وصفات حراير الكوزينة الجزء الثاني

[idron0]

المشوشة القبايلية lahna moka

كيما وصفتي بالضبط

إضغط هنا لرؤية الصورة بحجمها الطبيعي.

و هاهي تاعي

إضغط هنا لرؤية الصورة بحجمها الطبيعي.

ملاحظة : تقدري تعوضي العسل بشاربات ثقيلة معليش.

[البحر الصافي]

بارك الله فيك اختي ايدرو على المجهود
جعل ذلك في في ميزان حسناتك

[idron0]

بيسكوي رولي اسيا 27

جبتلكم الوصفة اللي معتمدينها سااااهة بزاااااف خاصة للي ما عندهمش ميزان و بيتران
البيسكوي اللي دارتوفي صينية [40/36 cm ]
6بيض ديريه في بول و كيليه يعني بنفس كيلة البيض نكيلو كيلة ناقصة ملعقتين سكر عادي و كيلة فرينة مغربلة مرتين او ثلاثة فاني و ربع ملعقة صغيرة خميرة كيميائية باه نضمنو البسكوي ما يطيحش
اولا اخفقي البيض و السكر بالباتور فوق حمام مائي ربع و لا ثلث ساعة حتى تشوفيه تضاعف 3 مرات من بعد بعدي الخليط من فوق الماء و زيدي الفرينة مخلطة مع الفاني و الخميرة بالصفاية على مرتين و لا ثلاثة خلطي بالسباتول من لبفوق للتحت سخني الفرن 15دقيقة
فرغي عجينة الجينواز فالصينية بعد ما تديري فيها ورق الزبدة و دخليها تطيب ما لازمش تفوت 15 دقيقة باه ما تنشفش
بعد ما تطيب ديريه فوق قطعة قماش مشمخة بالماء و معصورة ملييح و لفيه و دخليه للفريجيدار حتى يبرد
بعد ما يبرد سقيه بالسيرو [كاس و نص ماء و 4مغارف مربى مشمش و لا المربى اللي بغيتيه ديريه فوق النار يغلي 5دقايق ]
ديري فوقو طبقة كرام شانتيي و لفيه و زيني من الفوق كيما تبغي .

[idron0]

الهريسة البحر الصافي

جبت الفلفل غسلتو ونحيتلو القطميرة ومن بعد فورتو كي قريب يطيب ضفتلوكمشة ثوم مليحة زادت كملت فارت معاه
ومن بعد رحيتو في الروبو وهو سخون ومن بعد عاودتو في الرحاية اليدوية في المتوسط نتاعها باش تحكم لقشور والزريعة ومن بعد اضفت شوي ملح وشوي زيت وحطيتها فوق النار تكتكت شوي مع التحريك وفي الاخير ضفت الكروية وكمون اخضر وخليتها حتان بردت ودرتها في الكيسان جوطابل والى المجمد كي نسحق نجبد بالوحدة نخليها ديكونجلي ونحطها في كسرولة تسخن شوي فوق النار ترجع جديدة ونديرها في بلارة في الفريجيدار
ملاحظة الفلفل لي ستعملتو هو الفلفل الصغير العربي جات حارة تشوي
من قبل كنت نستعمل الفلفل الطويل خدمتو اسهل وفيهش الزريعة بزاف.

إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.

[ناهدوران]

اختي هاهو الباروك و انشاء الله يخرجلك

[idron0]

قاطو البالون روضة 88


250غ فلوريال , كاس سكر رطب, بيضة وصفار بيضة , كاس لوز مرحي بالقشور , ملعقة فاني , فرينة.
الحشو
50دج كابريس 15غ زبدة , 1/2 علبة نيسلي طايب, ملعقة عصير ليمون
التزيين
شيكولاطة جوز ملمع فضي:
طريقة التحضير
في وعاء نضع زبدة ونخدمها ملييييييييييييح باليد + السكر الرطب ونمزجهم مليح ثم نضيف البيض و نحرك مليح و اللوز المرحي + فاني ونلم بالفرينة حتى الحصول على عجينة طرية ( العجينة نلموها منعجنوهاش)
تجهيز الحشو
في وعاء فوق النار نضع كابريس وزبدة ونذوبهم مليح ثم نحيهم فوق النار و نزيدلهم النيسلي و عصير ليمون.
في طاولة العمل نرش الفرينة ونحل العجينة متوسطة و نقص دوائر ونوزعهم على المول انتاع البالون ونحي الحواشي الزايدين ممكن تثقبيهم ممكن لا ونحطهم يطيبوا من تحت برك
كذلك نبسط العجينة ونخدم دوائر قيس طابع المول انتاع البالون وندخلهم يطيبوا
الان للتشكيل الحبات انتاع البالون نحشيهم بالحشو منعمرش بزاف ونحط شوي على الحواشي ثم نضع غطاء البالون ونغطسهم في قلاصاج شيكولا ونزينهم بجوزة من فوق ونمسح الجوزة بلاجولي وندير بريون.


إضغط هنا لرؤية الصورة بحجمها الطبيعي.

[idron0]

قاطو الفلان الامنيات

2بيض+100غ فلان اي نوع حبيتي +كاس اتاي زيت +فانيلا وطميها بالفرينة مع باكي خميرة نوارة ،دير كويرات ورمديهم في السكر قلاص ثم دخليهم يطيبو.

