مربى برتقال

ريتاج تيارتية · 2013-03-15, 10:35

اليوم جبتلكم مربى البرتقال احنا كامل في الدر نبغوه شتاء كامل نخدموه انا ديتو عل عمتي بكري كانت تخدمو ومن بعد صبتو في وحد الكتاب

طريقة تحضيره
ناخذ 2حبات برتقال +حبة ليم نغسلهم مليح من بعد نخرطهم مليح مش نحلهم قاع القشرة غير بالموس نبدا نخرط باش نحي وحد النقاط كحل باش مايجيش مر.
كس نكملو نحطوهم في الكونجيلاتور كي يجمدو نجبدوهم ونرابيوهم
وحنا نرابيو فيهم ناخذ طاجين ولا قدر ندير فيها تقريبا 2لتر ماء ونضيفلها تقريبا 1كلغ سكر (انا مانديرش 1كغ نقص شوية)
ونحطوهم فوق النار قاوية حتى يولي يغلي نقص النار ونضيف هذاك البرتقال والليم اللي رابيناهم ونخليهم يطيبو على نار هادية حتى يولي عاقد نتوما كيما تحوه تحبوه عاقد بزاف ولا شوية مايه
صدقوني يجي هايل
ملاحظة: تقدرو ترابيوهم بلا ماديروهم في الكونجيلاتور بصح مش كما يكونو جامدين
بصحتكم

ريتاج تيارتية · 2013-03-17, 10:16

ماكاش قاع لي قيمني معنديش قاع الزهر

ليلى المرشدة · 2013-03-17, 16:27

يعطيك الف الف صحة بارك الله فيك كنت نحوس على هاد الوصفة شكرا.

لينا11 · 2013-03-17, 16:56

ماشاء الله حنونة

نفس طريقتي ويجي صح بنين وزاكي بزاف بزاف

تاكلوه بالصحة والهناء يارب

SarSouRa28 · 2013-03-18, 11:29

يعطيك الصة حبيبتي يبان يشهي كنشريه نجربو ونرجعلك بالخبر راه يبان اممممممممممممممممم ربي يحتسبها في ميزان حسناتك

ام محمد78 · 2013-03-19, 13:27

ايمان ايمانو · 2013-05-20, 12:57

يعطيك الصحة درتيه هاااااااااااااااااااااااااااااااااايل

رحيق الورد · 2013-07-12, 10:49

ناخذ 2حبات برتقال +حبة ليم نغسلهم مليح من بعد نخرطهم مليح مش نحلهم قاع القشرة غير بالموس نبدا نخرط باش نحي وحد النقاط كحل باش مايجيش مر.

ماذا تعنين اختي بنخرطهم؟