وصفات حراير الكوزينة الجزء الثاني - الصفحة 104

idron0 · 2015-12-19, 17:31

قاطو البالون ام محمد تاج

هو صح يشبه لي دوم والفكرة كيما هوبصح الحشو من مخاميخي المخمخين
اولا القاعدة وهي عبارة عن صابلي مربع انت استعملي وصفة الصابلي لي ناجحة فيها
الحشوة هبال وخيال
شوفو زوجي ح كان مسافر وماكانش شكون لي يشريلي لوازم الحلويات بعيدة الحانوت عليا ايا فتحت الثلاجة وشي لي كان خدمت بيه
700غ نواد كوكو الرقيق على خاطر كاين الخشين نضيفلو بشور 3 ليمونات
700غ عجينة السكر نحطها في كاسرونة ونذوبها مع فنجال تاي ماء الزهر وزوج مغارف زبدة كي تذوب مليح نضيفها لنواد كوكو ونخلط بملعقة خشبية على خاطر الخليط سخون وكي يتخلطو نستعمل اليدين ونعجن مليح حتان النواد كوكو يطلق الزيت تاعو ونحاول نضغط عليه براحة اليد اذا تشكلت الكويرة خلاص الحشو واذا ماتشكلتش نضيف مغرف كبيرة زبدة طرية
نجيب مول البالون ونحط الحشو ونضغط مليح باش تتشكل عندنا بالونات متحوفين ونحطهم بجيهة
نذوب الشوكولاطة بدون اضافات وندهن لي مول تاع البالون باستعمال ملعقة صغيرة ونحط الحشو ونعدل الحبة مليح ونحطو في الثلاجة 10 دقائق ونحيه برفق
نحط شوي شوكولاطة فوق حبة الصابلي ونلصق الحشو ونزين الحبة كيما يحب الخاطر
ماكانش عندي ملون ابيض باش نضيفو للسكر قلاصي فاستعملت السكر وماء زهر وزينت بخطوط وبس

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

هاذ الكمية خرجتلي 60 حبة

idron0 · 2015-12-19, 19:24

قريوش oum fadoua

3 كيلات فرينة نصف كيلة سمن ولا زيت وطميها بالماء الزهر
هذي الوصفة تقدري دريها بجميع وصفات نتاع قريوش .

هذى القطعات لقطعت بيهم

idron0 · 2015-12-19, 21:16

الكبدة بالطوطاطيش انا هي رزيقة

تاع يما العزيزة هي تاع لعجايز بصح فيها بنة رهيبة و مختلفة تماما على الكبدة المشرملة المعروفة حطي مقلة فيها زيت زيتون و زيدي فيها كبدة مقطعة الى قطع متوسطة و حمريها على نار متوسطة بدون ملح ثم نحي قطع الكيدة جانبا و في نفس المقلاة ديري طماطم مقطعة و مقشرة و منزوعة الماء تاعها مع شوي زيت زيتون و ملح و قليها مليح ثم عاودي ديري قطع الكبدة تاعك في المقلاة و خلطيهم مع بعضاهم . لي يحبو الحار يمكن لهم زيادة فلفل حار مقطع صغير مع الطماطم او حتى فلفل حلو تجي ايضا بنينة . كي تفرغي الكبدة تاعط في الطبسي زيدي عليها ملعقة كبيرة زيت زيتون . هي اكلة قبائلية طبيعية مائة بالمائة دون اي اضافات و تاكل مع الكسرة طبعا .

أم محمد علي · 2015-12-19, 21:20

معجون البرتقال (براج ) بمقادير مضبوطة روووووعة

الوصفة :
نخير برتقال شباب وملحم أفضل
نغسل الحبات جيدا ونربيهم مليح
نضغ البرتقال المربي في قدر يغلي حتى تروح قع المرورية ويطيب إذا وضعتي شوكة تدخل بسرعة فيه معناه طاب

بعدها نصفيه في كسكاس وهنا خطوة مهمة أنا شخصيا نخليه ليل كامل يقطر 100%
وبعدها قطعيب براج براج
ونكيل بنفس الكيلة :كيلة ماء وكيلة سكر وكيلة برتقال براج (نفس الكيلة متبدليش الصحن )
نضع كيلة ماء وكيلة سكر يطيبوا فوق النار (سيروا)مدة 20 د
ثم نرمي كيلة برتقال (براج) في سيروا ونخليه يتشرب السيروا مليح ويعقد ونقف معاه وننزع كل الرغاوي التي تكون سبب في قروصية المعجون
وكيعقد طفيه ويكون جاهز
وبصحتك
رائع ذوقا وشكلا

