ذبح سمك التونة عند شرائه

ام ظافر · 2014-03-17, 08:40

السلام عليكم
لا تستغربوا من العنوان .....فهكذا استغربت مثلكم ولكن التجربة اثبتت لي العكس
هذه صورة سمك التونة منقولة والتي يمكن ان يكون وزن الواحدة من 1كغ الى اكثر من ذلك بكثير ولكن الموجه للاستعمال المنزلي يكون بين 1 و3الى 4كغ تقريبا

انا تدبيرتي اليوم عطاهالي الحوات وما صدقتش حتى جربت
سمكة التونة الي تتباع وتجي كبيرة وسعر السمكة لا يقل على 100 الف تصلح للولائم والعرضات
هي سمكة واحدة تكفيك لجماعة
كنت نقيها ونتبلها ونحشيها .......بالثوم بالمعدنوس بالليمون بالزعتر بالخضر ب................خلاص ديما طعمتها ناقصة ولونها مدكن ....كنت نحط السردين ابن منها
حتى سالت الحوات على اللون تاعها وطعمتها الغريبة ......شوكاني قالي تذبحيها والا لا......قلتلو كيفاه نذبحها وهي ميتة
قالي ايه لازم تذبحيها حتى يخرج منها الدم
روحت للبيت وذبحتها .........سبحان الله كمية كبيرة جدا من الدم الي سالت منها
وبقيت نعصر فيها ونغسل ......حتى تنقات من الدم جيدا
وهنا طيبتها عادي والطعم سبحان الله مختلف تماما ......بنة رائعة وكاني اول مرة نتذوقها والاهم لون اللحم اصبح ابيض مورد كلون سمك التونة وليس احمر مدكن
سؤال الان .................................................. ...من منكم يذبح سمك التونة قبل طبخه

ام عبودة · 2014-03-17, 08:48

انا مانكذبش عليك حنا في الصحراء تجينا عير السردين ومرااااااااااااااااات الروجي الباقي كونجلي
وكي نروح للعاصمة او بلاد البحر ناكلو وااااجد ههههههههه
حتى انا اول مرة سمعتها تنذبح في بالي الاسماك ما يتذبحوش ههههههه
ام ظافر يعطيك الصحة على الموضوع. بلاك تجيني الفرصة ونذبح سمكة هههههه

ام ظافر · 2014-03-18, 07:39

شكرا ام عبودة
ناس بكري يقولو اتعلم واترك
ماتدري ممكن تجيك الفرصة وتطبخي واحدة على الاقل تعرفي كيفاه تنظفيها

ahlam2060 · 2014-03-18, 11:21

بارك الله فيك معلومة جديدة اول مرة نسمع بيها

شوشو 11 · 2014-03-20, 00:21

شكككرا على المعلومة
وهي صح غريبة

**افنان** · 2014-03-20, 07:12

بارك الله فيك على المعلومة
لقد جربتها
جزاك الله خيرا

وفاء سعاد · 2014-03-20, 07:30

سبحان الله والله عنوان الموضوع هو اللي شدني قلت كيفاه تتدبح ....وراكي عندك الحق انا حتى كرهتو من للون تاعو كي يطيب ويبقى مر مهما كترلو التوابل ....ودرك عرفت السبب ...بارك الله فيك

fati 17 · 2014-03-20, 21:45

اول مرة نسمع بيها شكرا على المعلومة انا ثاني نحسن بنة المرارة فيها

امونة الشاوية · 2014-03-25, 18:39

بارك الله فيك ام ظافر والله معلومة ونصيحة مليحة

ام فريال لينة · 2014-03-30, 14:44

يعطيك الصحة على المعلومة والله غير حتى وليت مانجبوهش

احلام بابي · 2014-03-30, 18:16

اول مرة نسمع بيها احنا في الشرق نسموه بودام يجي فيه ادم اما التوتة تجى بنينة

it's me · 2014-03-31, 09:54

شكرا على الافادة اختي
ربي يجازيك

ام ظافر · 2014-04-19, 12:40

اقتباس:

المشاركة الأصلية كتبت بواسطة احلام بابي

اول مرة نسمع بيها احنا في الشرق نسموه بودام يجي فيه ادم اما التوتة تجى بنينة

يعني اختي عندكم نوع فيه الدم ونوع اخر هو التونة مافيهش الدم بزاف
ياريت لو تفسري اكثر

ريماس وصهيب · 2014-04-19, 12:54

بارك الله فيك اختى .شكرا على المعلومة اول مرة نسمع بيهاااا .يعطيك الصحة.

ام محمد امير · 2014-04-19, 23:59

نفس المشكل لكنت نعاني منو جامي صلحتلي فالطياب والسر هذا جامي تولهت نسقسي الحوات يعيطي الف عافية ام ظافر والله جبتيلنا فكرة رائعة يجا يما كنا ناكلوها هكذاك بدمها ونقولو علاه شكراااااا