هل يوجد صدور كروشي لفصل الشتاء

mouna_ms · 2012-09-07, 18:37

الى مبدعات الكروشي حبيت نسأل هل صدور الكروشي تخيط فقط في القنادر تاع الصيف والا كاين موديلات تتخيط في قنادر القطيفة لفصل الشتاء

amira79 · 2012-09-07, 20:04

شخصيا ما عنديش ياريت لي عندها مودال تحطو

mouna_ms · 2012-09-08, 20:21

انا حبيت نجرب الموديل هذا في قندورة قطيفة زعنة يصلح ؟
ارجو من الخبيرات في الكروشي المساعدة في توضيح الغرزة
https://up.djelfa.info/uploads/13323334711.jpg

djazia87holi · 2012-10-01, 16:17

السلام عليكم اختي ربي يعطيك ما تتمناي جيتيني في الوقت المناسب عرس اختي قرب وانا من مدة ابحث عن مودال كروشي فيالقطيفة باش نخدمو ونلبسو للعرس والمودال هدا فاق الجمال والله روعة تحفة قد ما قلت عليه قليل والاروع الغرزة نتاعو ساهلة و يناسب القطيفة فقط لانو ما تقدريش ديريه في القماش الصيفي لانو colrolie يعني بالعنق والخيط المخدوم بيه خشين و نشرحلك الخدمة نتاعو ادا كنت تتقني الكروشي اولا ديري سلسلة قد دائرة الرقبة نتاعك وزيدي عليها شوية وما تقفليهاش خليهامفتوحة غير في الاسطر الثلاث الاولى من الخدمة لخاطر من بعد ديريلها قفلة او من الاحسن طرطاقات كيما نقواو حنا باه ما يبانوش على الصدرواخدمي البريد العادي فقط نفس العدد في السطر 1و2 و3ابداي زيدي البريد وفي نهاية السطر الرابع اغلقي ادائرة البريد وابداي اخدمي وزيدي الغرز في دائرة مغلقة وادا بغيتي الحساب بالتدقيق غرز الصدر واضحين احسبي الامامي ودوبليه فقط واخدمي حتان توصلي للسطر الاخير ومن بعد اخدمي البريد العادي لكن بلون مختلف كيما راه واضح وغلقي دائرة الغرز واقطعي الخيط ثم روحي تحت السطر الاخير يعني تحت البريد وعاودي اخدمي نفس البريد لكن بحجم اكبر وهدا يجي بعدد المرات لي تلفي فيها الخيط علئ الابرةمثلا ادا لفيتي في السطر الاول مرتان لفي في السطر 2 ثلاث مرات بزيادة عدد البريد العادي بالضعف حتى تتحصلي على التعرجات هاي ونفس ما قتلك في السطر الاخير لفي الخيط على الابرة 4 مرات حتى تتحصلي على غرزة اكبر وضاعفي البريد فقط واغلقي الدائرة وهنا يكون كمل ثم لصقي النوارة لي خدمتيها بالبريد العادي فقط ثم لفيها كيما راه موضح في الصدر وخيطيها على الصدر بالبرة والخيط فقط واتمنى اختي انيقدرت نوصلك الشرح لانو في غاية البسطة والجمال وراني اليوم نبدا في واحد كيفة نديرو في القطيفة وانشاء الله كين نكملو نحطو تشوفيه وادا كان عندك اي استفسار انا في الخدمة حنونة لاني نخدم الكروشي وياما خدمت كيما المودال هدا في الخدمة وسلام حنونة

المسلمة21 · 2012-10-01, 16:23

يا ريت ورشة ان امكن او للي فهم العمل و ربي يبارك فيكم

la belle fleur · 2012-10-01, 17:10

هاهي صور اكثر وضوحا

djazia87holi · 2012-10-01, 17:58

اخواتي بغيت نوضح شيء واضح في الصدر هدا الغرزة نتاعو عقد لكن من الافضل نديرو بريد صغيراحسن من العقد وبغيت نشكرك اختي على بقية الصور مشكورة ودا كان عندك مودالات يشبهولو لتمنى انك تزيدينا الله يزيد في ميزان حسناتك

المسلمة21 · 2012-10-01, 21:14

ياريت ورشة عمل لهاد التحفة ربي يخليكم

ابتهال 4 · 2012-10-02, 11:00

انا في راسي مودال قطيفة يكون الصدر كروازي
ويكون ورود دايرين بيه
ومودالات مليحة ثاني نستعملو فيها الورود كزينة

المسلمة21 · 2012-10-02, 11:08

اول مودال يهبل بارك الله فيك اختي ربي يجعلها في ميزان حسناتك انشاء الله
ياريت طريقة العمل

djazia87holi · 2012-10-02, 19:18

اختي ابتهال الصدرين لي حطتيهم مش مخدومين بالكروشي بغرزة ليزيقوي نقصد كروشيN2ا والاسود خدمتهولي العام لي فات وحدة تتقن فن التريكو وطلع تحفة مي الاول نتاع la belle fleureيجي في الكروشي العادي انا حبيت نديرو في القطيفة البيضاء مي لون الصدر معرفتش كيفاه ندير لونو ربي يحفضكم اقترحو عليا لون يصلح في القطيفة البضاء خممت في الاسود بصح الخدمة نتاعو تعود مش واضحة ردو عليا بسرعة باش نشري الكبب ونخدمو vite viteومشكورين اخواتي

المسلمة21 · 2012-10-02, 21:20

الابيض يجو معاه كامل الالوان مي انا نفضل الازرق تبالي يخرج معاه تحفة

mokhtari · 2012-10-03, 09:51

السلام عليكم الموديلات قديمة نريد من لديها موديلات جديدة و اكثر اناقة تحطها .

djazia87holi · 2012-10-03, 11:37

السلام عليكم مشكورة اختي المسامة الازرق باهي ويجي عليه تحفة

as203 · 2012-10-03, 11:41

معليش تمدولنا طرقة تاع هدا الصدر عجبني يهبل