]

idron0 · 2015-12-19, 21:24

وصفة التبولة lotus flowerl

الكمية على حسب افراد الاسرة

1 /نصف كاس او فنجان صغير برغل رقيق ناعم منقوع في ماء دافي مدة 15د (مع اضافة قليل من الملح و شوووية زيت الزيتون.......هذه اظافتي باش تدخلو البنة و ما يجيش صامط)
2 / نقطعو حبة طماطم و حبة بصل صغيرة و ربطة معدنوس قطع صغيرة
3 / نخلطو البرغل بعدما تصفيه اذا بقى فيه الماء مع خليط الطماطم
4/ نزيدو عليه عصير ليمون و ملح و زيت الزيتون انت و ذوقك على حسب درجة الحموضة اللي تحبيها ....
انا نخلطهم وحدهم كيما اافينيقرات و ندوق و نصبهم عليها
5/ تزيدي سيدتي نعناع اخضر او يابس
اذا يابس معليش مالاول و اذا اخضر خليه لوقت التقديم لا نو يكحال ....و الى الثلاجة

هذه قاعدة التبولة عامة بصح كاين اختلاف بين الدول الشامية في الاضافات
هوما يزيدو دبس الرمان و الفلفل مقطع و ممكن بهارات على حسب المنطقة

انا ما نحبش الدبس....
و كاين ما ينقعش البرغل يغسلوه برك بالماء دافي مليح و يقطعو عليه الطماطم بماها يتشمخ فيها مع كامل المقادير....
هذه الطريقة ما تعجبنيش....

هي سلطة خفيفة و فريشكة خاصة للصيف
وصحية جدا

بصحتكم من وصفة صغيرة كتبت جرنان.....

اذا حبيبتي ترجعيها تبولة جزااااائرية
بدل البرغل استعملي الكسكس بنفس الطريقة

idron0 · 2015-12-19, 21:46

ميني تارتولات بالغاناش اسيا 27

العجينة
grs 250 مرغرين و حبة بيض و صفار بيضة كاس سكر ناعم فرينة و لافاني 2 ملاعق مايزينة
ضربي المارغرين مع السكر من بعد زيدي البيض لافاني المايزينة و لمي بالفرينة مافيهاش الخميرة الكيميائية
و العجينة تكون طرية شكليها كريات صغيرة على حساب لي مول اللي عندك حلي كل كرية في القالب و دخليهن للفرن يطيبو و بعد ما يطيبو و يبردو احشيهم

و للحشو
300grs شوكولا سوداء دوبيها فوق حمام ماء و زيديلها 2 ملاعق حليب و 3 علب كرام ديسار بنينة تجي بنتو مع الشوكولا هباااال

خليها تبرد شوية برك تشد روحها و ديريها في كيس حلواني وديريها وريدات صغار و لا سامبل كيما درتها انا

و حطي فوقها حبة لوز و لا حبيبات الشوكولا و لا بيستاش و لا لي كوبو بالشوكولا بيضا انت اختاري.

idron0 · 2015-12-20, 17:16

كسرة في الفور بالرايب دائمة الحمد

إضغط هنا لرؤية الصورة بحجمها الطبيعي.

idron0 · 2015-12-20, 17:19

الروز انا هي رزيقة

تقلي بصلة متوسطة مقطعة رقيق مع لحم مقطع صغير مع فصين ثوم مدقوقين مع ورقتين رند مع شوي كمون لازم الكمون و فلفل كحل و شوي فقط قرفة و ملعقة صغيرة فلفل عكري و و حبتين زروديا مقطعين رونديل و زيت طبعا قلي الكل مليح ثم زيدي ملعقة صغيرة معمرة طماطم مصبرة ثم زيدي قلي و مرقي على حساب ما يطيب اللحم تاعك .يمكن طبعا تعوضي اللحم بالدجاج. و في نص الطياب ارمي في المرقة جلبانة و كمشة زيتون اخضر منزوع االنوى و مغلي نصها مقطع رونديل و النص صحيحة. في هذه الاثناء تكوني طيبتي الروز تاعك في ماع مضاف اليه ملح و ورقة رند و ملعقة صغيرة معمرة كركم . انا نستعمل دائما الرز المفور . لازم يطيب ال دانتي يعني مشي 100بالمائة. امبعد صفيه بعد ما تضيفي ماء بارد في الاناء لي طاب فيه به نحيلو النشاء الزايد. امبعد ارميه في الصوص الطايبة. هنا عينك ميزانك لازم تكون لاصوص قيس ما تخلي الرز تاعك يتشرب من الماء تاعها لمدة 5 دقائق و طفي عليه و شهية طيبة .

