||¬ سلسلة صحة العيون الحلـــ _03_ ـــــقـة ¬|| العدسات اللاصقة نعمة ام نقمة على مستخدمها؟

[ilyas.65]

ايييه كاين واحد إذا مارانيش غالط

[سطايفية بكل فخر]

انا نعرفهذا الاسم تابع الجي
على العموم اخي كل المعاهد تاع البريفي حبسولهم الاعتماد واخر دفعة خرجت في 2013 ومكانش دفعة بعدها على التراب الوطني دات لاقريمون ولي يقلك عكس هذا يكذب عليك
شوف اخي نورمالمون الكل حبسوا ميقر تيوش هذا التخصص لانو الوزارة طلبت منهم يرجعوه ال م د وطلبت شروط كثيرة وفي سطيف حبست ليكول بريفي تاعنا وتاع وهران حبسوا كامل ونورمالمون تاع الجي ثاني حبست هذا التخصص
ولحد الساعة مكان حتى بريفي قدر يحقق شروطهم
لذلك اخي بلاك يغلطوك وتقرا وتخسر دراهمك ومن بعد ميمدولكش لاقريمون راهي ندارت في وهران ورغم القرار قراهم والدولة معطاتهمش لاقريمون وخسرو 45 مليون باطل وراهم لاحوهالو اونجيستيس وعلى جال هذي السبة تعقدت اومورنا ومزالهم يحلو في قصيتنا بالشوية
+
واذا حبيت تتاكد اتاصل بيهم وسقسيهم على التخصص اذا مزالو يقريوه واذا قالولك كاين قلهم وشا من شهادة يمدو وهل يمدولكم الاعتماد وثما تشوف بلي هل عندجهم مصداقية او لا
وقلي وشا قالولك وركزلي على اسم الشهادة لي يمدوها وهل هي معترف بيها حاليا في وزارة

+
اخي بما انك باك نصيحة اخت تعرف الدومان مليح وعلابالها وشا كاين فيه
ركز على باكك اخي وجيبو معدل مليح
ومنا لاوت رايحة تبان
اذا حلوا المعهد لي سمعت بيه سجل فيه باكك وربح قراية مجانية للدولة واقريمون فيها
اذا محلوهش خير تخصص اخر وكي تتحل عقدة مجالنا ولما يحل لبريفي اقرا الاوبيتك بدراهمك او بباك ثاني وتربح فيها تخصصين
وكيما قتلك اخي فكرني باش نمدلك المعلومة بلاك ننسا او نسها لاني نغيب بزاف هذي الايام
واي جديد رايحة نتبعوا ونخبرك اخي
واي سوال يخطر في بالك او فكرة في الدومان راني هنا نجاوبك
+
سوال اخي علاش خيرت هذا التخصص بالذات

[ilyas.65]

ربي يكثر من مثالك ختي


أنا درك راني نفوت فالباك حر و راني بديت نخدم عند واحد فهذالدومان يتسما غير كيما بديت و هو قديم بزاف معندوش معلومات بزاف على وين راهم يقراو قالي حنا وقتنا بلا باك ( هذا الوقت لازم بل الباك -عند الدولة ولى خاص - ؟ )
على خاطر قالولي كانو يقراوه في معاهد تع cfa

عجبني هذا الميتي و حبيت نكمل فيه بصح أنا راني نخمم للمستقبل مش راح يددوملي سيد هذا لي راني نخدم عندوا لازم لاريقمون تاعي آكي فاهة ؟

اسمحيلي تعبتك معايا

[سطايفية بكل فخر]

المشاركة الأصلية كتبت بواسطة ilyas.65

ربي يكثر من مثالك ختي


أنا درك راني نفوت فالباك حر و راني بديت نخدم عند واحد فهذالدومان يتسما غير كيما بديت و هو قديم بزاف معندوش معلومات بزاف على وين راهم يقراو قالي حنا وقتنا بلا باك ( هذا الوقت لازم بل الباك -عند الدولة ولى خاص - ؟ )
على خاطر قالولي كانو يقراوه في معاهد تع cfa

