هل الزوجة ملزمة بخدمة والد زوجها ووالدته؟

[ماريـام]

اما عن نفسي انا نحب اهل زوجي و هوما يحبوبي و الحمد لله
و نخدمهم و الله حتى هوما يخيرولي البنين و الغالي و يسناوني و يحبو يعيطولي و يطمنو عليا
ربي يوفق الكل لطاعتو و يبصرنا يعيوبنا

[موسى عبد الله]

يا اخي حتى و نفرضو بلي ماهوش واجب عليها تحسن الى هم

[مسلمة بالفطرة]

باختصار الزوجة الصالحة تخدم والدك زوجها وتمد يد العون لأهله حسب مقدرتها و ظروفها دون ان تنتظر أمرا او نصيحة من احد لان هذا من أخلاقها ومن السلوكات التي يدعو اليها الاسلام ومنها توقير الكبير وخدمته انا استغرب أمرا واحدا فقط الزوجات اللواتي يرفضون خدمة والدي أزواجهن و تقديم اي نوع من المساعدة حتى و لو كانت بسيطة لماذا يلمن أهل الزوج ويقمن الدنيا ويقعدنها اذا لم يجدن هن المساعدة حين يحتجن اليها وينسين أنهن من سبقت بالأعراض ؟

[عروس البحر 2]

المشاركة الأصلية كتبت بواسطة كاميلا

جميل كل هذا لكن تراكم تناسيتم شيئا؟؟؟؟؟؟؟؟؟؟؟؟؟؟؟
واين هذا الولد من كل هذا؟؟؟؟؟؟؟؟؟؟؟؟؟ اذا زوجتك مرضاتش انت قوم بوالديك اعرف جارا لنا قايم بامه ومتقولوليش راه راجل فففففففففففف طلعه الماء في العقبة.؟ المرا هاذي واش عندروحكم خدامة طول حياتها من دار والديها اللي ملزومة بيهم زيد راجلها زيد ولادها زيد عايلته؟ واش تقسم روحا 500 طرف الدين قالك ماش ملزومة خلاص انتهى كيما هو مش ملزوم يصرف على والديها ويقوم بيهم
انا كون نشوف راجلي طايح على والديا نطيح على والديه اما عكس ذلك فلا والف لا وكي يحب نرفد والديه نرفد تاني والديا ماش انا نكسب دعاوي الشر وهو يربح عى ظهري وانا خاسرة
مجتمع منافق للاسف ديما يهدره على حقوق الرجل والمرا عافسينها بالصباط طيح صحتها وفي الاخير المرا اللي فيها وفيها ففففففففففف

نستعرف بيك اختي هذه هي الهدرة علاه هو يبر والديه وهنا لالا ماهمش والدينا واقيلا ماهمش ملزومين علينا كيما ملزمين عليا والديه كلش بالقدر راني معاك اختى انانية الرجل في كلش حتى في بر الوالدين يحب هو يربح دعاوى الخير وانت غير تقولو نروح لدارنا نشوفهم يقلب عليك الطابلة

واذا كنت نبر والديه هذا اكراما ملي ونخدم باصلي وباخلاقي وفقط

[hodayena]

بالنسبة ليا انا راعيتهم واحسنت ليهم وخدمتهم وربحتلهمش العيب وكانو حاسبين وليدهم صح طايعهم بصح بفضل الله وفضلي انا كنت دايمنا نخليه يحن عليهم وعلى خياتو دايمن نفكرو بيهم للكن ماذا استفدت والو خربولي داري وهو عاونهم وسمع لكلامه معليش يقولو دير الخير وانساه ودير الشر وتفكرو اما بالنسبة لوالديا مكانش مستعرف بيهم خلاص لا اترام لا والو ميتفكرش حتى يقولي رضي والديك والو لازم غير والديه وعندها الحق الاخت كاميلا
والمرءة الي فحلة وتعرف تربي تربي وليدها يطيعها ويقومها هو ماشي تربيه يجيب المرءة باه تقومها وتعينها المرءة تشد بيد الزوج وتوريلو وتنورلو طرقو وتحنن قلبو ماشي ترضي والديه هو الي مجبور برضاية والديه
ولا المجتمع يهدر على الكنة الي مترفدش العجوزة وميهدروش على ولادهم الي ماشي دايرين لهم قيمة ويحصلو في الكنة بلي هي وراء جفاء ولدها
بالنسبة لي لوكان رباتو راجل مايسناش مرتو تقوم يماه هو الي يقوم يماه هو الي يحوس على يماه هو الي فقدها ماشي يحاسب زوجتو وناسي روحو
سبحان الله الغاوري تشوفو يرفد يماه كي الذري الصغير ينحي من وقتو ويتهلى في يماه يطيب يغسل ويوكل ودوشلها يقومها كيما كانت تقومها وحنا المسلمين لازم بنت الناس تقومها وكي تولي في والديها يقولها خياتك وين راهم زعما هو معندوش خيات
المشكل راهو في طريقة التربية والتفكير

[*غزلان *]

حتى ومش ملزمة نظن بلي ربي أعطانا كنز نخدمو بيه لعقوبتنا وآخرتنا
علاش نهار يجو يخطبونا نبداو غير نسايسو في الحالة وش من كادو غير وين نديروهم وين نحطوهم ونهار نروحو ليهم يولو مش لازمين ملا ثاني نهار الخطبة يجي بلا والديه على خاطر الصح فيه هوما مش لازم

[rafikabissa]

الدنيا دوارة كيما يقولو ناس زمان و ايضا من باب ارحموا من في الأرض يرحمكم من في السماء

[samar alil]

ana mazalni manich matzawaja mi wila galoli haka mangdarch wa3lah lakhtrah wila bdit ma3ahom rah yji wagt wanta3ab hadak alwagt nwali nachki wbadal man ndir alkhayar nwali ndir char imla min lawal mangbalch ila ida kan howa banhom alwahid

[غصن البآن]

يقر زوجي ان خدمة والديه ليست امرا وجوبيا علي و لكنها امر وجوبي بالنسبة له..............ولاني ارجو رضى زوجي ..........كما ان لي والدين ارجو ان ينعما بزوجة ابن تسعد قلبيما و تخدمهما متى احتاجا ذلك..........فاني الزم نفسي بخدمتهما لاكثر من ست سنين .......و أحمد الله انني ما زلت أقدر على العطاء. لاني اعتبرهما والدي............

بارك الله فيك على النقل المفيد....

[ome tesnim]

ماتحاولش ادير بيني و بين زوجي ونحطها فوق راسي و في عيني