من فضلكم أريد معلومات حول السياحة في سطيف وبرج بوعريريج

ahmed 31 · 2013-06-09, 19:19

السلام عليكم؛
غدا إن شاء الله أنا عازم للذهاب إلى سطيف وبرج بوعريريج وماجاورهما أنا وصديق لي لمدة يومين أو ثلاثة،
معى العلم أني من وهران،
هل ممكن أن يقدم لنا أحد الإخوة ماهي الأماكن الممكن زيارتها و أين تقع، وأي الفنادق ممكن المبيت فيها؟ علما أنها أول مرة أزور الشرق.
في إنتظار معلوماتكم القيمة، تقبلوا مني شكري الكبير لكم.

manel 123 · 2013-06-09, 20:30

انا من البرج وقريت في سطيف ننصحك ادخل للبرج وشوف البلاد ومباعد روح لسطيف معطا ربي غير لي اوتال شوف كاين الربيع وكاين سيتيفيس جايين قراب لكلش عندك فيهاعين الفوارة وعين الدروج باب بسكرة البارك ماهوش في المستوى المطلوب بصح انا كي نروح ليه ننسى الدنيا فيه اومبيونص تمشي تمشي وماتعياش ههههههه
المهم كي تروح وتجي رجعلنا لخبر

ahmed 31 · 2013-06-09, 23:06

يعطيك الصحة أختي منال،
وفي البرج كاش ماكاين بلايص شابين ؟
وين تنصحيني نروح في سطيف تاني ؟
مشكورة بززززززززززاف

manel 123 · 2013-06-10, 19:19

البرج مليحة مع العشية كاين الكوشة بساج اخروف لي 500 فاتك سرق عمار حطة
وسطيف روح للعلمة جميلة جبل مقرس روح تاني لي1014 روح لريفالي
رحلة ممتعة ومادامك جيت جيت زور قسنطينة

tina19 · 2013-06-10, 22:55

اهليييييين بيك في مدينة العلمة

POWERMAX · 2013-07-24, 13:49

في مدينة البرج ممكن تزور اماكن رائعة سواء داخل المدينة ام خارها يمكنك زيارة برج زمورة و الدرسة القرانية بالقليعة هناك بعض الفنادق كالترقي و البيبان

mizabe · 2013-07-24, 18:25

البرج مشهورة بالمناظر
اما سطيف فهي مشهورة بعين الفوارة وسوق العلمة

michador · 2013-07-28, 13:25

كاينين شلالات الواد البارد وكاين البارك
حبيت تروح للسوق كاين 1014 وكاين روفالي
كاين واد بوسلام للراحة وممارسة الرياضة وكاين غابة الزنادية
كاين جبل مغرس؛بابور
ومرحبا بيك عندنا في سطيف

0Girl0 · 2013-08-01, 16:36

ربما الرد متاخر لكن ساعطيك معلومات عن ولايتي

انا من برج بوعريريج

يمكنك زيارة برج زمورة اين تجد جمال الطبيعة

يمكنك زيارة برج الغدير ايضا

يمكنك زيارة المدرسة القرانية بالقليعة

هناك ايضا حديقة التسلية تم فتحها في 5 جويلية 2013 فقط

لدينا ممر اخروف للاغراض التقليدية

اما من اجل التسوق فالبرج مليئة بالمناطق للتسوق

اما عن الفنادق فهناك فندق الترقي فندق السلم فندق بن حمادي ز فندق البيبان

زيارة ممتعة

جمانة73 · 2013-08-03, 15:05

في البرج
الأماكن : الباطوار + القرية الشمالية + حرازة (عين النوق) + معازة + أولاد دحمان .
الشخصيات : عنور + ماليك + الميق + بن حمادي .....
المراكز السياحية : لا ماركيز + 34 + سوق الرحبة ...

مجرد رأي ....

algeroi16000 · 2013-08-03, 15:39

بارك الله فيكم

omiyad49 · 2013-08-16, 22:20

سطيف روعة زورها صباح وعشية وخصيص في الليل راهي حركة روعة فيها روح لطنجة مارشي كوفار 1014سقسي ينعتولك قولهم راني غريب يحوطوك في العين والراس اقلبلي الخبر زيد شوف عين ارنات والمطار

زموري 34 وأفتخر · 2013-08-17, 15:23

مرحبا بك في بلدية برج زمورة، أين تجد المناظر الخلابة والمنابع المائية الطبيعية والآثار القديمة يعني باختصار راح تستمتع بوقتك ان شاء الله
كما يمكنك زيارة مدينة البرج أين تجد مراكز التسوق ومراكز الاستجمام كالمسبح المجاور لفندق الترقي وحديقة التسلية الجديدة
أهلا بيك

nacer8 · 2013-08-21, 13:57

لا مجال للمقارنة بين سطيف والبرج فرق كبير يا حبيبي
سطيف فيها كلش وين تروح تستراح

lina200 · 2014-01-05, 08:11

اللهم صلي على المصطفى