عجبني هذا الميتي و حبيت نكمل فيه بصح أنا راني نخمم للمستقبل مش راح يددوملي سيد هذا لي راني نخدم عندوا لازم لاريقمون تاعي آكي فاهة ؟

اسمحيلي تعبتك معايا

عملت مليح اخي احسن ما تضيعش وقتك باطل
هكا تنظم وقتك بين لقراية والخدمة
لانو الفيد عدنا ميخليناش نقراو كل يوم نقولو غدوة حتى يجي الامتحان ومنلقاو ما نقراو
+
عندو الحق لازم نيفو باك سينون متقراش في الجامعة او لبريفي
+
عندك حق لازم تضمن مستقبلك ولكن حاليا حاول تهز المهنة وتخمم في قرايتك في نفس الوقت وبعد الباك لنا حديث اخر
+
فعلا كاينة تاع السيافبيا لكن يخرج يخدم عند واحد حال منعدوش الحق يحل
هذي خليها سوكور لما متكونش كاينة لاقريمون ومكانش حل هذا العام اقرا تخصص اخر وديرها زيادة معاه حتى ينحل مشكل لاقريمون وتقرا التخصص على الصح
وكيما قتلك دولتنا معدناش قانون كل يوم الجديد بلاك تنحل العقدة تاعنا هذا العام ويرجعو القراية تاعها
+
قولي وشا تعلمت تخدم وراكم تخدمو مانيال ولا بسكان فورم واسكو راك تخدم قدقد ولا تخراد كيما باقي الغاشي
+
ربي يوفقك اخي واي حاجة تبحرلك فيها او حاب تتعلمها
او سوال اي كان الزجاج طريقة العمل كيفياش تبروبوزي اي استشارة راني تحت تصرفك
ونصيحتي ليك هز الدومان على كارو ومتخدمش لعوج
لانو لو خدمنا العوج في باط قاطو ونقصنا منو مادة رايح يتغير الذوق لكن ميموتش الانسان لكن في خدمتنا اذا نقصنا حاجة او خدمنا خدمة معوجة راحي نعرضو الانسان للعمى والنظر هو الحياة اخي
شوف زوج موضوعي هذا تلقا فيه معلومات تفيدك اخي
واي حاجة تسحقها كيما قتلك راني هتا
https://www.djelfa.info/vb/showthread.php?t=1854780

[ilyas.65]

صحيتي ختي الله يجازيك كيما قتلك لي راني نخدم عندو قديم بزاف يخدم مانيوال برك تعلمت تراساج تع زجاج و كيفان نمونتي و نديمونتي كادر زيدي نسقسيك حاجو وادوخرا اسمحيلي تعبت راكي تعرفي غاشينا كل يوم تسمعي هدرا جديدة اليوم واحد قالي إذا كان عندك 3 سنين خبرة بالورقة -اسيستاسيون- تروح الوحد المكتب تع الحرفيين يعتولك شهادة تأهيلية ولا عفسة كيما هاك

[سطايفية بكل فخر]

المشاركة الأصلية كتبت بواسطة ilyas.65

صحيتي ختي الله يجازيك كيما قتلك لي راني نخدم عندو قديم بزاف يخدم مانيوال برك تعلمت تراساج تع زجاج و كيفان نمونتي و نديمونتي كادر زيدي نسقسيك حاجو وادوخرا اسمحيلي تعبت راكي تعرفي غاشينا كل يوم تسمعي هدرا جديدة اليوم واحد قالي إذا كان عندك 3 سنين خبرة بالورقة -اسيستاسيون- تروح الوحد المكتب تع الحرفيين يعتولك شهادة تأهيلية ولا عفسة كيما هاك

