الأن الساعة السابعة ونصف ... نموذج الزوجة العاملة

[أم شروفة]

المشاركة الأصلية كتبت بواسطة amel03l

صح .عندك الحق هادي من السلبيات و صح انت و لراجل بصفة عامة خاصة اذا ماكانش طماع تخرج عليه امراة بسيطة ماشي عاملة و ماشي جامعية..و مع مرور السنوات كي يبدا يمل مع la routine يحب يحقرها .يحقرها. يحب يستعبدا يستعبدها..و كي يخمم يخدعها و الا يتزوج عليها .مسكينة تحملها و تذل روحها و تبقا مع اولادها و تسكت و تتفكر الوقت لي وقفت معاك وتمرض القلب السكر و الضغط و مام تحب تطلق ماتقدرش ماكاش شكون يصرف عليها الاب مات و الاخوة تزوجو و تضطر تقبلك الزواج بالثانية ..هدا اذا قررت تخليها مرتك و تولي تمدلها زوج دورو في الشهر و بالتفشاش...و اذا قررت طلقها.راح تروح عند خوها و مرت خوها تمرمدها...و مام سي ما خدعتها ما تزوجت علها راح تحسها دائما اقل من النساء لي راك تشوفهم برا......
و صح كي تتزوج جامعية و خدامة .ماراحش تحقرها و راح تقيمها...و مم مع مرور لسنوات اذا بديت تخدعها تفيقلك قبل ما تنوي تعاود الزواج و راح ترجعك ليها..و مم ما فاقتش و انت نويت تعاود الزواج .راح تقلك طلقني. اما ما تقبلش و تنسى الزواج بثانية و تبقى مهني مع مرتك و اولادك..و اذا طلقتها و جريت مع الثانية هي راح تقوم باولادها ...و تعاون خوها في المصاريف و تمد هدايا لمرة خوها و تعيش بلا ذل بلا مرض ماشي كل شهر تحللك تمد المصروف لذراري..و عندك الحق المستفيد من عمل المراة هي و الاولاد...الراجل بطبعه ماذابيه يستعبدها......صح دك تقلي سيناريو من وحي الخيال...راح نب مري و نقيمها....مي ارواح احكيلي بعد10 سنين

كلامك صح اختي

[سمرة ام عبد الرحمن]

انا نحير ما تحبوش المراة العاملة لكن عندما تمرض الزوجةتبحثون لها عن طبيبة
اليست الطبيبة والممرضة بمراة عاملة وتصبح تجري باولادها ؟؟؟؟؟؟؟؟ظ

[شاملة لينة]

المشاركة الأصلية كتبت بواسطة سمرة ام عبد الرحمن

انا نحير ما تحبوش المراة العاملة لكن عندما تمرض الزوجةتبحثون لها عن طبيبة
اليست الطبيبة والممرضة بمراة عاملة وتصبح تجري باولادها ؟؟؟؟؟؟؟؟ظ

صح لسانك...
و أضيف على كلامك ...أليست بنت رجل وأخت رجل وزوجة رجل وأم رجل؟؟؟؟؟؟؟؟؟؟؟؟

[محمد جديدي التبسي]

وهل كل العاملات طبيبات وممرضات؟
الأغلبية راهي في الادارات مكياج وروائح وملابس يستحي الرجل من النوم فيها
حقيقة كرهنا من هذه الشماعة التي تعلقون عليها ضرورة عمل المرأة الصحة والتعليم
رغم أن أغلب الأطباء والأساتذة الناجحين رجال والمرأة العاملة جعلوها أداة لتسلية الرجل وهي مخدوعة تظن أنها ستصبح ذات شأن بخروجها من البيت الذي هو أفضل مكان لها في نظر الشرع
تعلموا دينكم واستروا رواحكم واخدموا حتى في المريخ
ربي يهديكم

[شاملة لينة]

