يوميات عضوة - الصفحة 4

نهى اسطاوالي · 2014-02-18, 16:13

والله غير عجبتوني خلوني نشارك معاكم شوية هههههههههه ونقولكم اليوم واش درت خطركش الاخت ام عبودة طلعتلي المورال ورجعتني فوووووووووووووو تستاهل كادو كبير المهم
انا نضت الصباح على 6 و خمس دقائق صليت الفجر وزوجي كذلك ثم رجعت للفراش تكسلت شوية حتى ل 9 لاني مع الاولاد رقدت على 12 بنتي ساعات تنفحلها ماترقدش بكري المهم زوجي ماخدمش اليوم بسبب الفاكسا تاع بنتي والمشكل انها مقطوعة طيب حضرت الحليب وعملت موسكوتشو ومباعد حطيت الشربة تطيب وحضرت عجينة باه ندير خبيزات تاع الفيونداشي وخليتها تخمر في هذا الوقت رحت غسلت الحوايج ونشرتهم ومباعد ناض ابني اعطيتلو فطر ثم قرصت الخبيزات وعمرتهم بالفيونداشي وخليتهم يزيدو يخمرو ورجعت فرزت الغرفة تاع ابني لميتلو العابو في الصندوق وخرجت العصافير ههههه صينو يحاوزني الزوج ومباعد حطيت الخبيزات في الفرن ممممممممممممم ماعندي مانقولكم روووووووووووووووعة خلصوني نعطيلكم الوصفة ههههه تغدينا الحمد لله الزوج راح يصلي الظهر وانا قعد نحارب مع اولادي اومباعد رقدو ورجع الزوج تكسل شوية لحق العصر قعدت على الحاسوب نكتبلكم يومي واش عملت فيه وراني نكتب الان ومعولة نعاود نفرز خزانتي ام عبودة دارتلي القلب ربي يحفظها
بارك الله فيكم جميعا

ام عبودة · 2014-02-18, 16:30

هاذا جزء من الحيط تاع الاولاد اه ه ه ه. راحت عليا لو صورتو قبل الغسيل

خزانة الاولاد والسرير

وهذه سينية تاي غير من قبيل درتو القاطو والتاي سخون تفضلوااااااا

ام عبودة · 2014-02-18, 16:58

نهى راني وليتلك نعطيك انا واش ندير وانت. اسرقي مااااعليش راني سامحتلك هههههه
بصح بشرط هاتي وصفة خبيزات اللحم ههههههههه

شوفي انا خزانتي كبيرة. اولادي عندهم خزانة وحدهم
عندي الوسع البرا يعني ندير حوايج الصيف برك في الصيف وحوايج الشتاء في الشتاء
يعني كل فصل نفرز عااادي جدا راهو مرتين في العام وممتع جداااا
الان حوايجي انا تاع الخرجة في رف وتاع الدار في رف والبيجامات في رف
الادراج كاين اربعة في الخزانة وكبار زوج ليا وواحد للزوج والاخر مشترك
واحد فيه الملابس الداخلية تاع الزوج والاخر ليا
الثالث فيه خماااراتي والرابع الجوارب بانواعها
باب الزوج الرف الاول. تريكوات الصوف والرف الثاني السراول الدجينز والقطيفة الخ والرف الاخير السرافت تاع الحمام
بقي زوج بيبان كباار تاع المرايا
واحد فيه الفراشات والكوفيرطات والدراوات برك
والثاني. لي كوستيم تاع زوجي ومعاطف معلقين وفيها رف فوقاني فيه لي سورفيت تاع زوجي
والحمد لله كل شئ منظم والله غير تزهي وعندي طريقة في تعطيرها راهي موضوع

ام عبودة · 2014-02-18, 17:09

الاولاد عندي الوسع ربي يبااارك والحمد لله
الخزانة رف العلوي لولدي الصغير ماهر واللي تحتو تاع عبودة وبقي رفين تاع راااوية
وجهة المعالق انا عملتها لفراشاتهم وفيها رف تاني اغطاوات ودراوات الكل تاع الاولاد
في السرير تاع كل واحد ادراج. انا استغليتهم مليح للجوارب والملابس الداخلية قبعات الشتاء والاشياء بزاف والمكتب تاني الادراج فيهم الكتب والادوات
المهم كل شئ منظم بصح مشكلتي في الخزانة ما تتسكرش بالمفتاح والله غير نرتاح من الترتيب اليومي مس الاسبوعي عييت نعيط وعين معهم بصح الله غالب رايحين ويكبرو مش لازم نقعد نتذمر. وخلاااص العمر يجري ومن بعد نقعد نادمة علليه
وثاني ما يعنيش اني راااايحة كي راني منظمة مع اولادي والله العظيم غير نخدم منا ترجع كيف زمان او اكثر منا برك يدخلولها والله العظيم البارح نحك في الحيوط غير من الكتابة تاعهم تقولش ما عندهمش الاوراق والله غير نشرو الاوراق ملونين بيظاء كبااار وصغار غير باش ينفحو فيهم بصح وااالووووو يديرو بلعاني
ايا قلت ندير كي القاورية نحب ولادي يخلبطو المهم يتعلموووووو

