السلام عليكم و رحمة الله و بركاته
بسم الله
الطريقة
كيكة البرتقال : هذه الكيكة من غير ما تسقيوها خاطرها مشبعة بالعصير يممممممممممي نتمنى تجربوها
4 بيضات + 1 ك زيت + 1 ك عصير برتقال (من غير ما تصفيه) + 1 م ك قشر برتقال أو أكثر+ (حسب الذوق : من نصف ك إل ثلاثة أرباع ك سكر) أنا حطيت نصف كاس, شوية فانيليا : حطيهم في ركاضة العصير , شوفو هنا في الصورة :
أنا هنا قبل ما نعصر البرتقال , بشرت القشر الكل و استعملته , و بعد عصرته بالعصارة اليدوية اللي تشوفوها هنا, و من غير ما نصفيه, خليه ثقيل :
ركضي الخليط في الخلاط, حتى لونه يبياض, و تقريبا يتضاعف حجمه, و تكوني حضرتي : 2 ك فرينة غربليهم مليح , مع 1 و نصف م ك خميرة حلويات
صبي الخليط في ماعون , و كل مرة زيدي شوية فرينة و خلطي من تحت لفوق , حتى تكمل الكمية الكل, يمكن تحتاجي للخلاط اليدوي إذا حسيتي تكتلات :
هنا خليط الكيكة حاضر :
صبيه في طبق مدهون بالزيت و مرشوش بالفرينة : ((الطبق هذا في الصورة : حسب مسطرتي ههههه : 29 على 21.5 صم )
يكون الفرن مسخن على 180 درجة من تحت و فوق
استغلي هذا الوقت : ابشري شكلاطة
بعد 20 أو 25 دق تكون جاهزة, فقط طفي من تحت و خليها تحمار شوية من فوق , للجمالية فقط هههههه
خرجيها من الطبق على رف سلكي
و هي سخونة قصيها على 2 : شوفو لونها أصفر على برتقالي يا سلاااااااااااااااااااااااااام و ريحتها تهبل :, أنا هنا استعنت بصحن PLAT حتى يسهل قلب الجزء الثاني :
رشيها بالشكلاطة اللي بشرتيها في الوقت اللي الكيكة في الفرن : الشكلاطة تذوب بعامل سخانة الكيكة
خليها تبرد ملييييييييييييييييييييييييييييح
في هذاك الوقت , اغسلي الطبق نفسه و جففيه , افرشي فيه ورق المنيوم لتسهسل نقل الكيكة بعد تزيينها, و فوقه ورق بلاستيكي حتى يسهل التزيين و النقل
حطي نصف الكيكة , اللي كان من فوق :
حضري كرام شانتيي , و ادهني نصف الكيكة, بصراحة أنا استعنت بالبوش , خفت لا نحرك الشكلاطة من مكانها
حاولي بسرعة قلب الجزء اللي كان من تحت, و اضغطي عليه شوية . (يعني النتيجة أن الكيكة تكون مقلوبة , رأسا على عقب, السطح اللي راح نصبو عليه الفلان هو الطبقة التحتية و ليس وجه الكيكة)
ادهني من فوق بمعجون مشماش, من غير إضافات, حتى لا تتشرب الكيكة الفلان اللي نحطوه من بعد
و ببقية الكرام شانتي, اعملي حدود للكيكة ( باش كي نصبو الفلان ما يهبطش على الجوانب)
خليها ترتاح شوية في الثلاجة
في هذا الوقت خلطي : 1 ك عصير برتقال (صفيه المرة هذه) + 3 م ك فلان برتقال + 2 م ك نشاء حتى يتجانس الخليط (عندي فلان بالسكر لذلك لم أضطر لإضافة سكر) إذا اللي عندك من غير سكر أضيفي 2 م ك .
تعديل للوصفة هام جداااااااا: لاحظت اللي الفلان اللي عندي يختلف على الفلان عندكم في الجزائر !!!! لذلك يمكن يخرج الخليط عندكم أثقل شوية!!!! من الأحسن أن تخرج النتيجة و كإنه جيلي (شفاف شوية) : لذلك أقترح أن تزيدو في كمية العصير زيدو نصف كاس أو حتى أكثر شوية!!! المهم النتيجة لازم تكون كالآتي : المزيج لما يطيب يكون كالكريمة الخفيفة, و لما يبرد يكون سطحه أملس و لامع, و شفاف شوية.
غليه على النار حتى تلاحظي اللي الفقاقيع اختفت و المزيج ثقال :
صبيه على الكيكة و رجعيها مرة أخرى للثلاجة :
لما يتماسك خليط الفلان, حطي أغطية قوارير الماء ههههههه بهذا الشكل : و رشي فوقهم ( 1 م ك غبرة الفلان مخلطة مع 3 م ك شكلاطة اللي نحطوها في الحليب للأطفال أو كاكاو)
و حاولي تنزلي اللي يبقى فوق الأغطية بالشوية :
شوفو الشكلاطة هنا لصقت في الفلان , تنزعي الأغطية برفق و ارشقي أوراق النعناع بهذا الشكل :
خليها تبرد في الثلاجة لوقت التقديم
لتخريجها من الطبق, حاولي تستعيني بشخص ثاني, واحد يشد الالمنيوم من طرفي الطول, و الآخر يشد من البلاستيك من طرفي العرض ( تفسير وااااااااااااضح !!!! ههههه)
حطيها على طبق التقديم, هبطي أوراق البلاستيط و الالمنيوم على الجوانب , دخلي ايديك تحتها و ارفعيها بلطف شدييييييييييييييييد هههههه و الشخص الثاني يسحب الأوراق بسرعة (مرة أخرى تفسييييييييييير واااااااااااااااضح جدااااااااههههه) : هذا شكلها يااااااااسلاااااااااااااااااام :
خططيها بالسكينة من فوق فقط , بشكل مربعات , يمكن تقدميها بهذا الشكل , لكن من الأحسن تشيلي الجوانب (و استغليهم في التحلية !!!! أنتظرو البقية هههههه)
اللي تحب تقدمها في شكل كيكة فقط تضيف الشانتي مرة أخرى على الجوانب , اللي تحب تقدمها باتسري فقط تقطعها كيما عملت أنا :
شوفو هنا قصيت الجوانب الزايدة : قدميها هكذا :
حافظي عليها باردة لحين التقديم مباشرة, حطيها قدام جماعتك و اتمنظري هههههه على قولة المصريين
و بعد قصيها مربعات باتباع خطوطك المرسومة من قبل :
تتفكرو الجوانب هههههههه قصيهم و قدميهم في أكواب, اسقيهم من فوق بياغرتة وزينيها بأي فاكهة :
و هذه النتيجة النهائية
20 قطعة باتسري, و 2 أكواب من الحجم الكبيييييييييييييييييير (إذا كان الحجم عادي يمكن حتى 4 أكواب أو أكثر)
ملاحظة العصير هنا في وصفة الكيكة و الفلان كله طبيعي !!!
نتمنى تجربوها و تدعيولي
الوصفة المرة هذه سهلة جدااااااااااااااااااااااااااااااا ما تخافوش هههههه يمكن أنا طولت في التفسير لكنها سهلة جدااااااااااااااااااا و لذيذة جدااااااا
هههههههههههه على الأقل جربو الكيكة وحدها