أنا أعلم طبيبة عامة لكن تداوي الأطفال والنساء فقط...
بالله عليكم أين تداوي أمك أو أختك أو زوجتك أو ابنتك؟؟؟
وهناك تخصصات لا يمكن أن تشغلها إلا امرأة مثل :طب أمراض النساء والتوليد...
وهذا إن صرفنا النظر عن التخصصات الأخرى...فانا لا اظنكم تقبلون ان يداوي رجلا زوجاتكم!!!!!!
وان كنتم ترضون فهذا أمر اخر...
أنا ذكرت مجال الصحة لانه اهم المجالات التي قد تعمل بها المراة ولا يمكن أن يعوضها الرجل فيها...ولا تقولوا لي كيفاش عاشو ناس زمان لانو كامل نعرفو بلي كانت نعدهم عجايز يقومو بهذه المهام وكانو يجو اهالي المرضى ويدوهم حتى في نصاص الليالي...
تقبلوا مروري...

[هالة الجزائر]

السلام عليكم...مشكور اخي على الموضوع المميز..ربما تلك المراة العاملة الحاملة لطفتلها تكون معذورة او لديها ظروف مقهورة جعلتها تشقى..او هي من اختارت الذل والهوان لنفسها ولاسرتها بدءا من طفلتها البريئة....ربي يصلح احوالها ويهديها...نحكي شوي من حياتي: كنت نعرف نقرا ومجتهدة وبالمقابل كنت متدينة ولله الحمد والمنة..كي لحق الباك مابغيتش نقرا باش ماننجحش وهكا مانروحش للجامعة بصح كي نتفكر بابا وماما نتراجع على القرار.المهم نجحت وفرحت ثواني برك وبعدها بكاء لاني مابغيتش نروح للجامعة لانها بعيدة راح نبات في الاقامة ونسافر بلا محرم والاختلاط..رحت للجامعة محتم علي بصح كان قلبي يتقطع لاني اعلم اني بعيدة كل البعد عن رضا ربي...قررت اني نقرا باش نجيب العام برك ودخلت للراترباجربلعاني باش ماندخلش ماستر..وهكا كملت قرايتي وحصلت على ليسانس. كنت فرحانة بزااف فاتو يامات عيطتلي صاحبتي قاتلي مدو الماستر للعشرة الاوائل وتتي جيتي الخامسة السمانة الجاية تبدا التسجيلات..دخلت في هم اخر وقررت مانكملش وتحديت المجتمع وقعدت في الدار تعلمت الطبخ ووفقت الى حد كبير مبعد سبحان الله ديما تجيني خدمة وكنت ارفضها في كل مرة واختؤت البيت والان في هذه الايام ساختم حفظ القران ان شاء الله. الحمد لله نحب البيت لاني اعرف انه اقرب ماتكون المرأة من ربها وهي في بيتها...حكيت جانب من حياتي باش تعرفو انو ليس كل النساء يحبن العمل والخروج من البيت....وكي قريت الردود تبين لي انه مزال الخير في امتنا

نضيف حاجة من باب الطرافة. قلت لوحدة مانحبش نخدم قاتلي اخدمي باش كي تتزوجي وطيح براجلك تلقاي خدمتك قتلها راح نتزوج واحد فقير باش كي طيح بيه الدنيا يرجع غني ههه
اسفة على ثرثؤتي

[*سندوسة*]

السلام عليكم

انا عندي اختي عاملة والله تغيضني حالتها

عندها ولد صغير تجيبو لعندنا كل صباح مرة راقد ومرة نابض وكل مرة وكيفاش ويغيضني بزاف انها تخرجه في هاد البرد والشتا

وفكرتني بقصة صغيرة هاد الايام قمنا بزيارة لوحد العايلة جاو مالعمرة بقيت نحكي انا والبنت قاتلي واش تخدمي ولا تقراي قلتلها قاعدة فدار نخلعت وخلعتني معاها وبدات فسيناريو نتاع لقراية والخدمة سلاح لمرا ...........

