أحسن غريبية هدية لاختي مريم وسام راح تدعيلي

الملكة نادين · 2014-07-18, 14:39

1 كلغ فرينة +قرصة ملح+قرصة خمارة كيميائية +كمشة جلجلان محمص +كمشة كوكاو مطحون خشين+200غ سكر رطب + ملعقة كبيرة فانيلا ثم خلطي الكل مليح ثم اضيفي 250 غ مرغرين طرية و حاولي بسي بيها الخليط مليح بعد هذا اضيفي الزيت شيئا فشيئا مع الخلط الجيد و حاولي في كل مرة تاخذي قليلا من الخليط زيري عليه في كفك اذا تفتت زيدي الزيت الى ان تجدي انك حين تزيري على كمشة تتلمد و تصنع حبة توقفي عن اضافة الزيت
الان جهزي les caissettes و اشعلي الفرن يحمى مليح
كوري ورمدي الحبات في الفرينة ثم في مول المعمول ليكون شكلها جميل ثم ضعيها في الكيسات و قومي بالضغط على الحبات من الاعلى في المركز لتتشكل حفرة بسيطة و ضعي فيها قليلا من القرفة
ادخلي الى الفرن و انقصي درجة الحرارة الى 150 يجب ان تطهى على نار هادئة و لا داعي لتحميرها من الاعلى الافضل ان تكون صفراء
انتبهي هي طرية جدا تذوب في الفم كما نقول
و اي استفسار انا في الخدمة و لا تنسي كي تجربيها خبريني بالنتائج و اذا عجت ماماك ولالا
لان كل من أكل غريبيتي طلب مني الوصفة
احم احم بديت نزوخ (ابتسامة)

meriem wissem · 2014-07-18, 16:52

صحيتي اختي الله يطول في عمرك

الملكة نادين · 2014-07-19, 02:30

بلا جميل أختك في الخدمة
ملاحظات
200 غ سكر هي كاس معمر مليح (كاس الما ذو الحجم العادي المتوفر في كل البيوت الجزائرية)
الزيت الكمية حوالي كاس و نصف الى 2 كيسان الا ربع
كي تخرجي الغريبية من الفرن ما تتوشيهاش حتى تبرد لأنها طرية جدا وتتفتت و هي ساخنة
بالهنا أختتي

الملكة نادين · 2014-07-19, 02:36

بلا جميل أختك في الخدمة
ملاحظات
200غ سكر قد كاس معمر مليح (كاس الما متوسط الحجم المتوفر في كل البيوت الجزائرية)
كمية الزيت تكون من كاس و نصف الى كاسين الا ربع (نفس الكاس)
كي تخرجي الغريبية من الفرن حطيها بجيه حتى تبرد لأنها م هي ساخنة تتفتت
بالهنا