السلام عليكم و رحمة الله و بركاته
بسم الله
سامحوني اليوم ما قدرتش نصور بعض المراحل لأني وحدي و ايديا بالعجين 
, المهم إن شاء الله الفكرة توصل و تفهمو الوصفة. نبداو على خير :
المقادير : 4 بيض, 100غ سكر عادي, كاس صغير زيت, 1 ياغرت طبيعي, فانيليا, 1 كيس خميرة حلويات, 600 غ فرينة (هنا استعملت 500غ لأنه البيض كان حجمه صغير).
و تكوني حضرتي عسل خاثر: 200غ سكر على نصف لتر ماء و عصير نصف قارصة, يغلي حتى يبقى تقريبا نصف الكمية.
التحضير : تخلطي بايدك السكر و البيض و الفانيليا حتى تحسي اللي السكر ذاب :
تضيفي الزيت و الياغرت و الخميرة و تخلطي بإيدك, و بعد تضيفي الفرينة حتى تتحصلي على عجينة متماسكة, تقريبا راح تستعملي ما بين 500غ و 600غ فرينة حسب حجم البيض و الياغرت.
هذه العجينة : أعجنيها مليح :
بعد ما تعجنيها تحلي العجينة بالحلال بسمك نصف صم تقريبا, إذا تخافي لا العجينة تلصق استعملي شويييييية فرينة . و قصي دوائر بالكاس و في الوسط دوائر أصغر و إذا عندك قالب اليويو أو الدونات يكون أفضل :
الدوائر أرمي عليهم منديل,
و كل مرة اجمعي بواقي العجين , أعجنيه شوية و عاودي حلي و قطعي, حتى تكمل العجينة الكل.
حاولي تسرعي باش العجينة ما تخمرشي برشة.
حضري الزيت فوق نار متوسطة إلى هادئة, من الأول ارمي فيه قطعة عجين صغيرة إذا طفت الفوق يعني الزيت سخن.
(اليويو ما تخليهش يخمر برشة يكفي شوييية انتفاخ بسيط, و إذا ارتفع برشة اضغطي عليه شويييييية بإيدك قبل لا ترميه في الزيت)
أرمي اليويو في الزيت (كل مرة 4 أو 5 حبات) , مدة صغيرة و يطف الفوق و الجهة اللي من تحت تتورد, إقلبيه حتى يتورد من الجهتين (و بالطبيعة ابدإي باللي شكلتيه قبل حتى توصلي لآخر حبة)
اليويو اللي تخرجيه من الزيت, ارميه في العسل و خرجيه يستقطر, حتى تكملي.
تقدري تقدميه كيما هو , أو ترشي عليه مكسرات
و هكا يكون إسفنجي في الوسط :
نتمنى يعجبكم اليويو و تجربوه.
( تقرير عن مشاركة سيئة )، و الموجودة أسفل كل مشاركة .
2012-12-08, 16:29
في برد الشتاء, ما ينفع فيها كان..... اليويو....إقتصادي و بنين
), اليويو ولد عم الدونات 
العرض العادي