قلتلها الحمد لله مقتانعة براي ومانغيروش سبحان الله يبغو يفرضو رايهم علينا انا قلتلها راني مرتاحة فدار وهكدا نحس روحي غاية قلتلها الحمد لله ماكان ماخاصني في دار بابا الحمد لله لي نطلبها تجيني قالتا ايا وكي تتزوجي قلتلها انا نحب الراجل لي هو يقولي ريحي فدار انا لي مسؤول عليك مايهمش يلبيلي طلباتي المهم يحسسني بقيمتي فدار قاتلي لوكان ماتلقايش هاد الزر مرجال قلتلها ربي برحمتو ياك الله هو الرزاق والزواج تاني رزق

جابتلي الشر يجري

[محمد جديدي التبسي]

ما شاء الله ردود في القمة
بارك الله فيكم ربي يثبتكم
لا أدري لم لا ترد العاملات المستميتات في الدفاع عن العمل في الاختلاط على هكذا ردود من بنات جنسهن ويقنعونا بالعكس ترى؟!!

[amel03l]

المشاركة الأصلية كتبت بواسطة محمد جديدي التبسي

ما شاء الله ردود في القمة
بارك الله فيكم ربي يثبتكم
لا أدري لم لا ترد العاملات المستميتات في الدفاع عن العمل في الاختلاط على هكذا ردود من بنات جنسهن ويقنعونا بالعكس ترى؟!!

الله يسهل على كل مواطن....هذا ردي النيابة على العاملات...انا لم اقرا يوما مشاركة عاملة تقذف الماكثات لا سمح الله ....و لكن كثر قذف الرجال للعاملات....يااخي كل واحد يدير واش يخرج عليه ..اذا الفتاة لم تكن جامعية او عندها تخصص شوية برك لا يسمح لها بالاختيارات و اختار العمل لي هي تحبو و يخرج عليها من الاحسن تبقى في البيت ...مش اي عمل يتخدم...و الاخت التي اكملت الجامعة واختارت البيت..بارك الله فيها ...و ربي يسهللها و يعطيها ما تتمنى ........و انتم الرجال لي كل مرة تقذفوننا ..دعونا و شاننا ..اهتمو لحالكم و حال اسركم..اختارو ماكثات من منعكم....و عددو حتى 4 اذا احببتم ...و لاتدرسون بناتكم و لا تسمحون لهم بالعمل و اقبلوا لازواجهم بالزواج عليهن...هذا شانكم ..هذا ردنا نحن العاملات و لانسمحن لكم بالتشكيك في رجولة و اخلاق ابائنا و اخواننا و ازواجنا ..فقط دعوا امور الخلق للخالق ...اخي التبسي هذا الجواب

[محمد جديدي التبسي]

تهمة القذف هاذي كبيرة راجعي نفسك
كلامنا لا يعدو كونه تشخيص لعمل المرأة في مجتمعنا
ولسنا هنا لنحكم على عضوة عاملة ونقذفها في شخصها كل واحد واختياراتو وظروفو هناك المضطرات وهناك المقهورات
لكن الأغلبية راهي تخدم دون حاجة حقيقية للعمل ولا تراعي أمور الشرع في عملها ونحن هنا لننصح ونوجه ولا دخل لكم بخصوصياتنا كل واحد أدرى بنفسه فلا تحجروا علينا النصح وابداء الرأي ومروا على كلامنا مرور الكرام اذا لم يوافق ذوقكم!! أفضل لكم من تقويلنا ما لم نقل وتوصلونا للقذف وكأننا نعرفكم في الواقع !! هو عالم افتراضي في الأول والأخير
أما انك لم تشاهدي عاملة تقلل من شأن المكوث في البيت واحترام الماكثات فموجود وان كان بشكل محدود
ولو نتتبع كل كلمة تقولها عضوة عاملة فلن ينتهي الجدل..

[amel03l]

