هل انا عقدة ام لا

[مشكلتي]

السلام عليكم
بعد بسم الله الرحمن الرحيم

اخوة الاسلام انا شاب في مقتبل العمر في العقد 2 الثاني من العمر وانا حقيقت اكره كل انواع فتن الدنيا وملاهيها مما جعلني دائما مبتعد على امور ومشاكل البنات وشائت الصدف ان تعرفت على فتاة كنت في البداية اظن انه مجرد كلام تافه وكنت اقول لها انا لا اريد شيئا منك فقط اعجبت بك ...ولا استطيع كتم هذا السر لكن كنت اظن اني سوف افسخ الاعجاب وابتعد عن هذه الامور لكن زاد حبي لها اكثر واكثر لم استطع التحكم في مشاعري مما زاد الطين بلة ....فصارحتها واعطيتها كل ما املك ولم افعل بها سواء ....وحتى واني لا انظر الى فتاة مهما كانت صفاتها اطائطاء رائسي حتى لا افتن ..وعندما قلت لها ان الخروج والمشي في الشارع لا يعجبني لا ن الزمان هذا لا يرحم ان سمعت ونظرت الى حال الشارع الجزائري اليوم لا تسلم اي فتاة من اللسنة الشباب والكلام الفاحش والاعتداءات في بعض الاحيان جسديا ..قلت لها اخرجي مع اخاك ..او اباك المهم يكون رجل يمشي معك واقضي وحوائجك فعايرتني قالت لي انت عقدة ومعقد انظر الى حال البنات كلهم يمشين في الشارع وكلهم يتبرجن كيف تقول لي هذا الكلام نا انا فقط .. فقلت لها اريدك ان تكوني فريدة عن البنات اريدك ان تكرهيني في كل البنات اريدك ان انظر اليك فقط ....واذا غاظني الحال ائتي بها من البدو والرحل المهم تكون عفيفة وشريفة ولا تعرفو معنا للشارع ...اخواني اريدكم ان تحكمو علي هل انا العقدة ام ماذا

[naamane3]

شوف يا بني راك مفتون بها
والاولى ان تقطع علاقتك بها
ماشي تعطيها أوامر ونصائح
اذا كنت ناوي تنصح ابدأ بأهلك اولا
عيش حياتك في ضل مرضات الله
ودع الخلق للخالق
واذا رأيت ما يشين ادعي الله بالهداية

[حورية38]

ان اردت التامر فكن لها زوجا روح اخطبها من والديها وخلي عليك معقد ولا ماشي معقد ماشي هدا المشكل المشكل انك حابها ليك وحدة لكن بدون قيد وادا حاب تتحكم لازم تكون في المكان لي يعطيك هاد الحق ربي يفرج ويعينك

[aymen01]

انت دير في الحرام و قاعد تامر في الطفلة

[○•ميسون•○]

هذه اخلاق وليست عقدة

ثانيا ابتعد عن الفتاة الضاهر ان الاية انقلبت و اصبحت الفتاة هي التي تطلب من الشاب الخروج معها

هذه مستحيل تكون ام صالحة مستقبلا

[ام امـــــــنــــــة]

اولا راك غالط كي خرجتي معاها كان من المفروض تطلبها للزواج اولا وثانية باه نجاوبك على سؤالك انت لست معقد لكن اردت ان تطبق شرع الله وطلبت منها ان تستر نفسها وان لا تخرج الا برفقتك وهذا من حقة ان كنت خاطب لها زيد شوف يا خويا بنات الفاميلا كاينين وكاينين بزاف الي باقيين يطبقو في واش راك تحوس انت من المراة بلاما يكونو متزوجات البنت المتربية تربية صحيحة تحفظ نفسها وتخليها عفيفة غير لزوجها المستقبلي اما هذي الي حكيت عليها انت فراهي باينة من الاول بعد مادامها قبلت تخرج معاك ديجا او باين معدنها بعد لكن حبيت ننبهك اذا اردت بنت فاميلا فلازمك تقوي علاقتك بالله وماتخليش الشيطان يجرك لدرب السيئين الطيبون للطيبات والخبيثون للخبيثات

[وهج الحياة]

اظن انك من تحتاج الى التوجيه بداية اذا كنت تعرف العادات والتقاليد ما موقعك من الاعراب لدى المجتمع الجزائري ؟اذا عرفت الاجابة وهذا اكيد ستعرف ان كنت على حق ام لا،،،،،ربي يهدينا ،،،،،

[الصديق قروف]

السلام عليكم
اليوم اصبحنا في زمن الشخص المعتدل يصبح هوا الغريب في المجتمع
و ميلزمش تحكي معها وهي غريبة عنك
اما فيما قالته فهيا مخطئة

[لمسة L]

اولا اخي اذا كنت صح تخمم عليها ازوج بيها و مبعد اامرها
ثانيا مهما يكون في الشارع او غيرو بنت الفاميلا تبقى على مبادها و اصلها
و اذا كان عند عدم ثقة في نفسك و ف الناس فهذا مشكلك و لازم تتخلص منو

[مريم الصابرة]

السلام عليكم اخي
وإنت كيفاه مطق الفرض وثاقب الارض مرة ما تحبش الحرام وما تحبش الفتنة وراك مبعد على النسا ومرة راك في علاقة مع طفلة وتحبها ما تخرجش وحدها ومع باباها والشارع لا يرحم الشارع لا يرحم اللي تروح برجليها ومش كل اللي تخرج وحدها راهي تروح لطريق عوجة والدليل راهي الفتاة هذي على علاقة معاك وهي في دارهم
خويا ما تزعفش من كلامي لانو لازم تكون صريح مع روحك ومع نفسك تقدم وخطبها وهكذا تتحكم فيها وهناك كان تحبك وتحترمك راحا طيعك كان شفتها ما قبلتش اوامرك وإنت خاطبها فالاكيد خويا هذي تحب الحرية
موفقة

[sali-sali]

السلام عليكم

تحبها .. كمل معاها في الحلال هكدا احسن .. في الوقت الحالي ما عندك حتى حق باه تتامر عليها

ما شاء الله على تفكيرك و اخلاقك ... لكن كمل بيها في الحلال هكداك لا تعتبر عقدة و لا اي شيئ

[samara lara]

متعييش روحك و تبقى تتمسخـر

عجباتــك البنت روح اخطبها


و الله يوفقك

[YouCefo_dz]

والله غير ضحكتني انت اصلا لا يحق لك ما تفعله بها ثم تأمرها كيما يقولو مايخص العميا غير الكحل

[samira135]

والله ضحكتني

راك متناقض ياسر يا خويا راجع روحك مليح

[bellaluna]

لا يا أخي لست معقّد لكن من كثرة تفشّي المفاسد صار كلّ شيء عادي لكن النّصح يبدا بالتدرّج في مثل هذه الحالات و نصيحتي لك ان تحاول خطبتها لتسعد و يرتاح بالك.