اشتريت ايفون و تابلات والشحن عبر dhl و منذ 4 ايام و التتبع متوقف ؟؟

jalil41 · 2013-07-18, 02:26

اخواني اشتريت تابلات و ايفون مستعملين ووضعت القيمة الكلية للفاتورة 94 دولار و شحنت عبر dhl و منذ 4 ايام و التتبع متوقف في مطار الجزائر لما اتصلت على dhl اجابتني فتاة و خلعتني قاتلي انت و زهرك يا اما يجمركوك يا اما يحجزولك
راني عييت في هذ البلاد صراحة انصحوني وش ندير وصل السيل الزبى كيما يقولوا
من امريكا للجزائر 3 ايام و هاكم تشوفوا الفضايح حسيت بروحي جبت سلاح انا من الخارج ماشي هاتف و تابلات مستعملين
زعما زعما شحنت بريد سريع عند الناس لي تفهم 4 او 5 ايام لا طول dhl

كي نشوف تجارب السعوديين و الامارتيين و اهل الخليج تحكمني الغيرة كون جينا حتى في ربع ثقافتهم في هذا المجال
: mad:

Fegholi08 · 2013-07-18, 06:15

للاسف سلعتك محجوزة عند الجمارك حبيبي وسيرسلون لك إستدعاء عن قريب

واش حاب تدير يا حبيبي ربي يصبرنا معاهم

azizo18 · 2013-07-18, 10:20

سلام مرحبا يا اخي لا تحزن انت في بلاد العجب بلاد يائسة الله غالب عليك بالصبر ثم بخصوص سلعتك انا الومك لماذا شحنت ب dhl انا حسب خبرتي لوكان شحنتها بالبريد الامريكي العادي افضل مع شراء كل سلعة وحدها و تغيير عنوان المنزل حتي لا تجمرك يا اخي جمارك dhl مهبولين حتي الهواء و ممنوع تدخلووو يا اخي روح ليهم و بلعطهم كاش مايهديهم ربي وقولهم للاستعمال الشخصي بالتوفيق

GranD_AmjeD · 2013-07-18, 11:20

خويا اعطيها للبوسيجور و شوف الحالة في مكتبهم لتم

Ali04 · 2013-07-18, 11:38

خويا أ،ت أعرف أن لك خبرة حيدة في المجال
لكن والله حرت لما رأيتك تتكلم عن dhl وأنت أول من رأت مواضيعه وردوده بالمنتدى حول الإبتعاد عن الشركة
ربي يفك وحلك

jalil41 · 2013-07-18, 11:42

الله غالب انا شحنت مع dhl لان الشركة الاتي اتعامل معها ترسل فقط فيدكس او dhl و كانت عندي تجربة سيئة مع فيدكس قلت ندير dhl
زيد عيطت ليهم اليوم قاتلي مازال نفس الحال و الشركة من الولايات المتحدة قدم شكوى للتاخير الحاصل
وزد عاودتلي بالك يحجزوهولك ...وزيد اصبر شوي
اوووووووووووه على بلادي راني كرهت و الله كرهت جبنا بالبريد العادي ما نعرفوا شيء على السلعة و يا تجيك يا ما تجيش قلنا بريد سريع في دزاير ولا بطيء يدربلك 10 و 15 يوم و شوف تدي حاجتك او لا
لااااااااااااااااااااااااااااااااااااااا تعلييييييييييييييييييييييييييييييييييييق
ربي وكيلهم في هذ رمضان و ربي يصبرنا عليهم ان شاء الله

jalil41 · 2013-07-19, 15:15

اقتباس:

المشاركة الأصلية كتبت بواسطة ali04

خويا أ،ت أعرف أن لك خبرة حيدة في المجال
لكن والله حرت لما رأيتك تتكلم عن dhl وأنت أول من رأت مواضيعه وردوده بالمنتدى حول الإبتعاد عن الشركة
ربي يفك وحلك

