إلى طالبات المدرسة التحضيرية علوم و تقنيات عنابة

[زهرة قالمة]

السلام عليكم و رحمة الله تعالى و بركاته
بحثت في مواضيع التعارف بين طلاب هذه المدرسة لكن للاسف لم اجد الكثير من الاناث
فارتايت ان افتح هذا الموضوع لطالبات هذه المدرسة
كل من تم توجيهها الى هذه المدرسة تضيف رد للتعارف
الاسم
الولاية
المعدل
هل تريد غرفة فردية ام زوجية؟
اثناء الحفظ هل تحبي السهر ام النهوض في الصباح؟
ما هي هواياتك؟
هل اخترت المدرسة عن رغبة؟

في انتظار الردود

[زهرة قالمة]

سابدا بسم الله
الاسم:سلمى من قالمة
المعدل15,22 علوم تجريبية
اريد غرفة زوجية لانهم نصحوني بيها و قالولي متقدروش من اول عام تسكنو وحدكم
افضل النهوض في الصباح للمراجعة مع انو نحب نرقد
نعم اخترت المدرسة عن رغبة وضعتها 2
هواياتي انترنت / كمبيوتر، مطالعة
في الاخير اتمنى ان اجد فتاة للاقامة و ان شاء الله نكونو متفقين
سلااااااام

[زهرة قالمة]

أين انتم؟؟؟

[didin]

تباتي تستناي وماتلقايش
1/راهم كامل فالفيس بوك
2/ دوريجين لبنات ناقصين فليكول في كل بروموسيون 40-50
3/ادا الإقامة تاع القبة لاشامبر راهم في 3 ولا 4 الله أعلم
c'est pas ton choix tkhayri 9adach f la chamber c'est le choix ta3 dola
et bon chance khti

[سارق الأحزان]

اااااو رايحة تسووفري بااش تلقااي بنت علوم وتقنيات جميع المدارس مشي من عندكم برك

[زهرة قالمة]

المشاركة الأصلية كتبت بواسطة didin

تباتي تستناي وماتلقايش
1/راهم كامل فالفيس بوك
2/ دوريجين لبنات ناقصين فليكول في كل بروموسيون 40-50
3/ادا الإقامة تاع القبة لاشامبر راهم في 3 ولا 4 الله أعلم
c'est pas ton choix tkhayri 9adach f la chamber c'est le choix ta3 dola
et bon chance khti

علابالي بلي الينات ناقصين قلت بلاك نلقى على الاقل نتناقشو شويا
و على الاقامة انا في عنابة و قالونا عندكم الحق تخيرو وحدكم ولا في 2 في لاشمبر و حتى صحبتك تقدري تخيريها
و شكرا

[the fog]

المشاركة الأصلية كتبت بواسطة زهرة قالمة

علابالي بلي الينات ناقصين قلت بلاك نلقى على الاقل نتناقشو شويا
و على الاقامة انا في عنابة و قالونا عندكم الحق تخيرو وحدكم ولا في 2 في لاشمبر و حتى صحبتك تقدري تخيريها
و شكرا

مكانش غرف فردية كاين غرف 3 اشخاص
اقامتكم في القبة couba
الغرف الفردية لطالبات المدرسة التحضيرية للعلوم الاقتصادية الصفصاف

[didin]

https://www.epst-annaba.dz/site/*****...A9e-scolaire-0

[marryalgerie]

المشاركة الأصلية كتبت بواسطة the fog

مكانش غرف فردية كاين غرف 3 اشخاص
اقامتكم في القبة couba
الغرف الفردية لطالبات المدرسة التحضيرية للعلوم الاقتصادية الصفصاف

هذه السنة تم تغيير إقامة الطالبات داروها في الصفصاف

[marryalgerie]

