سلسلة حلويات مميزة .. موضوع يخص المبتدئات و حتّى المحترفات - الصفحة 9

fatiha1902 · 2014-01-01, 10:19

baraka allah fik allah ydjazik elkheir

ritage mimi · 2014-02-18, 00:10

روعة الله يبارك يعطيك الصحة في انتظار جديدك

ayaa2006 · 2014-02-18, 10:18

بارك الله فيك

ayaa2006 · 2014-02-18, 10:34

شكرا على المجهود و على نصائح النجاح و الفشل

بلقيس الهدى · 2014-02-18, 16:56

اقتباس:

المشاركة الأصلية كتبت بواسطة عماني نور

الصابلي " وصفة السيدة بن بريم "

شكون ماتعرفش الصابلي ؟؟ تقولولي كااامل نعرفوه ،، بصح آسكو كامل يخرجلكم مليح ؟؟

انا فالعيد نخيرو غير هو باش ناكلو ،، و ساعات نلقاه مايشبه لوالو

يعني ماشي كاامل الناس ينجحلها الصابلي

و حتى الي متعودات يديروه ، و ينجحلهم " كيما انا احم احم "

ساعات ماينجحلهمش

و الصابلي عندو وصفات و كيفيات متنوعة بزاااااف ،، و كل واحده و لمستها الخاصة

و طريقتها الي متعودة عليها

انا اليوم جبتلكم وصفة السيدة بن بريم ،، وصفة مضمونة النجاح ان شاء الله " فقط لازم تنتبهي لبعض النقاط رايحة نذركهم بالتفصيل في أسرار الفشل "

أولا ... المقادير :

250 غ مارغرين ،، الأفضل إيليو أو فلوريال

150 غ سكر عادي " ماشي سكر ناعم "

100 غ مايزينة

3 صفار بيض

قرصة ملح

1 خميرة كيميائية

450 غ فرينة

و فانيليا ،، أنا هنا عندي سر

تحبو الصابلي ديالكم ريحتو تعبّق و يتشهاه الواحد قبل ما ياكلو استعملو فانيليا + عطر الفراولة
هذا

يسوى 80 دج ،، بصح يعطي ريحة سوووبر مميزة للصابلي ،، و تقدري ماتستعمليهش فالعجينة
تستعمليه فالمعجون ممبعد ،، تديري ملون أحمر للمعجون و قطرات من عطر الفراولة
ثاني يجي ذوقو رااااااائع

ظوكا طريقة التحضير :

السر الثاني :

( قولوا ماتهلاتش

))
و هاذ الخطوة تعلمتها من ام رامي ربي يحفظها و يخليهالنا كاامل ان شاء الله ..... المارغربن اخبطيها بيدك
اخبطيها بمعنى عمري يدك بالمارغرين بعد ماتكوني حركتيها ،، و اخبطيها فالليان الي راكي تخلطي فيه

ارفدي ،، اضربي

فهمتيني ؟؟

كي تجربي تفهمي اكثر ،، تولي المارغرين طرية بزاااف و تحسيها خفييييفة ،، تزيديلها السكر و تحركي بيدك عااادي ،، أومبعد تزيدي صفار البيض ،، قرصة الملح ،، ديري الفانيليا و عطر الفراولة ،، مايزينة ..... فرينة + خميرة

حركي بلا ماتعجني

شفتي العجانة الكهربائية كيفاش تلم العجين ؟؟ ياخي تدور برك ،، ماتعركوش
هاكذاك ديري بيدك

زيدي الفرينة بشوية و دوري دوري دوري حتى تحسي العجينة بدات تتماسك ،، اجمعيها برك يعني افتحي يديك و اجمعيها فوق بعضها ،، بضغط قليييل ،، ماشي تعجني ،، ماهيش مطلوع

ديريها في صاشي عادي ولاّ كيس غذائي

و خليها ترتاح

أنتِ في هاذ الوقت روحي اشعلي الكوشة ،، ديريها تسخن على حرارة 160 درجة

وجدي الطوابع الي رايحة تخدمي بيهم ،، أنا استعملت هاذو

أدي شوية عجينة ،، و البقية خليها فالصاشي باش ماتيبسش

ذري الفرينة على طاولة العمل ،، العجينة اضغطي عليها شوية بيدك ،، و ذري شوية فرينة عليها أو مايزينة و بداي تحلي بالحلال

تشوفيها ماهيش مسطحة ،، يعني شكلها غير متجانس ذري المايزينة و حلّي غير بلعقل

السمك تاعها يكون تقريبا 1 سم ،، يعني ماشي شفافة ماشي عريضة بزااااف

شوفوا شكل العجينة كي حليتها مافيهاش حتى شقوق

و راهي تتحل بسهولة غييير ماتخافيهاش ،، بصح بلعقل عليها

الطوابع تاعك حطيهم فالفرينة أومبعد اخدمي بيهم ،، و كي تحطيهم فالعجينة ماتبقايش تجيبي فيهم شمااااال يمييييين

حطي الطابع ،، اضغطي عليه شوية ،، اضربيه بيدك مليييح بلا ما تحركيه ، ولاّ مرري فوقو الحلال (( تلقاي الحبة خرجت بلا ما يتغير شكلها

شوفوا الصورة

أرفديهم غير بلعقل و حطيهم في سنيوة مرشوشة بالفرينة

و دخليها للفرن الي يكون مسخن ديجا على حرارة 160 درجة

عسييييييييييييييييييييييييييييييييييييييها ،، لأنها حلوى حساسة بزاااااف و بين دقيقة و أخرى ممكن تنجح أو تفسد