ههه نومالمون كي عاد قديم هو لي محبح وعندو دراهم وشاري لعمرو مشينة سكانفورم
+
مممم كيفاش يتراسيو الزجاج باش نشوفك تعلمتو على اصولو ولا علمك تخرد
راك تخدم بحاجة اسمها ايكار بيبيلار ولا والو تسونطري وتفوت
+
معليش سقسي اخي راني قتلك لي تحتاجها في الدومان راني هنا
+
حتى لو عندك شهادة تاهيلية مش رايحين يمدولك لاقريمون اخي
لانو الابتيك راهو دومان طبي ويقيس العين وباش تدي لاقريمون فيه لازم تكون قاري باك وثلاث سنين معاهم
هذا القانون وراني قتلك حاليا مكان حتى عفسة تجيب بيها لاقريمون لانو مبلوكيا وكون كانت كاينة عفسة كون درتها انا باش نجيب لاقريمون
خليها على ربي المهم انت ركز هز سطاجك على الصح وهز الميتي وكي يكون الجديد نخبرك اخي
ركز ايضا على الباك متلتاش بالدومان وتنساه
وزيد والله الاوبتيك حولة وتدخل للقلب وممتعة في خدمتها غير بلادنا برك تشوف لينا وتخلينا نخدمو

[ilyas.65]

بون الحاجة اللولة يجي الكليون نشوفولو مونتييير تجي على وجهوا نقولوا شوف ف جبهتي باش نبوانتيلوا الوسط اومعد نروح لاباراي نسيت اسمها ديما تروحلي نحت زجاج تاعوا فيها و نشوف لاكس تاعوا و ( لي راني نخدم عن راه على راسي كاش غلطي راه معايا بتعراش بالضحك) نتراسيه بالمسطرة الزجاج اوماعد نتراسيه على حساب القاباري هذا وش تعلمت مازال مابديتش نقصص و نفيني

[سطايفية بكل فخر]

المشاركة الأصلية كتبت بواسطة ilyas.65

بون الحاجة اللولة يجي الكليون نشوفولو مونتييير تجي على وجهوا نقولوا شوف ف جبهتي باش نبوانتيلوا الوسط اومعد نروح لاباراي نسيت اسمها ديما تروحلي نحت زجاج تاعوا فيها و نشوف لاكس تاعوا و ( لي راني نخدم عن راه على راسي كاش غلطي راه معايا بتعراش بالضحك) نتراسيه بالمسطرة الزجاج اوماعد نتراسيه على حساب القاباري هذا وش تعلمت مازال مابديتش نقصص و نفيني

اول حاجة مليحة حاول تقرا في الانترنت حول شكل الوجه ولافورم المناسبة له لانو هذا علم بحد ذاته اخي وحنا نقراوه موديل
ان شاء الله المرة القادمة رايحة نفيدك بعض المعلومات عليه اذا اردت طبعا
+
ممممممم النقطة الثانية حاجة مليحة انو مزال كانين لي يخدمو بلي زيكار بيبيلار لكن للاسف الطريقة اخي راك غالط فيها ميشوفش لجبهتك هذا راك رايحي ديكاليلو السونطر تاع عينو للفوق وهذا رايح ياثر فيه مستقبلا وفي نظرو
الطريقة الصحيحة كالتالي تبعني هي كاين ثلاث طرق
اما تستعمل البيبيلوماتر