المشاركة الأصلية كتبت بواسطة محمد جديدي التبسي

تهمة القذف هاذي كبيرة راجعي نفسك
لن ارضى ان اتزوج

واحدة عاملة ما دمت حيا

هل ارضى ان تذهب زوجتي باكرا للعمل وسط تغامز الذئاب البشرية

وبين الضحكات بين العمال والعاملات

وبين الغمز واللمز

واللمسات..................................الخ
مانراه اليوم عمل المراة أصبح وسيلة لتحواس ودوران و إيجاد ثغرة لإحتكاك برجل
هذا هو شيء الواضح
العمل من اجل ماكياج وتبياش لاغير
المطبلات كثيرات حرية المراة
هل يعقل أن تدرس المراة من أجل المكوث في البيت
كلامنا لا يعدو كونه تشخيص لعمل المرأة في مجتمعنا هذا ليس قذف .
ولسنا هنا لنحكم على عضوة عاملة ونقذفها في شخصها كل واحد واختياراتو وظروفو هناك المضطرات وهناك المقهورات هذا ما قلته دع الخلق للخالق
لكن الأغلبية راهي تخدم دون حاجة حقيقية للعمل ولا تراعي أمور الشرع في عملها لا دخل لكم بخصوصياتنا كل واحد أدرى بنفسه ونحن هنا لننصح ونوجه ولا دخل لكم بخصوصياتنا كل واحد أدرى بنفسه فلا تحجروا علينا النصح من قال لك نصحتكم....و الله لا يهمني نصحكم اصلا...ضننت فقط انك سوف تطبق على نفسك ماتقول و من حدة جوابك فهمت انه ازعجك حتى التفكير انك سوف تطبقه ما تقوله و اكنه شانك يا اخي..دير واش تحب
وابداء الرأي ومروا على كلامنا مرور الكرام اذا لم يوافق ذوقكم!! أفضل لكم من تقويلنا ما لم نقل وتوصلونا للقذف وكأننا نعرفكم في الواقع !! هو عالم افتراضي في الأول والأخير
أما انك لم تشاهدي عاملة تقلل من شأن المكوث في البيت واحترام الماكثات فموجود وان كان بشكل محدود
ولو نتتبع كل كلمة تقولها عضوة عاملة فلن ينتهي الجدل..

و انا اقرا جوابك جا في بالي هدا لا تنه عن خلق وتأتى مثله ...عار عليك إذا فعلت عظيم
عارعليك ان تنهى عن خلق و تاتي
في الاخير اسفة جدا لا اقصدك شخصيا ..اعارض بعض افكاركم و يوجعني قلبي كي كل واحد يسئ للاخر للمراة بشكل خاص فهي حتى لو لم تكن اختكم لها اخ و اب

[محمد جديدي التبسي]

لا أريد أن أدخل في جدال معك أنا تحدثت عن ردودي وحتى ردود غيري ممن يرفض العمل لا أظن أن أصحابها يقصدون التعميم فكلنا يعلم وجود عاملات محترمات دفعتهم الحاجة للعمل وكما قلت سابقا كل واحد واختياراتو وظروفو هناك المضطرات وهناك المظلومات
أنت ما يهمكش النصيحة هاذيك حاجتك هناك كثر يبحثون عن التوجيه والنصيحة ويعملون وهم كارهون للعمل (لما يلحقهم من هم وتعب ومضايقات) لأنهم مضطرات فقط
أما تفكيري وحدة جوابي وما أطبقه في الواقع فشأن خاص يا أختي اذا وجعك قلبك من كلام ما الأحسن ما ترديش وأنت في حالة نرفزة لكي لا تقولي أشياء تندمين عليها لاحقا وتبعي مقولة السكوت عن الأحمق جوابه مادام كلامنا غير واقعي ومسيء لشخص المرأة في نظرك
ونصيحة لي ولك حاولي تقراي الكلام أكثر من مرة قبل الرد عليه وافهموا القصد أولا
لأن أغلب الجدل الواقع هو من سوء الفهم والله المستعان وربي يهدينا أجمعين

[amel03l]

هدانا الله واياكم و اصلح امة محمد فكلنا مسلمين..........

[belavita]

salam jawabi lil akh king josef

kol ma 9oltaho sahih wa lakin hounaka achia2 okjra
hia 9adiat moufahama bark binak w binha w bin yamak w ahl ddar bi sifa 3amma khassat ida raah taskon m3ahom .
ana rani m3a yamak parceque lwa9t s3ib w kolchi ghali w ida kanat modarissa fahada ya3ni ana laha aw9at faragh w fima ykhoss el atfal fa ljadda mawjouda w hada rayah yas3adha katira ida 9ablat tab3an .
w choghl ddar bel moufahama kima ygoulo 9ssam labhar ywali swa9i
almouhim lmoufahama wa tafahom mina alawal
w rabi yjib lkhér w yarz9ak zawja saliha inchaa allah