الحماية المدنية 2011 2012 - الصفحة 134

magic2 · 2011-10-17, 15:21

هذا اكيد لانو دبلومك مهم عندهم ويدخل في صميم وجوهر مهام الحماية المدنية وهي الانقاذ والاسعاف السريع توكل على الله وجر ب حظك

amin27 · 2011-10-18, 12:06

اقتباس:

المشاركة الأصلية كتبت بواسطة hossam milanello

اليوم رحت للولاية لحقت على ال 8 وهو وقت لافيزيت دخلت للطبيب يبداو يدخلوا بالترتيب نتاع الملف ويدخلوا بالعشرة يعني جماعة يقلبلك العينين يجب أن تكون العين الواحدة اكثر من 7 يعني 7 / 10 ومجموعهما 15 / 20 ويجب أن لاتقل احداهما عن 7 من 10 والطول يجب أن يكون فوق 1.70 من بعد الميزان لازم فوق ال 60 كلغ من بعد تدخل للطبيب العام تمدلوا ليزاناليز نتاع التعيارات نتاعك اللي خرجتهم وطلبوهم منك من بعد يسألك أسئلة عشوائية مثلا أنا قالي شحال عمرك وواش من نيفوا حبست وكم مرة دفعت في الحماية هذا ماكان الطبيب العام يقلبلك االصدر والجسم كامل والتنفس وكاين اللي قلبهم من تعيارات الدم يشوفلك ظغط الدم وكاين اللي سالوا مثلا علاش راك تحوس تدخل للحماية هذا ماكان وكلشي يفوت نورمال وان شاء الله كامل ناجحين

كيفاه يقلب الجسم كامل، يعني تنحي حتى الملابس الداخلية ؟

hossam milanello · 2011-10-18, 12:26

اقتباس:

المشاركة الأصلية كتبت بواسطة amin27

كيفاه يقلب الجسم كامل، يعني تنحي حتى الملابس الداخلية ؟

تلبس ديمي شوت أو شورت صغير

~~الارسنالي~~ · 2011-10-18, 13:44

الحمدولله حتى ليوم عقبت لافيزيت

ربي ينجحنا

hossam milanello · 2011-10-18, 14:11

اقتباس:

المشاركة الأصلية كتبت بواسطة الارسنالي

الحمدولله حتى ليوم عقبت لافيزيت

ربي ينجحنا

الحمد لله واش فاتت نورمال العينين لاخطرش راهم يركزوا على العينين بزاف

kadirou46 · 2011-10-18, 15:06

السلام عليكم جماعة الخير أنا شاركت فمسابقة توظيف أعوان الحماية المدنية مع العلم اني متحصل على شهادة ليسانس... ، حبيت نسقسي هل صحيح أن مرتب عون في الحماية المدنية 20800 دج ؟؟

kader.dz · 2011-10-18, 15:14

السلام عليكم شكرا اخي ماجيك علي المعلومات واريد ان اطرح سؤال فقط هل شهاد ة الليسانس علوم وتقنيات النشاطات البدنية والرياضية مقبولة في مسابقة ضباط الحماية المدنية ا .................... ومتي تفتح مسابقة توضيف ضباط الحماية الدنية لسنة 2011 وشكرا .

hossam milanello · 2011-10-18, 15:20

اقتباس:

المشاركة الأصلية كتبت بواسطة kadirou46

السلام عليكم جماعة الخير أنا شاركت فمسابقة توظيف أعوان الحماية المدنية مع العلم اني متحصل على شهادة ليسانس... ، حبيت نسقسي هل صحيح أن مرتب عون في الحماية المدنية 20800 دج ؟؟

راتب الأعوان 3 ملاين و 100