تهز بيه ليزيكار بيبيلار وكاينة قاعدة وعلاقة رياضية نخدمو بيها وكي تولي ترسم في القاابري تخدم بيهم
او تستعمل المسطرة مانيالمون تطلب منو انو يشوف لحاجة بعيدة وانت تقابلو من الامام في نفس النيفيو تاع عينينة وتحاول تحسب من السونطر تاع لابيبي حتى السونطر تاع العين الثانية
وطبق العلاقة نفسها لي قتلك عليها
الطريقة الثالثة لي راك تخدم بيها ولكن اخي متطلبش منو يشوف في جبهتك
اول شيء لازم تكون في النيفو تاعو يعني ارتفاع الراس والعين تاعك وتاعو يكون في نيفو واحد
ثم تطلب منو يشوف لعين تخدم بالعين اليمنى ثم اليسرى وتبوانتيلو في السونطر
هذا الاصح اخي
لكن الاحسن تستعمل البيبيلو ماتر
شوف اخي انا هذي المرة معنديش الوقت بزاف باش نعطيك شروحات راني مقبلة على امتحانات وراني ندخل هنا غير باش نديفولي شوية ونسولاجي فلذلك حاول تقرا من النت او تستناني
ان شاء الله لما نكملهم نحاول نديرلك شورحات بسيطة تساعدك في العمل ونولي انا المتريس دوسطاج تاعك افتراضيا ههه امزح فقط
+
حماسك واندفاعك وحبك للمهنة منعوني باش نخليك تتعلمها على اسس غالطة رايحية نساعدك بقدر الامكان طبعا اذا لقيت تجاوب منك ولقيتك حاب صح تتعلم مش فقط باش تكسب المال لانو مهنتنا نبيلة ويلزمها المهنية والعمل الجاد
نطلب منك تخدم قدقد ومتخلطش وحط ديما في راسك انو هذا عين مش لعبة وعامل الناس مثل وكانك انت لي جاي تخدم نظارات
هذا شيء مهم اخي اذا راك صح حاب تكمل فيها
+
لابراي سماه فرونطوفوكوماتر ولكن حنا نقولو فرونطو فقط المرة الجاية ان شاء الله نلقاك حفظتو
+
ههه هذا واش تعلمت برك راك حاسهم حاجة قليلة هكا راك تظن لعلمك مالا راهم اهم شيء
اخي علابالك بلي الخطوتين هاذو اهم من قص الزجاج لانو هوما الصح
اذا قصيت الزجاج بشكل ممتاز والسونطر او لاكس او الكوراكسيون غالطة راك كلي ما درت والو
ركز جيدا في قراءة الفرونطو لانو مرات الزجاجة تجيك فيها سيلاندر وقادر تجي بقرااتيين حاول تبع معلمك كيفاش يقراهم
واذا جاتك واعرة راني هنا
واذا جاتك ساهلة رايحية نمدلك كوراكسيون وقولي كيفاش تتعامل معاها باش نشوفك اذا صح فهمتها وراك تخدم بشكل صحيح
واش رايك موافق؟ ولا راك تقول هاذي وشا بيها حاطة روحا متريس دوسطاج صح
+
شوف اخي كانين ديزوبتيسيان يمدلكش كلش لسبيين الاول اما هو في حد ذاتو ميعرفش او لاتو يخاف يعلمك ومن بعد تروح تخدم عند واحد اخر او يروح يقرا ويولي منافس ليه كي يحل
لذلك حاول تبع معاه وشا راهو يدير وسقسيه اذا نعتلك اللهم بارك اذا لا وحسيتو خبا عليك سقسيني مش رايحة نبخلك لاني حريصة انو نمدلك المعلومة الصحيحة لوجه الله اولا وثانيا لاحمي عيون بعض الناس من تخلاط بعض ليزوبتيسان غير المهنيين
وان شاء الله يكون لمعلم تاعك من النوع القاري والمهني ولي ميبخلش بالمعلومة هكا يفيدك ويفيد غيرك وان شاء الله انت ثاني تولي مهني وتخدم قدقد ومتخلطش ومتبخلش بالمعلومة اذا عندك وتحاول تتاكد من صحتها فقد تكون اعطيت لك بشكل خاطئ
وربي يسهلك امورك اخي

[ilyas.65]

وي أنا جيت الانترنت باش نقرى عليها و نزيد نتعلم ربي لاقاني بيك و وليتي ماتر د ستاج تاعي و أنا صح حبيت هذا الميتي و ان شاء الله ربي يوفقنا فيه و نتيا ربي يوفقط فالامتحانات ويكملك على خير و يزيدوا يفرحوكم بخبر مليح على لاقريمون
+
حنا ماعندناش البيبيلو ماتر يسما نخدموا كيما قتلك سيد لي راني عندوا أنا راني مرتاحلوا و انشاء الله مرنيش غالط برسكي يبنالي انسان بزاف سامتيك مام مع لي كليون ديما ينصحهم
+
أنا فرونطوفوكوماتر مازال مبدتيش نخدم فيه بزاف حاجة قليلة انشاء الله كي نتقنوا مليح نقلك و الحاجة لي تعاونيني بها مليحة ليا و ربي يجازيك بالخيـــــر

