ارواحو احكيولنا على المسابقة تاع اليوم

[nasma007]

بالنسبة لمسابقة الامس فاتت عادي مع العلم تخصصي اقتصاد شاركت في الابتدائي و اغلب لي درسو اقتصاد لم يتم طرح الاسئلة عليهم من غير الاسم تخصص و سنة التخرج الا القليل الذي تم طرح الاسئلة عليهم من بينهم انا ههههههههه
كانو 2 في اللجنة ندخلو ب 2 وكل واحد يطرح عليه عضو في اللجنة لكن في الاخير في 2 يتحاورو و يطرحو الاسئلة هههههه
شحال عام من تخرجك
هل الاسلوب و الطريقة نفس الشيئ ام يختلفان
واش تعرفي من بين هذه الطرق انا قتلو الحالية طريقة المقاربة بالكفاءات و شرحتهالو
و قالي اعربي '' الله''
المهم فاتت لاباس الحمد لله
لكن مع الطلبة لي شفتهم عندهم خبرة و من 2001 و 2004 غاضوني مساكن لضرك مترسموش يعني مازال عدنا المشوار طويللل
المهم كل واحد يدي واش كتبلو ربي و بالتوفيق للجميع و يكون النجاح لمن يستحقه

[ران الذكية]

أنا سقساوني زوج أسئلة قالولي علاه قريتي انجليزية و واش رايك في التعليم هل مهنة سهلة ولا صعيبة، وورالي زوج تصاور وقالي وش راكي تشوفي، الحمد لله ما كنتش مرتبكة ولا مقلقة مع أنو أول مرة نفوت،بالاك كي علابالي بلي الناجحين راهم باينين شكون
المهم ربي يوفقنا جميييييييييييييييييعاااااا

[catyem]

السلام عليكم انا في المسابقة الاسئلة كانت لا علاقة لها بالدراسة اول شيء قالي هل شهادة دراسات عليا يعني الم دي قتلوا لا ثم قالي لكان تخدمي قتلو لا قالي متزوجة قتلو نعم قالي هل الزوج يخدم قتلو نعم ثم قاتلي المرا اهدري متقوليش نعم ؟؟؟؟؟؟؟ايا قتلها مهنة الزوج قالي الراجل وين يخدم الزوج تاعك و وين تسكني و كي قتلهم البلدية قالي واحد فيهم انا نعرف البلدية وين بالضبط ايا قتلو العنوان و قالولي تفضلي

[لينا الجنة]

السلام عليكم

عادية جدا بالرغم من الفوضى و عدم النظام

اما الاسئلة فدارت حول سنة التخرج و سؤالين في الاختصاص و معدل السنة الأخيرة و فقط

ربي يوفقنا