شوربة فريك ناس الجلفة

[الاميرة سهى]

وصفة شربة فريك :
فنجال زيت+ ملعقة كبيرة سمن+ حبة بصل صغيرة مسكرفجة او مقطعة صغيرة + حبة قرعة متوسطة مقطعة كاريات.+ كرافس مقطع ومنستعملش الأوراق+ حبة جزر متوسطة نخليوها صحيحة لأننا راح نرحيوها.+ لحم نستعمل الكوتليت وتقدرو ديروها بالدجاج او قطع الداند +قرفة و فلفل أسود وملعقة صغيرة مصومعة ملح.+ قلي كل شي على نار قليلة حتى تذبال الخضرة+ منبعد زيدي ملعقة معمرة عكري و 3حبات طماطم متوسطين+ ومرقي بالماء السخون زيدي الحميصة وخليهم يطيبو. كي يطيبوارحي الطماطم والجزر وضيفيهم وزيدي معاهم ملعقة عشاء طماطم مصبرة وضيفي القصبر العروق مقطعين. كي يغليو وحد 5 د ضيفي كاس فريك تكوني شللتيه قبل ما تمرقي... وشوية قصبر ونعناع واقعدي اتحركي بأه ميلصقش الفريك على نار هادية.منبعد مرقي بالما السخون.. راكي تفرغي وتخلطي وتشوفي في المرقة تاعك.زيدي القصير والنعناع وراس حار وخليها تطيب وحد10 الى 15 د عل نار هادية
ملاحظة : القصبر منضيفوهش حتى نرحيو الطماطم بأه تجينا المرقة حمرا وشابة.
القصبر نقطع العروق هما لي نبدأ نضيف فيهم. منبعد الورق.