زوجي قلبه ميت 2

مشكلتي · 2014-01-29, 22:18

السلام عليكم
اخواني انا صاحبة هذا الموضوع
https://www.djelfa.info/vb/showthread...post1055557482

نقلكم انا درك واش راني ندير رانيي نصلي
ونوض للفجر ونستغفر ونسبح وقول لا اله الا الله ولا حولة ولاقوة الابالله
وراء كل صلاة كل وحدة منها 100 وراني نصوم اثنين وخميس وندعي في ربي
يهدي حالي وينحي عليا هذه الغمة وحاجة اخرى مشني دايرتها ومانيش راح ناقشه نتعامل في الدار بحدود واجباتي
يعني لا ضحك لا تمسخيرمعاه
ومخلياته ممكناي وحدة تقولي درك كاش مايدير وبالاك يجيب مرة ولا حاجة ربي يسهل عليه انا راني مع ربي سبحانه
وقاعدة في داري اللي فيه الخير يديرو ربي نخدم داري نطيب نقضي اموري نقري ولدي كل حاجة في بلاصتها وهو نخليه
واش رايكم ولا عندكم اي هدرة اخرى
وماتقولوليش ناقشيه لانه في كل مرة تكون حاجة يقلي عندك حق وانا راني مانصلحش وبعد يرجع كيما كان هذه مدة 7 سنين ونص وانا هكا كان معايا مليح العامين الاولين كي كان عنده الدين وزعمة خرج من خدمته وبعت ذهبي وجعت وتعريت باه سلك دينه وكي سلك دينه دار عليا مع العلم اني مستوى عال من التعليم وذو اخلاق وجمال ومتربية وهذا بحكم الناس والكل يشهد بهذا وحتى هو
اعطوني الحل

نيفرتيتي. · 2014-01-31, 18:03

ربي يفرج عليك اختي معاك ربي وربي يجيبلك الشفاء وهذا كله اختبار من عندربي
وهذا تصرف مليح داومي عليه وماكانش كيماربي سبحانه

naamane3 · 2014-01-31, 18:18

بارك الله فيك
نعم المرأة انت
واصلي على هذا المنوال
واعلمي ان الله لن يضيعك
ملاجضة فقط لا تهيني ولا تحزني
ولا نتضري حتي كلمة شكر
لان ما عند الله اعظم

lili1988 · 2014-01-31, 18:34

في رأيي هذا تصرف غالط راح يوالف على السيستام هذا انا نقول ندميه يعني تعاملي معاه بكل بشاشة ورقة وحدو يعاود حسابو

ماشي تحقريه ومتحكيش معاه تخافي يتعود على الوضع وفكل مرة تجيه حاجةعادية

houdehoud · 2014-01-31, 20:24

سبحان الله نعرف وحدة نفس هدرتك
الحل نتاعك كيما قلتي زيدي اعدلي روحك و قومي بيها ما تشنفيش عليه هدر معاك ردي بمرح و ابتسامة ما هدرش اسكتي خلي هو اللي يحكي و نتي اللي تسمعي راجلك يحبك بالصح صحابو اللي يدور معاهم هوما اللي لاعبينلو على راسو مادام دك لاباس عليه قولو يردلك و لو نص اللي مديتيلو من الدهب على خاطر راه دين او ادا ما عندكمش سكن قولو يبدا يخمم و يلم يديرو

فاتن 89 · 2014-01-31, 20:40

ربي يفرج عليك

ABDOU ELE · 2014-01-31, 22:20

ربي يشفيك و يفرج عليك

نورالهدى بيولوجيست · 2014-01-31, 22:30

راكي في الطريق الصحيحة
وفقك الله و يسر اموركي

Ambitious man · 2014-01-31, 22:49

الحل هو ان تعملي واجبك فقط ... وطبعا واجبك ليس الاعمال المنزلية وحسب .. واجبك ايضا الاحسان الى زوجك وطاعته في غير معصية ... اما هجرانك له سواء في المضجع او حتى عدم مزاح الزوج او معاملته بجفاء فكل هذا لا يجوز حتى وان اساء اليك ...
اعملي واجبك واسئلي الله حقوقك خاصة في اوقات الاستجابة
اما انو ماكان ما دخلك في زوجك ، حتى وان خرج هو الطريق انت علاش تبعيه ؟ انت افعلي واجبك واسئلي الله له الهداية ، وعامليه بحسن وكوني حنونة عليه وادعيلو صدقيني يولي احسن مما كان من قبل ...
نسال الله لكما الهداية

Amouna.DZ · 2014-02-01, 10:42

أنا أوافق الردود السابقة
واصلي على ما أنتي عليه وترجي من الله أن يهديه و يجعله زوجا محبا عاشقا لكي
وزيدي على ذلك أن لاتهمليه بل اجعلي ابتسامتك لا تفارقك و تزيني لتحبي نفسكي أكثر و تزدادين ثقة بحالك
ولاتيأسي مادام الله ملجأك

anfal sada · 2014-02-01, 11:46

يختي العزيزة ربي يفج همك
حبيبتي انت على خطى صحيحة ىالصلاة والاستغفار وتلاوة القران والصيام كلها اعمال طيبة تقربك من الله عزوجل وتذكري ان الله عزوجل لا يخيب من علق فيه الرجاء
نصيحتي ليك اقعدي على هذا المنوال وتوكلي على ربي توكلي توكلي توكلي ولا تنسي الدعاء
وراح نعطيك فيديو على التوكل على الله ونتمنى تشوفيه وراح تقتنعي بلا ربي راه معاك وميخليكش وتكوني هاكا قوية وكيما قالك العبد ما يدير والو ربي هو الاكبر والاعظم مغير الاحوال ويارب يغير حالك للاحسن فقط ثقي وتوكلي بمن لا يخيب الظن فيه
ومن الاأيات التي ستبعث فيك الرح الامل والتوكل على الله

قول الله تعالى .فدعا ربه اني مغلوب فانتصر

وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ

وَمَن يَتَوَكَّلْ عَلَى اللَّهِ فَهُوَ حَسْبُهُ
وكثري من هذا الذكر ..لا اله الا انت سبحانك اني كنت من الظالمين
فانها تفرج الهم وتنزع الغم لقول الله تعالى .. ولولا كان من المسبحين للبث في بطنه الى يوم يبعثون

والشيء الاهم والاهم قيام الليل ولو لركعتين صلي وادعي ربي وبكي في الدعاء وبكي لرب الخلق فنحن بشر ضعفاء ومهما قولنا لك منقدروش نساعدوك

وتفضلي هذا الفيديو وربي يحفظك ويحميك ويفرج عليك يييييييييييييييااااااااااااااااااااااااااااااااااا رب

https://www.youtube.com/watch?v=xyOVfP6MGZg

هدية الرحمن · 2014-02-01, 12:22

يارب يفرج عليك و يهدي زوجك و ادعي بهذا الدعاء :

ً يارب أحفظني و زوجي من كل شر ومن كل سوء و اكفني وزوجي عين العائنين و حسد الحاسدين

و أذية الشياطين و السحرة ً

ahlem-86 · 2014-02-01, 13:38

ربي يفرج عليك اختي معاك ربي وربي يجيبلك الشفاء

ahlem-86 · 2014-02-01, 13:40

لا حول ولا قوة الا بالله...ربي يكون معاك اختي الكريمة وان شاء الله تتحل جميع مشاكلكم .......

الحلم الجميل · 2014-02-01, 14:07

ربي يشفيك و يشفي كل مريض
و يهدي زوجك
و يفتح عليك ابواب الخير و الرزق الصحة و تزول همومك