الدرس السادس الفتلة بالمشينة - الصفحة 12

ام رشدى · 2015-01-01, 20:55

اختي لخروبية نشكرك كي حطيتي المودال الي خدمتية في الفيديو الاخير درك وضحتلي الصورة وساعيد العمل وانوريهولك اما عن الفتلة المبشبشة ماعنديش علا بيها استعملت العادية وشكرا على المجهود الي راكي تقومي بيه وربي يجازيك الخير وربي يشفيك ويعطيك على قد نيتك

الخروبية · 2015-01-01, 22:35

السلام عليكم مساء الخير ياناس الخير الله يوفقكم وستركم خوتاتى

نتمنى تنجحو بكل وتتميزو والله حتى نتوما ناس ملاح

وتساهلو كل خير وربي اكيد يحبكم زعما انا وش درت

هدا ميساوى والو قدام دعاوى الخير تاعكم

وقلوبكم الطيبة الى تخبرنى المعدن تاعكم الاصيل

ونتمنى تسقيسو قد ما حبيتو انا والله منخبى عليكم حاجا

وكى نشوف بلى كاين حوايج مسقسيتونيش عليهم

ريحا نخبركم عليهم بلا متسقسيونى عليهم

وحنا لازم نعاونو بعضانا

قال رسول الله صلى الله عليه وسلم

(الخير فى وفى امتى الى يوم القيامة)

ولادمرناش هكا كيفاه نسماو من امة محمد

صلى الله عليه وسلم

درك شفت التطبيقات تعكم نتمنى نشوف لقنادرالمحروجين

من يديكم ياحلوين وتلبسوهم بصحة ولهنا

وتقولو صنع اديا وحياة عنيا الله يسلمكم ييييييييييييييييييييييييييييييييييييييييارب

تحية من الخروبية للجميع

سلام ياكرام

الخروبية · 2015-01-01, 23:31

السلام عليكم رانى تفكرت حاجا محطيتهاش في الفيديو هى

لعوينات محبيتش نقوللكم عليها فى الاول

كون قلتلكم عليها فى الاول ونتما مجربتوش الخدمة

تجيكم صعيبة والله خفت على يديكم

حاولو تجربو غير باعقل

لعوينات دوائر صغار يجيو قدام بعضاهم كيما فى هادى الصورة لحبيتو ابداو دوائر كبار وبشوية حتى تتعودو وديروهم صغار

لقدرتو ديروهم الله يبارك ولكان مقدرتوش ديروهم ديرو المخ كيمالصورة الى بلحمر

واخر حاجا مقلتلكمش عليها هى

كى تخدمى بالقطيفة ولطوال طيور حطى بناتهم

الكارك لى يجى منعند الجزار كاين يتباع عند لى يبيع لولزم الخياطة

مقلتش فى الاول عليه خفت تجيكم الخدمة واقفة بزاف وتجيكم صعيبة

وانا حبا نبسط الامور عليكم قدر المستطاع

وكل مرى نشارك معاكم نسنى الاسئلة وشوفو تصاور

.................................................. ..............

سامحونى النت ضعيفة لحب الله غدوى نحطهم

سلام ياكرام

الخروبية · 2015-01-05, 13:58

السلام عليكم وبارك الله فيكم وفى اوقاتكم واسركم وهليكم توحشتكم غبتو بكل علبالى كل وحدة وضروفها نتمى تبقاو فى نفس العمل والحماس وهاهم تصاور لى وعدتكم بيهم النت هبلتنى سامحونى

ترانيم مطر · 2015-01-05, 15:19

السلام عليكم ورحمة الله تعالى وبركاته كيفك اختي الخروبية واش راهي احوالك
نتمنى تكوني فى احسن الاحوال بارك الله فيك وعلى المجهود ليراكى تبذلى فيه معانا
انا رانى خدمت تطبيق السابق بصح مقدرتش نحوطو بسبب النت ثم البرتابل نتاعى الصورة تخرج
مشي واضحة رانى نستنى اخر الاسبوع ونحطها
الصورة ليحطيتيها الان رانى نستنى فيها تظهر نت ضعيفة بزاف بصح خرجت نصفها
راهي تبان روعةروعة ربي يحفضك تبارك الله عليك ماشاء الله هكذا لما نشوفوا نتحمسوا اكثر
بصح طولي بالك معانا وماذا بيك ما تفيكسيش لادات نتاع العرس حتان نوجدوا مليح مليح
رانى نطل على الصورة ظهرت والا لالا ونعود نرجع نكتب اختى الخروبية راكى تسالينى دعوة
نتفكرك بيها فى كل وقت احييتنى باش نرجع نتعلم كيما كنت زمان بعد ما خلاص دخلنى الملل
شكرا ليك وللقائمين على المنتدى وسلامى لكل الاخوات ........................................