ايه يا اخي منا تكوي و منا تشوي ربي يجيب الخير برك

akrabaddz · 2013-07-19, 15:40

واش حاب تدير يا حبيبي ربي يصبرنا معاهم

aicha20012005 · 2013-07-19, 17:40

كانت لي تجربة من قبل في شراء كاميرا سوني
السلعة من أمريكا الى الجزائر عن طريق فيديكس يومين تتوقف في الجزائر وبالضبط عند الجمارك
اليوم الأول ثم اليوم الثاني اتصلت بي فيديكس قالو بأن السلعة تفتيش عند الجمارك
طيب وما العمل ؟؟؟؟؟؟ فيديكس طلبو مني رسالة توضح فيها الغرض من الكاميرا تقدم الى مفتش الجمارك بالمطار ، كتبت الرسالة وأرسلتها الى فيديكس وهم بدورهم يتكفلون بإعطائها الى مفتش الجمارك لعلى وعسى يفرج عن السلعة ...... لكن هيهات هيهات أسبوع من بعد الطلب مرفوض ، والحل يا فيديكس ؟ قالك لازم السلعة ترجعها المهم أرسلت السلعة الى صديق لي في فرنسا
عند صاحبي ولا عند ها ال...................... راني صايم

أخ من واقع تجربتي إذا لم تكن بعيد عن العاصمة أنصحك بالتنقل الى المطار وأسأل عن مكتب الجمارك وحاول أن تقنعهم بأن السلعة للإستعمال الخاص ولا تخرج من عندهم إلا والسلعة في يديك ولا تكترث بكلام دياشال حتى هوما ماعندهم مايديرو
صح صيامكم

jalil41 · 2013-07-19, 18:33

اقتباس:

المشاركة الأصلية كتبت بواسطة aicha20012005

كانت لي تجربة من قبل في شراء كاميرا سوني
السلعة من أمريكا الى الجزائر عن طريق فيديكس يومين تتوقف في الجزائر وبالضبط عند الجمارك
اليوم الأول ثم اليوم الثاني اتصلت بي فيديكس قالو بأن السلعة تفتيش عند الجمارك
طيب وما العمل ؟؟؟؟؟؟ فيديكس طلبو مني رسالة توضح فيها الغرض من الكاميرا تقدم الى مفتش الجمارك بالمطار ، كتبت الرسالة وأرسلتها الى فيديكس وهم بدورهم يتكفلون بإعطائها الى مفتش الجمارك لعلى وعسى يفرج عن السلعة ...... لكن هيهات هيهات أسبوع من بعد الطلب مرفوض ، والحل يا فيديكس ؟ قالك لازم السلعة ترجعها المهم أرسلت السلعة الى صديق لي في فرنسا
عند صاحبي ولا عند ها ال...................... راني صايم

أخ من واقع تجربتي إذا لم تكن بعيد عن العاصمة أنصحك بالتنقل الى المطار وأسأل عن مكتب الجمارك وحاول أن تقنعهم بأن السلعة للإستعمال الخاص ولا تخرج من عندهم إلا والسلعة في يديك ولا تكترث بكلام دياشال حتى هوما ماعندهم مايديرو
صح صيامكم

انا بعيد 750 كلم على العاصمة نقدر نروح لكن ليس في رمضان
اخي هل دفعت لاجل ارسالها لفرنسا هاته السلعة ؟

aicha20012005 · 2013-07-20, 09:05

اقتباس:

المشاركة الأصلية كتبت بواسطة jalil41

انا بعيد 750 كلم على العاصمة نقدر نروح لكن ليس في رمضان
اخي هل دفعت لاجل ارسالها لفرنسا هاته السلعة ؟