[*توبــــة*]

وصفات ياسمالاك

[*توبــــة*]

وصفات أم سهـــــــام02

وصفة لمدربل :

هو عبارة عن طاجين بالبندجان

باللحم او الجاج

قطعي البندجان دوائر انا منحبش القشرة اتاعو وانت كما اتحبي وديريه في الماء والملح لمدة ساعة امنبعد قطرية في كسكاس و اقليه و حطيه في ورق مصاص

في كوكوت ديري طراف اللحم مع بصلة كبيرة مرابية و الملح و التوابل التحبيها انا اندير الفلفل الاسود و القرفة و كركم نقلي امليح وامنبعد انزيد كمشة حمص انمرق حتى يتغطي اللحم وانخليه يطيب

كيطيب امليح نحي اللحم و حطي البندجان المقلي في المرقة الغليةالاولى طفي ورابي فوقو 2 سنينات ثوم و معدنوس مقطع رقيق ورجعي اللحم

وطريقة التقديم راهي باينة

وتقدري ثاني اديريه بنفس الطريقة بالكورجات مقلي


خبيزات محشية:

زوج كيسان فرينة + 2مك حليب غبرة +1مك خميرة خبز و1مك سكر و1مص موتارد ونص باكي خميرة حلوة و الملح و نلم بالماء دافي حتى نتحصل على عجينة تتلصق خبيطها من الفوف للتحت و دخلي فيها 2مك ماغرين طرية كتتلم دريها تخمر في كيس مبلل كتخمير امليح حبطي لها الخمور وديريها كورات صغار واحشيها بالكاشير مرابي و جبن طري وهذا اختيار كما اتحبي و ديريهم في السنيوة مدهونة

[idron0]

طريقة تجميد الفريز الامنيات

نغسله ونقطع الورقه من فوق ونرمده في السكر ونحطه مصفوف في صينيه وندخله المجمد
من بعد نحيه ونديره في بورت مونجي ونرجعه المجمد مازال باقي لي الدرك راه في المجمد
وحاكم شكله.

[idron0]

الكروكي المالح اسمهان 79

راه بالعجينة السحرية او عجينة العشر دقائق فقط طرحتها ودهنتها بالفرماج الطري ودرت دجاج طايب ومفتت وبيض مغلي ومرابي ومعدنوس وزيتون انظر مقطع حلقات وروليتو ودهنتو بالبيض وذرذرة السينوج فقط وطيبتو وكي طاب قطعتو بنين وساهل .

[ملاك ملاكي]

المشاركة الأصلية كتبت بواسطة *توبــــة*

وصفات ياسمالاك

ياعمري راهي تخم عليا ياك قتلك راكي توأم روحي بصدق ماغلطش فيك
الله يخليك ليا يا رفيقة دربي باذن الله الله لايفرقنا مصيييييبة صابني ربي بيها لااااازم نرضى بيها هذا نصيبي هاهاهاهاها
واااااااو سورتوا رولي واااااو تقول لابيش هاهاهاها هذا نخليه كي نرزح لداري ان شاء الله ونديرة لسهرة خاصة ليا انا وملاكي وبس اييييه وبس نحي الدساااارو حتى اللحظات الخاصة تحبي تكوني وسطنا اااازحي هاهاهاها
مواااااه حبيبتي
بااااارك الله فيك ربي يجازيك مع انه عبالي صحة قو............دة هاهاهاهاها

[idron0]

باتيسري lahna moka

إضغط هنا لرؤية الصورة بحجمها الطبيعي.


الجينواز الي نعتامدها :

4 بيض _ 75 غ سكر عادي_ 100 غ فرينة_ نصف كيس خميرة كيميائية _ ملعقة صغيرة فانيلا
التحضير:
افصلي صفار و بياض البيض ثم طلعي بالباتور البياض كالثلج مع رشة ملح و خليه جانبا
اضربي الصفار مع الفانيلا و السكر حتى يتغير لون الخليط الى أصفر فااااتح ثم زيدي الفرينة+الخميرة المغربلة بالتناوب مع بياض البيض يعني مرة تزيدي فرينة و مرة تزيدي بياض و هكذا لينتهي الخليط و في الأخير رايحة تحصلي على مزيج ناعم مثل الموس ديريه في صينية و الى الفرن.

[idron0]

بولات السلق و الجاج مرحي ام سهام 02


اولا نقطع ربطة سلق اواثنين رقيق و نغسلو مليح مع قطرة جافيل و نشلو نذبلو في مقلة و اليحب ايفورو يفورو و نقطرو في كسكاس امليحونعبز بواسطة ملعقة ,
ثانيا صدر جاج بعد ما نظفو و ننزعلو الجلد و العظم نمزج مع السلق المقطر و نطحنو في الروبونضيف لو سنينات ثوم مرابية و معدنوس مقطع رقيق ملح فلفل اكحل وقرفة و سكنجبير و حبة بيض و شابلير ونعجن مليح حتى كامل المكونات يندمجو نكور كورات كبار على كورات المثوم حتي انكمل كامل الكمية ,
في طنجرة او كوكوت رابي حبة بصل كبيرمع عظم صدر الجاج و مغرف فرينة و انقلي و نضيف حبة طماطم مرابية ملح و راس الحانوت و كمشة زيتون ايفلي تكون منقعة في الماء ليلة او عدت ساعات مع تغير الماء و انقلي مع التقليب بواسطة ملعقة خشب ثم نمرق بكاس ماءكتبدا المرقة تغلي نرمي بولات السلق و نقص و نخاليه ايطيب على نار متوسطة مدة 20الى25 دقيقة.

[أم اسيل]

روعة الله يبارك كلش منكم روعة