الاسم: ندى
الولاية: بسكرة
المعدل: 16.98
هل تريد غرفة فردية ام زوجية؟ أنا إلى الآن ما زلت لا أعلم إلا أني أريد غرفة فردية كوني لا أعرف أي طالبة من بسكرة ستذهب إلى هذه المدرسة باش ندير معاها غرفة زوجية ..
اثناء الحفظ هل تحبي السهر ام النهوض في الصباح؟ أنا اخترت هذه المدرسة باش نتخلص من الحفظ لكن قبلا كنت أحب الدراسة ليلا لأني لا أضمن اني سأستطيع الاستيقاظ باكرا ...........
ما هي هواياتك؟ المطالعة خاصة الروايات البوليسية ....الكمبيوتر
هل اخترت المدرسة عن رغبة؟ اخترتها عن رغبة لقد كانت هي اختياري الأول لأنني أحلم بالذهاب إلى المدرسة المتعددة التقنيات بالحراش

أحسن شئ أن الاقامة بالمدرسة روووعة رغم أن الاقامة السابقة أحسن كثيرا .......

[سارق الأحزان]

مكاانش حفيييظة نظن فهم

[hako2010]

هو عندنا مجموعة في الفيس بوك أسمها Les étudiants de l'EPST Annaba ( 1ière année ) مخصصة للطلبة الجدد في المدرسة فيها 3 بنات يقرو في عنابة
ما تخافي أختي كاين لبنات أنا نهار لي رحت سجلت لقيت قريب 40 بنت سجلت معانا

[didin]

"أنا اخترت هذه المدرسة باش نتخلص من الحفظ "
عجبتني هاذيك العفسة تاع lol

إن شاء الله تتفكريها كي تولي تحفضي 100 ورقة فاليلة ياو نتائج تولي تحفظيهم

وربي يعينا جميعا إن شاء الله

[زهرة قالمة]

المشاركة الأصلية كتبت بواسطة marryalgerie

الاسم: ندى
الولاية: بسكرة
المعدل: 16.98
هل تريد غرفة فردية ام زوجية؟ أنا إلى الآن ما زلت لا أعلم إلا أني أريد غرفة فردية كوني لا أعرف أي طالبة من بسكرة ستذهب إلى هذه المدرسة باش ندير معاها غرفة زوجية ..
اثناء الحفظ هل تحبي السهر ام النهوض في الصباح؟ أنا اخترت هذه المدرسة باش نتخلص من الحفظ لكن قبلا كنت أحب الدراسة ليلا لأني لا أضمن اني سأستطيع الاستيقاظ باكرا ...........
ما هي هواياتك؟ المطالعة خاصة الروايات البوليسية ....الكمبيوتر
هل اخترت المدرسة عن رغبة؟ اخترتها عن رغبة لقد كانت هي اختياري الأول لأنني أحلم بالذهاب إلى المدرسة المتعددة التقنيات بالحراش

أحسن شئ أن الاقامة بالمدرسة روووعة رغم أن الاقامة السابقة أحسن كثيرا .......

متشرفين ندى و صح عيدك
بالنسبة للغرفة نظن مش لازم تكون واحدة معاك من نفس الولاية مثلا انا ماذا بيا تكون من قالمة لكن ادا لقيت واحدة نخرجو على بعضانا معنديش مشكل
و ربي يوفقنا ان شاء الله
و نتمنى نتعرف عليك في المدرسة ان شاء الله ز راهم قالولي نهار الاحد نروح ندي الغرفة بصح مفهمتش لكان نبقاو مرة واحدة للقراية

[زهرة قالمة]

المشاركة الأصلية كتبت بواسطة hako2010

هو عندنا مجموعة في الفيس بوك أسمها les étudiants de l'epst annaba ( 1ière année ) مخصصة للطلبة الجدد في المدرسة فيها 3 بنات يقرو في عنابة
ما تخافي أختي كاين لبنات أنا نهار لي رحت سجلت لقيت قريب 40 بنت سجلت معانا

انا شفت ثاني كي سجلت بنات بزاف
بصح المجموعة مخرجتليش