هيا نحكيو على تجاربنا الفاشلة

[Basketteuse]

يا لبنات انا جبت فكرة واش رأيكم لو كان كل وحدة تكتب طبخاتها الفاشلة . و لو في صورة أحسن و أحسن
نبدأ انا :
مسكين راجلي راني درتوا حقل تجارب كل مرة نجيب لو فكرة جديدة ، كي نجرب يجيئني الإلهام و الموهبة الربانية اللي تخليني نغير في الوصفة . و النتيجة !!!!!!!!!!!!!! زوجي يجربها
من بين هذه التجارب وصفة la crème brûlé . بدئت في التطبيق و بسرعة البرق جاني الإلهام باش نضيف شرائح الموز و بما انو الوصفة تطهى في الفرن النتيجة الي تحصلت عليها هي gratin à la banane جارتان البنان و هاهي الصورة

[houdehoud]

hahahahahhaaaaaaaaaaaa ana tjrs ki ngoulou ra7 ndir pizza ygouli ma3roud jamais sal7tli w le probleme f fromage mazal mate7tche f hadak li yji elastik mais bnine

[linat]

بارك الله فيك
rana kamale hakda مسكين راجلي راني درتوا حقل تجارب

[ايام متمردة]

حقا فكرة رائعة اختي الغالية
كلنا في الهوى الم يقولوا اقرب طريق لقلب الرجل معدته اذن فليشبع تجاربنا

[Basketteuse]

هههههههههههههههههههه
بصح ماجد آبيا تحكيو التجارب تاعكم و تصوروهم أدا ممكن!!!!

[Basketteuse]

هههههههههههه
بصح مادا بيا تحكيو على التجارب تاعكم و تصوروهم !!!!

[نيفرتيتي.]

اخواتي البارح طلبت منكم وصفة فلان بالقارس الوصفات اللي مديتو هملي ماعنديش مكوناته واش درت حليب ونشا وقارس وسكر وشوية ما جا واش رح نقلك منضرو يشهي لكن الطعم ولدي قالي وشبيه هك درك راه في الثلاجة واحد ماحب ياكلو واش رايكم نرميه

[شمس 15]

ما صورتوش,خطره سييت وحد الوصفه تاع رولي من عند اخت في هذا المنتدى زعمه كي يجوك ضياف على غفله ما صدقليش زربت كليتو انا وولادي قبل ما يجي من الخدمه سينو يسمعني.

[yarasmin.26]

انا انقلكم اعلى تجربتى سيت شعال من وصفة في المنتدى اومصحتليش ربما الخطاء منى انا مضنيتش وحدة اتحط وصفة قاع ايشفوها وماتصدقش المهم انا كي انجرب حاجة انقولو شوف ياولد الناس ادا خرجت شابة كول وشكرني في وسط صحابك اما اذا مخرجتش انقول استر ماستر الله اومسكين ادير اعليا لانه نعرفو زواخ هههههههههه

[ميرثا]

ههههههههههه
انا كنطيب قع مكانش لهدرة كولو وانتوما سكتين بنينة ولا لالا مكانش مجال لتعليق
حكم القوي على الضعيف
مي اكيد كاين مرات ندير مجااازر هدي منقولش مكنديرهاش
كنتفكر كاش مجزرة منهم اني نجي نحكي: )

[ماجدة4]

ضحكتونيييي انا مازال ماوكلتوش ان شاء الله كي يجي وقتو وتشوفو ندير فيه رايي ههههه اما حقل التجارب هم دارنا والمضحك كي تخرب نبدللها الاسم على حسابها مرة درت رولي ماجانيش مليح تفتح كامل سميتو الجزيرة المنسية ههههه جا كي الجزيرة المهجورة مي بنين الحمد لله خير من نرميه .

[*ام رامي*]

موضوع هايل
انا عندي افكار مجنونة وكثييييرة التجارب اذا ضبطت الفكرة الحمد لله ونقعد نتكسل طول وعرض واذافسدت ويقولي زوجي وش هذا ؟؟؟
بكل بساطة نرد عليه ونقول له : طبقتها من المنتدى ..اليوم نبهدل مولاتها انا اللي غالطة نتبع في كلامها هههههههه
اسمحولي راني نمسحها فيكم

[Basketteuse]

المشاركة الأصلية كتبت بواسطة ام دودة

اخواتي البارح طلبت منكم وصفة فلان بالقارس الوصفات اللي مديتو هملي ماعنديش مكوناته واش درت حليب ونشا وقارس وسكر وشوية ما جا واش رح نقلك منضرو يشهي لكن الطعم ولدي قالي وشبيه هك درك راه في الثلاجة واحد ماحب ياكلو واش رايكم نرميه

ههههههه
انا حطي تلك روابط واش لقيت في انترنت . لكن في الصح حاجة ما تتامن . لازم تجربي ولي يجئ لواحد بنين ماشي لازم يعجبك

[*سماح 94*]

موضوع هايل ختي
هه انا كيما ام رامي نجرب من راسي وكي يفسد الحاجة نقول درتها كيما قالت مولاتها انا ما علاباليش
وما نخلي حتى واحد يعلق عليها لازم يوكلوها وهوما ساكتين هههههههه
مغامرات الكوزينة وحدهم ..ان شاء الله في كل مرة نحط وصفة فاشلة هههههه

[Basketteuse]

يا لبنات واقيلا ما عجبكمش الموضوع ؟؟؟
انتظر ردودكم في رأيي لازم نخصصوا لهده الفئة قسم خاص باه نستفادوا كلنا من التجارب الفاشلة