خبز الدار ولا بريييييييييييييوش أدخلو تشوفوا

[OM DHOHA ANES]

اهلا حبايبي الحلوين اللي طلبو خبز الدار اسمحولي توخرت عليكم
بصح راح نشرحلكم بالتفصيييييييييل الممل باه ماتزعفوش مني

نبداو المقادير على بركة الله

رطل سميد رطب أو متوسط اللي ماعندهاش الميزان تكيل باطا نتاع ماغارين 500 غ

رطل فرينة
سينوج حسب الرغبه
2 مغارف كبار خميرة
مغرف كبيرة سكر
كيس خميرة القاطو
3 مغارف حليب بودره
2 كيسان نتاع التاي صغار ماهمش معمرين مليح زيت

خليط التلميع صفار بيضه +مغرف قههوه سائله +مغرف حليب غبره+رشة سكر + قليل من الماء

نخلطو كل هاذ المقادير مليح مبعد نزيدو 2 بيضات +علبه ياؤورت طبيعي ونخلطو ثم نبداو نبلو بماء دافىء ومازهر حوالي كاس
مع العجن ثم ضيفي الملح حوالي مغارف 2 صغاروكل وحده وذوقها واصلي العجن ملييييييييييييييييييح العجينه تجي جاريه أكثر من المسمن وفي الاخير ضفي مغرف كبييييييييييره زبده طريه او مارغارن واعجني

في الاخير لميها بلاستعانه بالزيت وحطيها في صحن غااااااااااااااااارق مدهون بالزيت غطيها بكيس وسرفيته وخليها تطلع ملييييييييح

كي تخمر هبطيها فقط دون العجن واقسميها على 2 وحطيهم في ستيوات مدهونين بالمارغارين غطيه وخليهم يرتاحو 5 دقايق باش

يسهل عليك التقراص ,

شعلي الفرن وخليه يسخن جيييييييييييييييييدا على اعلى درجه

قرصي الخبز ماو خشين ماو رقيق ادهنيه بخليط التلميع وذرذري الكثير من الجلجلان وخليه حتى يتضاعف حجمو اخرقيه برفق في الوسط فقط بكيردون والى الفرن راهو مايطولش ثم ثم يطيب من تحت شعلي من فوق وراح تتحصلي على اروع خبز على ضمانتي والصور تبينلك



هايا قوليلي مايحمرش الوجه قدام الضياف؟؟؟؟؟؟؟؟؟
شوفي عن قرب أمممممممممممممممم




وخاصة كي ترافقيه مع صحن شربه فريك حمره وحاره الله الله


هاذي الكميه ديرلك 2قرصات كيما هاذي قطرهاحوالي 30سم ماشاء الله




أحبتي نعطيكم بعض النصائح والله عن تجربه

اذا ماعندكش حليب غبره استبدليه بالحليب دافي للعجن
اذا ماعندكش ياؤورت طبيعي ديري اللبن أو الرايب والنتيجه رووووووووووووووعه
العجينه تكون جاريه باه الخبز يجي خفيييييييييف
للتوفير ههههههههههه نحي صفار واحد ادهني بيه
من الاحسن تدهني الصينية بالمارقارين الخبز يتنح بسهوله خير من الزيت



انشاء الله نكون وفقت في الشرح اعذروني أول موضوع ليا يااااااااارب يعجبكم وتدعيولي دعوة خير

وفي الختام سلاااااااااااااااااام الى الملتقى بحول الله

[fadila34]

كفتي ووفيتي برك الله فيكي وربى خللك صحتك ما شاء الله جاك روعة شكرا جزيل ورني ديت مورسو

[اسمهان79]

ما شاء الله خرجلك روعة
باين خفيف وهكذا نحبو انا
تسلم إيدك
ومشكورة حبيبتي

[idron0]

بارك الله فيك

رووووووووووووووووعة روووووووووووووووعة حبيبتي ام ضحى الخبز هبااااااااااااااال سلمت يمناك وبوركتي على الوصفة

[imanaz]

الله يبارك هكذا موالفة نديرو بصح بدون الياغورت الطبيعي راني تعلمت حاجة جديدة شكرا و بارك الله فيك و ربي يسترك

[مرام 1987]

الله يبارك فوووووووووووووووووووووور خلاااااااااااص
بارك الله فيك

[lamis.imen]

يعطيك الصحة هاييييييل

[wahibaazel]

ماشاء الله، يحمر الوجه ونص، و25،ربي يحفظك ويسدد خطاك للطريق المستقيم آمين.

[oum radja]

روعة ام ضحى خرجلك هايل

[rahma2014]

روعة احتي ربي يعطيك ما تتمناي

[دعاء المحبوبة]

ما شاء الله، جاك روعة
ربي يحفظ

[tong2]

ماشاء الله عليــك تحفــــة

الله يــعــطيـــــك الصــحة حبيــبة

[chez biba]

يعطيك الصحة ام ضحى هايل، سخفتيني فيه ،

[tokio hotel]

مشاء الله اختى روعة