ام عبودة · 2014-02-18, 17:13

اقتباس:

المشاركة الأصلية كتبت بواسطة majoud14

يعطيك الصحة يا ام عبودة شاطرة الله يبارك

الله يسلمك خيتي ومرحبا بيك نورتيني

ام عبودة · 2014-02-18, 17:20

نهي تدللي وزيدي بصحتك التصباحة فكرتيني بكري من كانو اولادي صغار نصبح بصح من بعد الصلاة غير في الشتاء مع البرد نديرهم بحدايا ونجيبها الى التاسعة
المهم والله وانا نقرا غير تنشطت معاك تقولش راني معاك في دارك
ربي يكملك. ويعطيك في اولادك وتشوفيهم حاااااااجة تفرحك
المهم بلا ما ننسى الفاكسان غير ما تخافيش حنى انا راوية تاع ثلاث اشهر كانت مفقودة ولحقت ودرتهالك والحمد لله

ام عبودة · 2014-02-18, 17:33

اختي بدر علاش ماكيش دايرة الحليب لبنتك

خياااتي اسمحولي الباتري راهي تسينيالي نروح ندرس الاولاد وندير العشاء ونوليلكم بربي
دامت ايامكم كلها نشااااااااااااااااط وهمة

نهى اسطاوالي · 2014-02-18, 17:38

درك نكتب وصفة الخبيزات في المطبخ حقيقة راني نبروفيتو في ياماتي تاع الماتيرنيتي خطركش ديت 4 اشهر وندخل في 27 فيفري ان شاء الله وتبدا الميزيرية ههههه مع التحضير تاع سنة خامسة يطروشوني التلاميذ ويكملو علي ولادي ربي يعينا كامل المهم بارك الله فيك اختي ام عبودة على طريقة ترتيب الملابس ف الخزانة رايحة نسرق من عندك شوية على فكرة بالنسبة للكوفيرطات في بيتي الجديد عندي بلاكار كبير والحمد لله

نهى اسطاوالي · 2014-02-18, 17:39

روحي ام عبودة ربي يعاونك وربي ينجحلك اولادك كاشما تحتاجي اي شيء في الدراسة راني هنا في الخدمة

رحمة من المولى · 2014-02-18, 20:33

الله يبارك ربي ان شاء الله يهنيك كلش ما شاء الله

crono · 2014-02-18, 22:47

ما شاء الله عليك أم عبودة قمة النشاط ربي يعاونك ويعيننا اجمعين

ام عبودة · 2014-02-18, 23:39

مرحبا بيك رحمة وكرورنو نورتوني وشرفتوني بالمرور العطر
نهى تسلميلي. خيتي
ومزية تهنيتي كي عندك البلاكار كيف دار بابا والله هزة الدنيا صوالح
وعن الرجوع الى المدرسة بالصحة والعافية وما تقلقي روحك ما والو ان شاء الله مع الهمة والنشاط
وزيد النهار بدا يطوال يعني تقضي فيه بزاف صوالح
وتلاميذك راهم توحشوك اكيد يحشمو منك وما يهبلوكش
وراني نسمط عليك بالاسئلة نشوف برك وين قسم ونتلاقاو فيه ههههههههه

نهى اسطاوالي · 2014-02-18, 23:42

ماكان حتى مشكل كون جيتي قدامي كون بعثتيهملي للدار والله بالفرح والسرور يا طيبة يا اصيلة ربي يحفظك

ام عبودة · 2014-02-18, 23:50

اليوم بعد ما خليتكم درت جهازي في الشحن ورحت دورت في الثلاجة واش نقدر ندير
وعاملة حسابي باش نحفظ راوية ايا ودرت غير لوبيا وسلاطة وحمرت شوي كروفيت في الزيت بطريقة عضوة راح اسمها عليا
وغاضتني راوية عيطت عليها بزااااف. بويسك دايرتها بلعاني نفهم فيها في وجبات اليوم وهي تقعد تخلط عليا لاعبتها تفهم هههننهههه
وعلى فكرة اليوم تائجها فرحتني بزاااف يا رب تكمل على هذا المنوال
ايا عشيت الاولاد باش يرقدوا في وقتهم
سنيت الزوج كانو عندو لجنة من العاصمة لدراسة مشروع والحمد لله ربي يسرها وفرحو وهذا كله من فضل ربي له الحمد والشكر حتى يرضى
عطيتلو عشاه وطاااح كاااوووو من العياء
انا ما جانيش النوم درت تحويسة هنا وطليت على حباباتي ههههههه خيتكم تعرف الواجبة ههههههه
وراهي الباتري في الاخرررررررر ما نيش عارفة واش بيهم البوم ما حكمش فيه الشحن
والصباااح ربااااح لا تنسو ذكر الله فبذكره تطمئن القلوب
واحلاااما سعيدة
دمتم في رعايته وحفظه

نهى اسطاوالي · 2014-02-19, 00:01

انا ايضا ذاهبة للنوم فلقد نامت ابنتي المشاغبة اخيرا
احلاما سعيدة وحفظكم الله
تصبحون على خير والسلام عليكم