وصفة التيراميسو لأم ياسين الزهراء و أم ماجد و لكن أخواتي من مطبخي

oum anas 69 · 2013-04-17, 13:10

السلام عليكم عليكم أخواتي
بطلب من أخواتي الغاليتين أم ياسين الزهراء و أم ماجد لوصفة التيراميسو راني عملتها موضوع لكن بالبوتي سويس بحكم أنو جبن الماسكاربون غالي في بلادنا هذا إن وجد
الذوق كيفكيف و السماكة كذلك الفرق فقط أنو البوتي سويس فيه كمية من الماء لذلك لازمنا نقطروه جيدا قبل إستعماله
المقادير هي ;
بسكوي لي بودوار
4 علب بوتي سويس من الحجم الصغير
80 غ سكر عادي = 4 ملاعق أكل مملوءة
2 بيض ، فانيليا ، كاكاو بودرة للتزيين
قهوة طايبة أنا إستعملت العادية باش متأثرش علينا في اليل خاصة الأطفال

طبعا هادوالمقادير و الطريقة مشروحة بالصور
نفصلو البياض عن الصفار و نقسمو كمية السكر بيناتهم

نضربو البياض مع نصف كمية السكر حتى يطلع مليح كالميرانق و نخلوه بجيه
و نضرب الصفار معالنصف الباقي من السكر مع الفانيليا حتى يميل لونه إلى البياض
نضيفولو البوتي سويس و نكملو التضراب حتى الإنسجام

ثم نضيف البياض المخفوق تدريجيا معالخلط من الفوق للتحت حتى على هذه الكريمة

نديرها في كيس حلواني هكذا باش تجينا الخدمة نظيفة

و نبدأ نشكل التيراميسو
1- نجيب الكيسان نتاوعي لازم زجاج شفاف الي يعجبكم ديرو فيهم
- نغطس البسكوي في القهوة بسرعة و نضعة في الكاس
- نضع القليل من الكريمة ثم نرش الكاكاو بودرة بالصفاية و نزيد نكرر العملية البسكوي ثم الكريمة ثم الكاكاو أنا عملت 3 طبقات المهم الطبقة الأخيرة كريمة نزينها على شكل صخور نرشها بالكاكاو و نغلفهم بالنيلون و نديرهم في الثلاجة يبردو مليح على الأقل 3 ساعات و من الأفضل ليلة كاملة

هنا من بعد ما حطيتو في الثلاجة لمدة 3 ساعات

ملاحظة فقط الأخوات لي عندهم عائلة كبيرة الله يبارك تقدرو تزيدو الشونتيي و ضاعفوا المقادير
كذلك تقدرو ديروه بكل أنواع القاطو خاصة لي يجي بنين مثل البيمو او ماجور
كذلكباش تعرفوا توزعو الكريمة قد قد أخدمو الكؤوس في آن واحد كيما درت أنا

إن شاء الله تجربوه لأن ذوقه رهييييب
في أمان الله
فقط دعوة خير تكفيني

أم ماجد · 2013-04-17, 13:32

رائعة انت ام انس نموت علي التحليات الباردة كي نتهني ونركز نجربها هههههههههه

وعدت وفيت يعطيك الصحة

أم ياسين الزهراء · 2013-04-17, 13:40

امممممممممممممممم هايلة وغير مكلفة يعطيك الصحة وربي يرجعك لموالك سالمة وغانمة ويصلحلك ولادك حنونة هدي نخبيها لبنتي الزهراء راح تتعلم في هدا الصيف ووصفتك مليحة

liliane24 · 2013-04-17, 13:49

شكرا جزيلا على الوصفة و الله شهيتيني بزااف شابة بصح أنا مانحبش البيض نيء .
ممكن نعوضه بالشانتيي ؟

YAKMISSOU · 2013-04-17, 13:56

يعطييييييييييييييييييييييييييك الصحة ام انس جاك هايل
ابدعت

oum ibrahim · 2013-04-17, 14:01

الله الله يا ام انس سخفتينا تبارك الله عليك عمري ما خدمت التيراميسو لانو نشوف بلي وصفاتو معقدة لكن مع هاذي الوصفة ساهلة و باينة بنينة اكيد رايحة نجربها مشكورة

ام ولي · 2013-04-17, 14:05

وااااو روعة أبدعت بارك الله فيك رايحة نجربو ان شاء الله

أنواار الإيماان · 2013-04-17, 14:12

يعطيك الصحة روععععععععععععععععععععععععععععععععععة

إلهام07 · 2013-04-17, 14:26

هاذا وين حن ربي وطلعو الصور ، أم أنس صغري الصور ديما نقولهالك
المهم :
يعطيك الصحة ، البنة ماناش رايحين نتناقشو فيها ، أكيد بنة خطيرة
يسلم يديك، عجبوني الكيسان اللي قدمتيها فيهم باهيين يهبببببببببلو
طبعا نجربها ، لاخاطر حنا نحبو التيراميسو ونديروه بزااااف