هل يمكن للزوجة العاملة ...

[موسى عبد الله]

اخي الوهراني بارك الله فيك ،و انا أقول لك ،تسعده في حالة و احدة و هو ان يغض الطرف عنها و هي تعطيه المال او تسكته بدنانير معدودة و خلاف ذلك لن تقوم بحقوقه ،و على العموم من رضي بعلمها فيسكت و لا يتكلم بكلمة و احدة

[لحن الحياة.]

...لأنها مسألة شطارة فقط ............وأحيانا أفضل من وحدة ماكثة و ما تعرف والو( لأان مش كل العاملات مكسرين يديهم و عقولهم خاملة و مش كل الماكتات سندريلات ومش كلهم جايحات ثاني ..... وأعتذر على الألفاظ الغريبة الأطوار )


يعني كاين نوعين من كل نوع تاع مراوات

1-a-عاملة جايحة و مش قايمة دارها و مولا بيتها ..................فهذه مكسرين يديها(ودايرة سبة بالخدمة )
---b-عاملة شاطرة و ذكية و كل صبع بزوج صنعات...............وهذه قراية و مولات دار في وقت واحد

2-a-lماكثة تع مسلسلات ..............ودارها سايبة والذراري تتفكرهم كي يظربهم واحد تشبعو تبهديل (و اذا دارت بليزيغ تدير المطلوع مع اكلة عاااادية خليطة تتكل)
---b-ماكثة .................زين و يدين

وتبقى أنت و زهرك وش يمدلك ربي ....و الله أعلم

[hodahodahoda]

و اين المشكل
هدا الامر يرجع لكل واحدة و كيفية تحملها المسؤولية
ثم ان الزوج اختارها عاملة و هو يعلم انها قد تقصر نوعا ما في امر من الامور

[إشراقة الغد]

كاين و كاين ماشي كل النساء مايقدروش يوفقوا بين العمل و الحياة الزوجية كل واحدة على حساب زوجها و ظروفها و عملها

[كلنا راحلون]

المشاركة الأصلية كتبت بواسطة thawizat10

الأخ وهراني من منتدى المجتمع و المشاكل إلى الجلفة للمواضيع العامة و الموضوع نفسه نفسه المرأة المرأة عملها لباسها تصرفاتها
ألا ترى أنك بالغت قليلا

كاينة منها اختي


زاهر اخونا 31 زلمي محترم نحتارمو مواضيعو و استمتاع بردود


يبقى سؤالي موجه


تحبها ماكثة واش فايدة مواضيع ونشر وابداع زاهر يمرر رسالة بدو وسام احسن عضو في قسم مجتمع


la la la l lalala morad en jalfon la la la l la lal la l morado in jalfon ya lilili lili li li la la l lala morad in jalfon

[محمد جديدي التبسي]

اذا اخترتها عاملة لابد أن تضع قلبك في الثلاجة .

[ام نهوله]

الزواج قبول او رفض فالذي يريد العامله فاليتزوج عامله و من يريد ماكثه في البيت فاليتقدم للماكثه في البيت
و في بلادنا كاين كل الانواع فااختر من تناسبك

[tebessa]

عن تجربة نقلك المرأة الجزائرية عموما فحلة تقدر تخدم برا وتعتني بالدار ولكن صدقني هي الضحية مش غيرها ، تلقاها مجاهدة بين الدار والخدمة على حساب صحتها وأعصابها وراحة بالها ، في النهاية قد تنجح في التوفيق ولكن تفشل في إسعاد نفسها أولا .......عن نفسي حاليا قدرت نخدم ونعتني بالبيت لأني وحدي ماعنديش على من نتكل ,,ولكن قررت نخدم مادامني عزباء وين ندير الدار نتفرغ ليها وللزوج والأولاد ,,,هكذا افضل

[oumhana]

المشاركة الأصلية كتبت بواسطة tebessa

عن تجربة نقلك المرأة الجزائرية عموما فحلة تقدر تخدم برا وتعتني بالدار ولكن صدقني هي الضحية مش غيرها ، تلقاها مجاهدة بين الدار والخدمة على حساب صحتها وأعصابها وراحة بالها ، في النهاية قد تنجح في التوفيق ولكن تفشل في إسعاد نفسها أولا .......عن نفسي حاليا قدرت نخدم ونعتني بالبيت لأني وحدي ماعنديش على من نتكل ,,ولكن قررت نخدم مادامني عزباء وين ندير الدار نتفرغ ليها وللزوج والأولاد ,,,هكذا افضل

عندك الحق اختي المرأة الجزائريه فحله و نص وقادرة على شقاها وشنوكما قلتي على حساب صحتها انا من خلال هذا المنبر أحييي جميع الفحلا ت العاملات ونقول للرجال الي يقولو في النسا لي يخدمو صباعتين يدك مشي كيف كيف واللي يرضى باه مرتو تخدم حشاه إذا تقولو عليه ديوث كل واحد وظروفو والي قاعدين في الدار واش تقول زعما كل قايمين و حافظين ؟ إملا منجمعوش وكل واحد عارف واش خذا إذا وحده خدامه خانت ولا تصرفت بطيش هذا مشي معناه انو كل لي يخدمو ميسواوش صدقوني المرأه العامله غير تدفع من صحتها ومن جهدها باه تكون فالقمه d'ailleurs كل العاملات شاطرات برا و لداخل برا تلقاها كالراجل تجري وتريgلي وفالدار كيف كيف ودنيتها تشعل ولي قاعدة في الدار حشا لمتستاهلش راهي دير سبة باه تخرج هاي راحت جابت الخبز هاي ولات جيب وليدها ملمسيد هاي تفكرت بلي مشراتش لحليب هاي خرجت هاي صابت جارتها فالدروج هاي خلات معاها ساعه وهي تحكي في أمور شخصيه حتي ساعات تحكي حتي أسرارها الزوجيه لي ملزمش هاي جات الساعة 12 تعطي لوليدها يروح يشري كاشير و فرماج (كروح وحدو للحانونت معليش ميصرالووالو) و لعشيه كيف كيف تمرمد هذاك الشغل كما كان الحال دير لسياست ولا تشوف فيلم تركي تصلي العاصر و من بعد تعيط لراجلها يجيب معاه باه يشربو القهوة من بعد ياسيدي هات برك راجلها يقول نخرج نشوف واحد هي متصدق جات لوكازيون باه تقولو إمالا كراك خارج جيب معاك يلوكان جويجة للعشا أنا راني عيانه - هذا واش راه يصرا ربي يجيب الخير وربي يفارقنا بلا ذنوب

[ام سارة ورقية]

هذا راجع الى المراة نفسها اعرف عاملات ناجحات في حياتهن العملية والزوجية لكنها تضحي بوقتها وصحتها من اجل اسعاد اسرتها من جهة والقيام بعملها على اكمل وجه
الامر راجع الى التفاهم بين الزوجين سواء كانت عاملة او لا

[موسى عبد الله]

[medounis]

مستحيل ان توفق المراة بين العمل و البيت

[ام سيرين 84]

لكن المراة العاملة هي مجبرة على الخروج للعمل خاصة اذا عادوا عندها ولاد واش يكفي الجيل تاع ذرك


د

[achwak.1993]

يمكن لها ان توفق بين عملها و بيتها إذا كانت ذكية

[بنت فاميليا]

نفس الأسئلة ونفس المواضيع وتكرار ممل ....أتمنى أن تبقى لمناقشة الأعضاء والرد عليهم لا وضع الموضوع والهروب ككل مرة
وبدل طرح المشاكل والأسئلة العقيمة هات لنا حلولا