+
ماكانش بزاف كيما نتيا ختي لي راكي دير فيه معايا أنا و مارانيش مآمن ديري حاجة في بالك بلي راح تكوني قدوة للغاشي لي راكي تعاملي فيهم كيما أنا

[سطايفية بكل فخر]

المشاركة الأصلية كتبت بواسطة ilyas.65

وي أنا جيت الانترنت باش نقرى عليها و نزيد نتعلم ربي لاقاني بيك و وليتي ماتر د ستاج تاعي و أنا صح حبيت هذا الميتي و انشاء الله ربي يوفقنا فيه و نتيا ربي يوفقط فالامتحانات ويكملك على خير و يزيدوا يفرحوكم بخبر مليح على لاقريمون
+
حنا ماعندناش البيبيلو ماتر يسما نخدموا كيما قتلك سيد لي راني عندوا أنا راني مرتاحلوا و انشاء الله مرنيش غالط برسكي يبنالي انسان بزاف سامتيك مام مع لي كليون ديما ينصحهم
+
أنا فرونطوفوكوماتر مازال مبدتيش نخدم فيه بزاف حاجة قليلة انشاء الله كي نتقنوا مليح نقلك و الحاجة لي تعاونيني بها مليحة ليا و ربي يجازيك بالخيـــــر

+
ماكانش بزاف كيما نتيا ختي لي راكي دير فيه معايا أنا و مارانيش مآمن ديري حاجة في بالك بلي راح تكوني قدوة للغاشي لي راكي تعاملي فيهم كيما أنا

اخي تحول للموضوع الاثني لي عطيتلك الرابط تاعو باش نكملو النقاش ثما ستجدني رديت على هذا الرد هناك
لانو هذا المضووع خاص بالعدسات باش منخلطوش الامور
وربي يوفق
ستجد الرد هناك
https://www.djelfa.info/vb/showthread.php?t=1854780

[حضنية28]

بارك الله فيك اختاه

[سطايفية بكل فخر]

وفيك بارك الله غايلتي
شكرا للدعم

[Houssam relizani]

salam w 3alikom nchalh makayen probleme min rani nekteblk b had l'ecriture lsl ana houssam relizani li gotlek li lentlle rahom ye7Ar9ouni w goltili jawebni f had lmawdou3
premierement les photos hadou houma



nebdaw dork b les réponses khti
1 ana men soghiri 3andi la myopie w wiratiya
2 la correction raha f la photo
3 la dernier fois li mchiti fi lel tbib pour faire une correction ca fait 2 mois w kont nekhdem b mes lunettes li khadem b la correction li b3athalek ta3 -16 docteur galek rak -19 hhhhhh rabi yehdih malgré que mawelitch nchouf waloo par contre min nahit lcadre ta3o w siyit nchouf b nwadri welit nchouf bien
4 la correction li b3Athalk ta3 -16 ca fait 3 ans w la vue t3i rahi stable normalment psq rani nchouf b les lunettes w les lentilles
5 la marque ta3 lentilles rani b3athalek photo les lentilles yeplasso ro7hom et wé cvrai fihom ki chgol fo9A3a sghira fel coté hhhhh
6 lentilles lawla tawel biha ga3dt 2 ans bdit ndit les lentilles a 19 heta 21 bah bedelt
7 les lentilles li rani dayerhom ca fait 3 mois meli chrithom
9 l produit li ndirahelhom houwa aquasoft
10 nn ma3andich 7asasiya ana sans lentilles nkoun tr tr bien malgré nekhdem fel pc w ga3
11 les letilles tjr na9hom w m7afed 3lihom
12 non jamais la n'utilisé lma ta3 lrobenet
13 nn les lentilles n9ityin w mafihom waloo
dork na3tik wahd les infos ziyada balak ye9edro y3awnouk les fois passé ro7t 3and tbib gali nmedlk wah lgotra w pomade dirhom """ artelac sterdex w wahdokhra "" mais matbedel walooo
w dork chritt des goutes ta3 les larmes artificielle rani habb ndirhom golt balak maywelouch 3ayniya ye7ar9ouni """"" hyfresh ta3 saudia """
khti hado houma kamel les infos dsl 3labali rani ghbentek m3aya mais sem7li w rani vrai magboun si pour ca ktebtlek w sA9sitk répond moi le plus vite possible mrc khti