إضغط هنا لرؤية الصورة بحجمها الطبيعي.

idron0 · 2015-12-20, 17:40

بطاطا بالسلق ام رحاب

السلق اغسليه وفوريه وعصريه في مقلة ديري 2حبات طوماطيش مرحيين و2سنات ثوم مرابيين معاها وملح وفلفل اكحل وراص الحانوت والزيت طبعا ويلا حبيتي ديري الزبدة وكي تعقد كثريلها الفورماج واغلقي عليها وقلي بطاطا مدورة
وجيبي سدر تاع الجاج ولا الداند وقليهم في الزيت شوية وحطي في السنيوة البطاطا وفي الوسط ديري السلق وديري من فوق الجاج وغطيها بالبطاطا وديري البيض مع الفورماج وارمي عليها بصح المقلة مادابيك ماتلسقش باه اجيك خبزة
وتقدري تستغناي على الجاج ولا الداند انا ساعات انديرها وحدها واجي هايلة.

إضغط هنا لرؤية الصورة بحجمها الطبيعي.

idron0 · 2015-12-21, 16:49

خرشف بالزيتون واللحم ام رحاب

اتنقي الخرشف واتغسليه واتغليه في الماء ونص حبة قارص وشوية خل كي يغلي مليح صفيه
في طنيجرة وجدي اللحم وديري الدرسة حمرا يعني الثوم ملح فلفل ادريس فلفل اكحل كمون طماطم مصبرة وخليهم ايتكتكو شوية في لاصوص واتكوني غليتي الزيتون تاعك 2 مرات وارميهم معاهم وارمي الخرشف تاعك ايطيب مع اللحم امبعد ايلا حليتي عليها القيتي اللحم طاب نحي اللحم وخلي الخرشف ايكمل طيابو لازم ايكون طايب مليح ولازم اتكون المرقة عاقدة وحمرا ايجيك هايل ويلا حبيتي تقدري ادزيديلهم بطاطا مقلية انا مانحبش انزيدها وانت ايلا حبيتي تقدري اديريها.

إضغط هنا لرؤية الصورة بحجمها الطبيعي.

مريم السامية · 2015-12-21, 17:51

بارك الله فيك

idron0 · 2015-12-21, 19:48

الخبيزات ام ساجد

من قناة بنة خبز البرغر لطباخ مصطفى عابدين عجبني ساهل
وهشوش

70غ سكر و25غ خميرة و15غ ملح و 20غ زيت و150غ ماء دافي نخلطهم مع بعض ونصبهم فوق 500غ فرينة
ونعجنهم مليح ثم ندهن مكان العمل بالزيت ونعمل العجينة حربوش ونقسمها 6كور ونلف الكور بكف اليد
ونحطهم في صينية وندهنهم بالزيت ونذرذر جلجلان ونخليها تخمر نص ساعة ونطيبهم

انا ماعنذيش ميزان بعثت لخميرة لحانوت وزنلي ههههههه الخميرة جات زوج مغارف اكل ،السكر عملت 3مغارف اكل ،الزيت عملت 4مغارف اكل، الماء عملت ربع لتر ماء.

idron0 · 2015-12-21, 19:57

سفيرية ام حمزة 22

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

idron0 · 2015-12-21, 21:13

سردين فالفور ام جوجو

طبقت الوصفة تاع ام يسرى ربي يذكرها بالخير هي دارتها بالحوت بصح انا درتها بالسردين وجات روووووووعة جربيها ورديلي لخبر
شوفي قطعي البطاطا تاعك دوائر متوسطة وطماطم تاني قطعيها دوائر والبصل تاني قطعيه دوائر
ذوبي كمية من الزبدة رابي فيها الثوم وقطعي فيها شوي معدنوس ملح فلفل اسود تبلي الخضرة تاعك بهاذ الخليط وستفيهم في السينية من الفوق حطي السردين تاعك لي نظفتيه وزيدي تبليه بالزبدة الذايبة لي بقات ضيفي نصف كاس ماء ودخلي السينية داخل الفور تطيب
والله هاااااايل.

idron0 · 2015-12-21, 22:04

المقرقشات ام رحاب

5 كيلات فرينة وكيلة سمن ذايب وبارد وقرصة ملح وماء الزهر باه اتبلي لعجينة والعسل والجلجلانية

انحط في طبسي كبير الفرينة والسمن ايكون سخون وبارد وديري شوية ملح واتبلي بالماء الزهر واتعجنيها حتان تولي ملساء وخفيفة ماشي جارية شادة روحها

واعجنيها بالكف تاع الايد وكي اتشوفيها طاوعاتك خليها ترتاح ربع ساعة وابداي حليها بالحلال مليح لازم اتكون رقيقة بزاف وقطعيها شرائح ماتكونش رقيقة بزاف انا درت 2 صباعتين وقطعت ةلازم اتكون الزيت سخونة واتبداي اتحطي واتلوي بالفرشيطة حتان تشكلك وردة واترمي عليهم بالمغرفة الزيت حتان تتنفخ وكي اتكملي عسليهم وديريلهم الجلجلان.

إضغط هنا لرؤية الصورة بحجمها الطبيعي.