الإجراءات كانت كاتالي :
فيديكس طلبو مني كتابة رسالة أخرى لمفتش الجمارك أطلب فيها إرجاع السلعة ، طبعا إرجاعها الى أي عنوان تريد ماعدى الجزائر ، أرسلت الطلب وبعد يومين طلبو مني (فيديكس طبعا ) إرسال مبلغ 12400 دج قيمة شحن السلعة الى العنوان الذي طلبته ، السلعة وزنها 6كلغ ، اتبعت الإجراءات وتم إرسال السلعة وفيديكس لم يقصرو الحقيقة المشكل يا صاحبي هو في الجمارك والله مافهنا هالدولة ، نزيدك حاجة أخرى ؟ البارح صاحبي وصل الى الحدود بسيارته قادما من إيطاليا طلبو منه إرجاع السيارة صديقي هذا أجنبي وأتى بالسيارة من أجل السياحة ومن بعد يرجع بها ، إنصدم بجمارك الحدود وهي تطلب منه إرجاع السيارة لم يفهم هو ولا أنا أي شيء .

جزائر العز والكرامة

chouaib23 · 2013-07-20, 13:38

سلام عليكم

نعم اخي هواتف و تابلات ممنوعين في dhl

انا من عنابة ايضا

اخر مرة تم حجزهم لديتهم من جاو

biskrius · 2013-07-20, 14:06

السلام عليكم
صح رمضانك خويا جليل ..
و صح رمضان الكل ..
المشكل الحقيقي ليس في الجمارك كما يظن البعض !!! و لكن المشكل فينا نحن دائمًا ضاربين النح على حقنا و ما نعرفوش كيف نطالب بها ...نعم هذا هو المشكل و فقط .
و للعلم كانت لي تجارب سيئة للغاية مع الجمارك ...لكن و الله االعظيم عرفت كيفاش نمشي معاهم .
المهم جتى يعرف الجميع بأن موظفي الجمارك ككل هم تابعين لوزارة المالية و هم مجرد موظفين فقط لكن سكوتنا نحن عليهم جعلهم فراعنة يتفرعنوا على الناس ...
الحمد لله عندنا في البلاد رجال يقدروا يجيبوا حق الزوالي و أعطي عنهم مثال :
- أعوان الدرك الوطني
- بعض الكوادر الكبرى للجمارك - النزهاء -
فلا تتركوا هؤلاء الحشرات و الأقزام يسرقون أغراضكم أو يطالبوكم بدفع الرشاوي ، و أكتبوا ضدهم الشكاوي يالحجج .
و الله المستعان

العقلية · 2013-07-20, 14:22

يااخي ربي يصبرك ، و ينجينا من هذه المشكل لي راه في الجمارك الجزائري
نصيحتي ليك توجه الى الجمارك قبل ان يطلبوا منك المجيء ، اسال عن سلعتك و اخبرهم انها لغرض الاستعمال الشخصي
و كن واثقا اثناء التحدث ، مهما كانت حجتهم انت آت بأقوى منها ، سمط عليهم ثما ، يهدرلك على القوانين قولو اعطيني نقراهم

كي تحصل كامل قولو رجع السلعة لمولاها ! ما تستسلمش ! حذاري هذو سراقين

jalil41 · 2013-07-20, 15:26

شكرا على مروركم اخواني و تعاطفكم و هذا الموضوع حقيقة مس و تضرر منوا الكثير منا
انا راني صايم والله ما صح ليهم اذا حبو يحجزوه انا بالنسبة ليا العوض على الله لذلك راح نشقى ليهم و ندير لي عليا نهدر مهاهم بتعاطف اولا و بعد ذلك نجرب نحكي بالقوانين و ذا ما فيهاش نرسلهم لكاش واحد في فرنسا او غيرها المهم و الله ما صحت ليهم
باذن اوقفوا معايا برك نديروا حملة ضد هاذي العنصرية في الفايسبوك و نرسل رسائل تتضمن هاذي المهازل للشروق و النهار و نشوفوا ندوا حقنا او لا ؟