ام رشدى · 2015-01-05, 21:41

ام رشدى · 2015-01-05, 22:08

اختي لخروبية نتمنى تكوني بخير وبصحة جيدة راني زدت حطيت تطبيق اخر نتمنى تشوفيه وترديلي لخبر ولعوينات شوية صعاب في خدمتهم راني كل يوم نطبق ساعة صباح وساعة في المساء وكل مرة تسهالي العملية سواء في التحكم في الماشينة او التحكم في قطعة القماش خاصة كي صغرت حجمها وانشاء الله تفرحي بينا كامل وتشوفي ثمرة تعبك في اعمالنا وربي يجازيك الخير ويعطيك صحتك راني نستنا في التصحيح

sarra 19 · 2015-01-05, 22:40

شكرا اختي موضوع مفيد

الخروبية · 2015-01-05, 23:06

السلام عليكم بارك الله فيكم والله يستركم وياااااااااااااااااربي يعطيكم الخير

فى الدنيا والاخرة ختى ترانيم المطركلامك دمعلى عينيا

كلامك سكر ياحلوى

1المهم جربتى ومع الوقت تتحسنى ياربي ميزيدش يخش الملل عندك خلاااااااااااااااص

والشى لى فرحنى كى تلبسو من صنع يديكم

والله رانى فخورة بيكم عندى خوتات كيما نتوما

اما يوم العرس رحا تكون فرحة كبيرة ونحضرو بكل وحدة متغيب

رانى نسنى بفارغ الصبر تطبيقك ياسكر

ختى ام رشدى الله يبارك الله يحفضك

النت راهى ضعيفة بان شوية برك

بصح على حساب مارانى نشوف

راكى مطالبة تخدمى قندورة عادى نقدر نقول عليك راكى فى طريق الاحتراف

مولتيش مبتدئة وبكل يقولولك نفس كلامى

وتطبيق كامل راهو 20 على 20 بصح ملاحضة صغيييييييييرة

كى تخدمى لعوينات متخليش الفيد بيناتهم وتانى لازر يجيو فوق الفتلة المضفورة او مبرومة

تسهال الخدمة عليك ويجيو معدولين كتر

ولاحبيتى تجى الخدمة شارجى حطى تانى فوق اللواى متال وحدة بين القناوية ونوارة

وهاذا اختيارى نحاول نحوس فى تصاور لى عندى بلاك نلقى ونحطلك باه تبانلك مليح

خوتاتى راكم فرحتوتى بزاااااااااااااااااف الله يفرحكم ويعطيكم واش تتمناو

بصح ربي يعيشكم اتهلاو فى صباع كم منحبش حتى وحدة تقول اي

نخاف عليكم الله يستركم ختى ام رشدى

نحاول نسنى التطبيق كامل شفت غير النص بصح جانى

غير اشرى لقماش وبداى توجدى للعرس

تصبحون على خير وتحية من لخروبية للجميع سلام ياكرام

*منى* · 2015-01-05, 23:10

نهنيك اختي ام رشدي ربي يبارك تطبيقك هايل وبانلي متقون
وقيلة درتيها بينا ورايحة انت لي تصدري العروسة وحنا نجيو نتفرجو فيك
انا يخي قاستني ازمة البترول واعلن سي سلال نتاعي (زوجي) سياسة التقشف يعني الحالة راهي ناشفة باه نشري الفتلة بصح مايقدرليش درت طلب قرض من امريكا (امي) وقوبل بالموافقة عند اول رحلة لللبيت الابيض تتحل الازمة ونحطلكم تطبيقي
قبلاتي الحارة وبالتوفيق للجميع

الخروبية · 2015-01-05, 23:13

السلام عليكم ختى ساره 19 مرحبا بيك نوجهلك 2 دعوات

الاولى تروحى معانا للعرس

والتانية تخدمى معانا وش حبيتى قندورة

ولاكراكو انتى وشحبيتى

بصح كون متخدميش

تروحى للعرس بصح تقعدى معا لمناولياهههههههههه

تحية من الخروبية للجمبع سلام

ياكرام

الخروبية · 2015-01-06, 00:25

السلام عليكم
مشاء الله الله اكبر لاقوة الابالله
ختى ام رشدى الله يحفضك تبارك الله
على يديك واش دارو هدا وين شفت
التطبيق كامل والله تستحقى
رفع القبعة وشهادتى وشهادة الجميع
دركا معندك حتى عذر
روحى اشرى لقماش باه تخدمى وتلبسى بصحة ولهنى
وتقولى صنع اديا وحياة عنيا الله يسلم يديك وعلنيك
وهكا على الاقل كى نغيب نتى جاوبي فى بلاصتى
نتمنى لي مزالو يلحقو
حتى هوما ماشى بعاد بزاف
قال رسول الله صلى الله عليه وسلم
(من ادخل السرور على قلب مؤمن لن يكون له جزاء غير الجنة)
وانتم ادخلتم السرور على قلبى
مرتين 1عندمادعوتم لى
و2 عندما رايت تطبيقتكم
الله يرزقكم الجنة
وتحية من الخروبية للجميع سلام ياكرام

الخروبية · 2015-01-06, 08:00

السلام عليكم[IMG]
ياربي يجعل ايامكم كلها خير وسعادة
ختى ام رشدى شوفى لعوينات وين يجيو
[/IMG]
وهاذى ليك

ام رشدى · 2015-01-06, 08:54

سيدتي الفاضلة وعزيزتي لخروبية شهادتك اعتز بيها كثيرا والله غير طلعتيني لسابع سماء وانشاء الله نزيد نفرحك انا وباقي العضوات وخيرك ماننساوهش وربي يجازيك الخير ويسترلك وليداتك وزوجك ويعطيك صحتك اما على لعوينات مزية وريتيلي وين نعملهم لاني مهما نحاول مانميلش نلقا روحي يا اما هابطا يا اما طلعا وانشاء الله نزيد نحط تطبيق التطبيقات

ام رشدى · 2015-01-06, 08:57

اختي منى شكرا على الرد انتاعك وانشاء الله نشوفو تطبيقاتك وتنضمي لينا وحاولي تدري تطبيقك لاشتا بالحرير لخشين ياخي احنا النساء ندوخو الشيطان حاشاك ههههههههههههه ومايخفا علينا والو