في الغالب يقولك الصابلي يطيب بيض ،، بصح انا نحبو احمر

" خرجوه ابيض اذا حبيتو " ^^ المهم يكون طاب ،، يعني مسي الحبة برفق اذا لقيتيها نشفت نحيها

و مباشرة نحيها من السنيوة بررررفق ،، بلالالالاعقل ،، فيييييييي غرضك باش ماتتكسرش

خليها تبرد تماما ،، و لصقي بالمعجون

كاين الي يحب يزينها بالسكر الناعم ،، و كاين الي يزينها بخطوط الشوكولاطة ،، و كاين الي يذري عليها مكسرات مرحية ،، ظوكا تبقى مسألة أذواق " مايهمش "

المهم الذوق الراااااااااااااااااااااااااااااائع بشهادة كل من ذاقو

ريحتو تشهيك قبل ما تاكليه صدقيني ،، و جااي هش و خفيييييييييف ،، و بنيييييييييييييييين

بصحة كل واحدة رايحة تاكلو

~ ْ ~

أسرار فشل الصابلي :
1 - المارغرين تكون باردة ،، أو تستعملي لابال .. صدقيني تخرجلك وصفة اخرى

2- تكثري الفرينة حتى تيبس العجينة ،، تخرجلك عجب ،، تجي تحليها تتكسر ،، كي تطيب تجي يابسة و ماشي مليحة .
3 - الكوشة ماتكونش مسخنة مليح ،، أو تكون أعلى من 180 درجة ،، قلنا الصابلي بالرغم من أنو قاطو معروووف جدا و سهل يتعمل إلاّ أنو أكيييييد مارايحش يخرج صابلي و عليه الكلام اذا جا محروق ^^ ولاّ يابس

4 - تخليه فالسنيوة بعد ما طاب مدة طويلة أومبعد تنحيه ،، تلقايه بقدرة قادر " لصق "

،، و تجي تمسيه يتفتت .

نوغمالمو هذا ماكان ،، إذا تفكرت حاجة اخرى راني نزيدهالكم

~

يالله نتمنى تجربوه و تقولولي رايكم ^^

~

ترقبوا وصفات اخرى

والله خبيــــرة
مــــا شاء الله
سأجربها في القريب العاجل

لطالما تشاجرت مع الصابلي ، وخصوصا قبيل العيد
الكل يحبه ، وإذاكان يابسا ، أو يتفتت يتركه حتى الأطفال ولا يأكلونه

بارك الله جهدكِ ، وشكرا على النصائح القيمة ( وبخاصة خطوة ضرب الزبدة باليد )

lahna moka · 2014-02-18, 23:10

بارك الله فيك أختي

tatadamizour · 2014-02-19, 10:19

بارك الله فيك حبيبتي نور و الله افدتينا بوصفات البنينة و خاصة الاقتصادية و الله راني لقيت واش نحوس
انا مانحبش القاطو المخدوم باللوز او الكاوكاو و لا نوادكوكو ناكل غير قاطو لي مخدوم بالفرينة وهنا راني نريقالي
ربي يعينك على الحياة في الاقامة الجامعية والاه غير ميزيرية و نعرف واش راني نقول
ربي يوفقك في دراستك و تتخرجي و تنساي كامل واش فوتيه ثما

om roumaissa · 2014-02-19, 13:46

يعطيك الصحة رررررررررررررروووووووووووععععة

عماني نور · 2014-02-19, 14:56

ياااااااااااااااااااا عمري والله غير فرحت كي دخلت للمنتدى بعد وقت طويييييييييييييييييييييييييييييييييييييييييييييييي ييييييييييييل

و لقيت الموضوع مازال موجود ،، و كاين الي راه يستفيد منو

يااا عمري يااا عمري ^^

شكرا لكل من مرت من هنا ~ شكرا على كل دعوة ،، على كل كلمة طيبة

ربي يحفظكم و يسعدكم و يخليكم دااايما شاطرات و فحلات

نتمنى الموضوع يبقى نشيط دايما ،، نستنى مام وصفاتكم انتوما

انا سااامحوني ... رب الي عالم

راني مربوووووووووووووطة بألف حاجة و حاجة ،، و نادرا جدا ما نلقى وقت نفتح فيه النت

بصح الأكيد أنني دااايما نخلي وقت لصنع الحلويات

و تجربة أي وصفة نسمع بيها أو نشوفها

عموما راني مصورة حاجات درتهم ،، انزلهم عن قريب ان شاء الله

ادعوووووولي ثم ادعوووولي ثم ادعووووولي

كيما انا راني ندعيلكم في ظهر الغيب

و نتلاقاو في القريب العاجل ان شاء الله

و شكرا ،، كل الشكر لمن أحيى هذا الموضوع

أحبكم جمييييييييييييييييييييييييييعا :-*

وداد100 · 2014-02-19, 17:05

جزاك الله كل خير رووووووووووووووووعة

malak assia · 2014-02-20, 09:56

شكرا بارك الله فيك

ام رزيقة · 2014-02-25, 10:28

بارك الله فيك أختي

meriem hanin · 2014-02-25, 15:14

شكرا شكرا نووووووووووووووووووور ربي يعطيك ماتتمناي ياااااب و يرزقك الصحة و الهنا يااااب
و الله استفدت كثيييييييير من موضوعك خاااااااصة اسارا الفشل
رانا نستناو في مزيد من الاوصفات الناجحة

الأمنيات · 2014-02-25, 17:14

شكرا لك على النصائح البعض راني مجربتهم من مدة

nibou · 2014-02-25, 17:32

اييييييييييييييه يا أختي أنا تاني ما دابيا نتعلم و لكن راني غير نشوف بعينيا هيهييهيهي