المطابخ المفتوحة

ام ايمان1 · 2014-01-23, 14:45

السلام عليكم ورحمة الله راني حابة تعطيوني رايكم في المطابخ المفتوحة انا راني نبني وحابة نديرها وكاين اللي قالولي الريحة تروح للبيوت يعني المطابخ المفتوحة ديكور برك بصح سلبياتها بزاف وراني شفت مطبخ الاخت سطايفية وراهو مفتوح ارجو تفيدني وانتم تاني اخواتي اللي عندها مطبخ مفتوح تفيدني واللي عندها ديكورات ملاح توريهملي وربي يحفظكم

maria mirou · 2014-01-26, 14:25

أنا جيراني مدايرين المطبخ المفتوح في الباطيمات و عمرهم لا شكاو من هذا المشكل أنا عن نفسي رايحة نعاود المطبخ تاعي في الصيف ان شاء الله ونديرو مفتوح

مواطنة · 2014-01-26, 14:40

اختي المطابخ المفتوحة جميلة و عن تجربة لما تكون مفتوحة ماشي مستورة اذا جاك واحد للدار يشوفك كي تشتغلي و دوري في الكوزينةو اذا هذاك وين طيبتي يعني الفريز يولي في كل وقت
تاني شي المطبخ تسيقيه كل يوم و احيانا اكثر من مرة في اليوم وكي ديريه مفتوح تولي مظطرة انك تسيقي الغرفة لي معاه يعني تزدي شغل لعمرك
اما على الريحة في الشتاء و الخريف والربيع تفتحي الطاقة تروح الريحة اما في الصيف تغلق با ش تفتحي لاكليم و لازمك في نفس الوقت تفتحي الطاقة على جال الريحة وخاصة العجين و ريحة الغا
و تاني المطبخ المغلوق اامن للاطفال الصغار يعني تتحكمي فيه اكثر ولوكان مفتوح تغلقي كلشي و تولي عساسة
انا نقولك هذا الكلام عن تجربة ديري المطبخ ديالك مغلوق و و اذا عندك مكان ديري فيه غرفة الاكل للعائلة الصغيرة

ام ايمان1 · 2014-01-26, 15:28

مشكورين اخواتي

ام ايمان1 · 2014-01-29, 14:53

اين انتي اختي ام هزاز افيديني

Amouna.DZ · 2014-01-29, 22:24

الله أعلم أنا مطبخي مغلوق

maiar · 2014-01-30, 08:02

والله يا اختي كنت رايحة نحط نفس الموضوع بانتظار الاخوات يفيدونا

فانيسا · 2014-01-30, 10:29

انا نحب المطبخ المغلوق احسن ايكون مستور المفتوح مجرد ديكور والله اعلم

نجوى لحلوة · 2014-01-30, 10:38

المطبخ المفتوح خير حطة وستيل واما عن الريحة ديري لااووط

جويرية الإيمان · 2014-01-30, 11:06

المطبخ المفتوح يوسع الغرفة يعني

إذا كانت الكوزن نتاعك صغيرة و تحبيها تبان كبيرة ديري مطبخ مفتوح

و إذا كانت كوزنتك كبيرة خليها كيما راها .

أما على الريحة تخرج تخرج مفتوح و لا مغلوق خصوصا في الشتاء و النافذة مغلوقة .

إذا حبيتي ديريه مفتوح ديي ريدو كبير على البار .

linouwasoleil · 2014-03-07, 10:06

حبيت نقولك انا نحب الكوزينة المفتوحة واستايلها في الخارج اصلها امريكان هةما مش كيما حنا ما يطيبوش بزاف ستايل فقط ولكن احنا سردين وزليف ودوارة ههه ولا حبيتي نزيد القائمة طويلة ماشي مئكل حتى انا زوجي قال نعملوا لاوت تجبد الوايح لكن اولا ماشي مستورة ماتكونيش الاز في المطبخ وهوالمكان الوحيد اللي المرا تحب تكون مع راسها زيدي لازم دايما مسروج لانو مفتوح وتسيقيه مع الغرفة اللي معاه هذا ماشي مشكل
والان انتي اختاري