[سطايفية بكل فخر]

اهلا بيك اخي
صح فطوركم
اعدرني على التاخر في الرد ظروف منعتني من الدخول
+
بداية العدسات تاعكم اسمهم souple torique
مش سفيريك اخي
ثانيا
مكان حتى بروبلام اخي اختي بلي تساعدك مدامني نفهمها
+
اوك اخي الميوبي كي تكون وراثية هي لي تكون ايفوليتيف وكبيرة بزاف مثل حالتك انت
+
احتمال صح راك -19 اخي راني قتلك بلي الميوبي الوراثية تكبر
قلي اخي وشحال عمرك
+
كي ركبلك 19 شفت بيها احسن من ال 16 او لا اخي
+
شوف اخي المخ تاعنا كي يوالف حاجة يولي صعيب عليه يبدلها ولذلك ممكن يكونو دوخوك في الاول وانت اصلا بسيشيكمون مقبلتهاش
شوف سيي حاجة البس النظارات تاع 16 وشوف في حاجة بعيدة بحواي 5 متر من بعد شوف بنزارات 19 وقارن
في هذيك اللحة بعد وقلي وشا خرج معاك
+
الميوبي جينيتيك اخي تبدا تستابيليزي روحها في حدود سن 25 و 26 ثما نقولو الميوبي راهي سطابل لكن قبل هذا متحبسش النظارات يعاونوك باش متنقصش بزاف وكاينين مساكن حتى وهوما مدايرينهم وتزيلدلهم

