طلب خاص للاخ ابو همام

[imane2417]

السلام عليكم اخي ابو همام و الف شكر على المجهودات الرائعة في مساعدة اخواتك المسلمين
الحمد لله قبل كل شئ اخي انا عندي رجاء منك تتابع حالتي و هذي قصتي انا عمري 24سنة تأخر امر زواجي لحد الساعة مع ان مكنتش حاطة الموضوع في بالي حتى بعد خطوبة وزواج بنات العائلة و الاصدقاء الي هم اصغر مني سنا وبدات تساؤلات نساء العائلة ونظرات الشفقة الي كنت دائما نسمع انها توجه للعانس حسيت بيها مع اني الحمد لله جميلة متخلقة و بنت عائلة كبيرة...........
حنا دائما نسمعو بلي ناس جايين باش يخطبوني لكن يروحو بلا رجعة و حتى من العائلة يقولولي بلي حابين نخطبوك وينساو الموضوع
وناس تجي تتكلم مع بابا و ميرجعوش ابدا هذاك وين شكيت في روحي و رحت لراقي مع انو سألني اسئلة عادية مش تشخصية و رقاني رقية عادية و مقليش واش بيا....
انا بروحي بديت نشوف في النت و لقيت الاعراض الي عندي تنطبق مع اعراض المس العاشق و سحر تعطيل الزواج
و بديت نطبق في رقية يس الي لقيتها في النت الي هيا ماء بكمية كبيرة و فيه ماء ورد وماء زمزم و قريت فيه سورة يس ثلاث مرات و النفخ فيه وقبل لا نشرب نقول دعاء اللهم بحق مبينات يس و بحق يس عظيمة الشأن و بحق نور وجه الله العظيم اللهم يا كاشف الكاشفة اكشف عنا السحر و الحسد والاذى و سماع رقية المس العاشق قرأة سورة البقرة يوميا منذ 10ايام وهذي الرقية 21 يوم حسيت بالام في المفاصل و تعب شديد والام و نبض في الرحم الكوابيس الي كنت نشوفها دائما عبارة ناس ملبوسة و افاعي سوداء تاكلني وهي تاكلني كنت نقول لاحول ولا قوة الا بالله ويوم بديت الرقية شفت قط ينزع عني الغطاء الي كنت متغطيا بيه و انا نتعوذ منو وهو يرجع ليا و معاه قط صغير اسود مع اني في الواقع نموووووووت بالرعب من القطط.....و حرارة عالية في المعدة عند سماع الرقية
حبيت نعرف اذا هذي الرقية ماعليهاش غبار لاني بديت نوسوس و نقول هذي بلاك فيها شرك ولا حاجة
وبديت نقوم الليل الايام الاولى بنشاط و صلاة الفجر بصح هذو اليومين ننحس بيهم ثقال و النعاس
انا الراقي الي رحت ليه منقدرش نتابعو لظروف خاصة و لهذا حبيتك اخي في الله تعاوني اذا الي ندير فيه صح ولا لالا و اذا عندك رقية و لا ننصيحة متبخلش بيها عني
راني في ضيييييييييييييق كبير

[imane2417]

ان شاء الله اخي راني في الانتظار

[imane2417]

اين انت اخ ابو همام ان من البارحة في حالة ما يعلم بيها الا ربنا
قلق كبيييييير

[نوال لطيفة]

ياربي يشفيك ويشفيني انا ثاني نفس اعراض غير انا عندي هذي حكاية 10 سنوات عمري 32 سنة الحمد الله ربي يشفينا ويعفينا ياربي

[imane2417]

امييييييييييييييييييييين ختي نوال وربي يشافي كل مبتلى

[marin17]

[QUOTE=xb10cc;3995063493]

المشاركة الأصلية كتبت بواسطة marin17

نصيحة لوجه الله...........
ولا حاجة اخرى
جزاك الله خير

المشكلة في الدعاء اساسا. لانه لا يصح. بامكانك البحث عنه والتاكد اكثر....
الماء المرقي يشرب او يغتسل به ويرمي في السطوح او يسقى به الحديقة..

[أبو همام الجزائري]

هذا البرنامج يفيدك
ولا تقبلي النصيحة من كل من هب ودب
فأحد الأعضاء تستخدمه الجن دون أن يشعر همه زرع القلاقل والحيرة وزرع الطرق المشبوهة احذري هو أصلا ممسوس نسأل الله أن يشفيه وعليه بمعالجة نفسه أولا ويصدق المسكين الجن ومتلخبط في أفكاره ومنهجه هداه الله
الرقية الشرعية من السحر (وكيفية إستعمال الماء والزيت للعلاج))

[imane2417]

مشكور اخي جزاك الله كل خير
والله اني تعبت كل واحد يعطيني نصيحة شكل
و كلها باسم الدين
حسبي الله و نعم الوكيل
ان شاء الله ربي يوريني الطريق الصحيح
اميييييييين

[ManouraHilwa]

يا اختي نصيحة اسمعي ما يقوله الاخ ابو همام فقط واخبريه بالتطورات الله يشافيك ويهنيك في بيت الزوجية اميين انت في ايد امنة باذن الله

[imane2417]

مشكورة اختي الغالية وان شاء نبدأ في رقية ابو همام
من الغد ان شاء الله