى سنوات الجمر أين كان لاينصح بالدهاب أو الإقتراب من الجزائر حتى من طرف أشقائنا

[bougara088]

سلام عليكم بالنسبة لزيارة تونس سفر اليها ماشي خسارة بلد مضياف ونضيف وخاصة الاسعار لا مقارنة مع جزائر يعني بلد سياحي بامتياز وانا من زوار تونس كل عام اما عن العملية الارهابية فهي معزولة وتستطيع ان تحدث في اي بلد ان شاء الله يتحسن الوضع اكثر مع تغطية الامنية خاصة ياسمين حمامات مدينة يوجد كلش فيها بصراحة وننصحك زيارتها وشكرا

[mrmilano1984]

المشاركة الأصلية كتبت بواسطة guidoume

السعر للشخص الواحد اما الغرفة بسريرين فالسعر الضعف

اضن انو انا موالف تحوس كل ماتحجز اكثر اشخاص ينقص مثلا كي تحجز غرفة سامبل 50 دينار تونسي وللزوج مثلا 75 دينار يعني ارخص تتقاسموهم و3 وهكدا
نعم سعر جيد ب 48500لشخص واحد ل 9 ايام اي 8 لياللكن لاتنسي الوكالات يضيعلك نهار تاع الدهاب في الطريق كما صراتلنا اول مرة ونهار تاع عودة يعني تجوز 7 ليال حساب