+
هذو هوما ليلونتي طوريك اخي تندار هذيك الفقاعة على حساب لاكس تاع لاستيجماتيزم تاعك باش متغبنك لالونتي ودور في عينيك
تبلاسي روحها لروحها
+
شوف اخي هذ لامارك تاع ليلونتي شوية مش مليحة بزاف منقلكش عيانة ولكن كاين لي احسن منها
باش نكون اقتصاديين كمل بيهم حتى لعام عام ونص مكسيموم متزيدش فوقها
ومن بعد اشري ماركة اخرى اخي
+
اكواسوفت مليح كمل بيه
كاين واحد اخر ليلونتي سوبل مليح بزاف اسمو renu تاع bausch et lomb تحب تجربو ثاني مليح مي غالي شوية على لاكواسوفت
+
انا كنت شاكة في زوج حوايج اما ليلونتي قدامو او تقطعو
او عندك مشكل جفاف العيون
والحمد لله المعلومات لي زدتهملي اكدولي هذي السبة
اخي ليلونتي تاعوك جدد دونك السبة مش منهم
جفاف العيون هو لي مدايرلك المشكل واحتمال دارلك من لبس ليلونتي عندك مدة او الماتيار تاع لالونتي مساعداتكش
بخصوص ارتولاك هذاك راهو لارم ارتيفيسيال
ثاني وعطاهولك باش يسولاجيلك عينيك
نصيحتي جربو لايام وشوف
واذا مفادكش اشري واحد اسمو siccafluid او واحد اخر اسمو fluidabak هذو ملاح
قطر في عينينك لمدة شهر الى شهرين ماكسيموم وحبس
بلاك تقطر فوق العدسات ديرهم قبل
ثاني مرة على مرة اغسل عينين بالسيروم وثاني متقطروش فوق العدسات
+
حاول تستعمل النظارات في البيت باش يستراحو عينينك من العدسات والعدسات حاول تنحيهم وتغسلهم مرتين الى ثلاثة في اليوم
باش يتسولاجاو عينينك شوية
وانش ءا الله تريح
الله غالب العدسات قد ماهم ملاح ويريحو الشوفة تاع الميوبيك
قد معندهمش مشاكل على القرنية
انش ءالله ترتاح اخي
+
بما انك راك رايح لسن سطابيليزاسيون تاع الميوبي مهدرولكش على les implants العدسات لي يزرعوهم داخل العين باش تتخلص من العدسات اللاصقة.
+
اخي حبيت نقلك حاجة
ماش ءا الله عيلك راك فاهم الحالة تاعك تري تري بيان حسيتك وكانك تقرا معايا في الدومان راك تجاوب فيا بمصطلحات مهنتي ربي يحفظك
وسهلتلي الامر اول مرة يجاوبني واحد ويمدلي تفاصيل تسهل عليا اجابتو بسرعة
وزيد حاجة اخرى الطبيب لي رحت عندو نستعرف بيه قليل وين يمدو لونتي طوريك لشخص عندو ميوبي كبيرة واستيجماتيزم كيما لي عندك
لانو للاسف يتجاهلوه ويحطوه صغير
ياريت تعطيني اسمو وعنوانو الكامل وفي اي ولاية يخدم باش ننصح الناس يروحو ليه
لانو خدم خدمة مليحة ويعطيه الصحة
بقا لوبتيسيان لي راك تشري عليه قلولو يخدم ماركات اخرى احسن من هاذي
لانو كورنيليا شوية مبقاتش كيما بكري دخلو عليها ماركات اخرى
واي استفسار اخي راني هنا في الخدمة مرحبا بيك
وتحب تعرف معلومات على ليزامبلون لي كنت نحكيلك عليها نجاوبك اخي معنديش مشكل
تحياتي ليك
انش اء الله نكون افدتك
صح سحوركم

[Houssam relizani]

salam okht 3ala rassif l2amal
mrc bien pour votre msg nchalh mankounch cha9itek
gadi nrépondilek 3la les questions taw3k
1 j"ai 22 ans
2 ki rekebli 19 mawelit nchouf waloo waloooo rien du tout tgoul 3ma na7ithom 3andha w plassit 16 welit nchouf tr tr bien 1000 fois mieux que 19
3 bi khosous la marque khti ana nesken f relizane c ta dire lgarb w raki 3Arfa les lentilles hadou ta3 oran wech houma les marques li kaynin w mlah ?
4 benessba lel produit ana chek ta3i rah fih en t cas rah nsiyi hada li goltili 3lih renu w nchlah fiha khir
5 ladress ta3 tbiba li nfawet 3andha hadi hiya

njoo darwek khti lel implant #icL khalini ngoulek beli hada c mon reve psq vraiment 3yit
ne3Raf 3lih bzfff bzfff swalh presque kolchi lhaja lwa7ida li gabnetni fih hiya le cout
kayen la clinique val d"hydra f alger doc kamel hamouche ydirha mais ca cout cher tr tr cher 40 million pour les 2 et on est des etudients w raki 3Arfa lbir w gtah hhhhh
mais khassni ne3rf 3liha le cout f tunis 3And doc haykel kemmoun ida te9edri t3awnini khtii wela en france et espagne
w lcout ta3ha f les clinique kima la clinique dar sa3a w ta3 djelfa et avant tout asq had les cliniques mlah
ehhhhhhhhhhhhhhhhhhhhh une question rani vrai mest7a9ha w 3labli beli te9edri t3awnini fiha benesba lel lasik 3labali beli forte myopie makach kifach maisss asq ne9der ndir lasik bah na9Ess men la myope ta3 ya lokan ndir ghi -7 wela -8
hhhhhhh wlh koun nssib ndir 7am l3omri lyoum 9bel godwa mais nchlh fiha khir khti

rani ta3bek m3aya dsl khti
mrc cordialement