موضوع مهم أرجو الاجابة

[Dhiaeddine Ben]

كما تعلمون لا يفصلنا الا شهر وبضعة أيام عن البكالوريا وبما أن حضورنا الى المنتدى اصبح قليلا نسبيا وقبل انعدام الحضور اريد طرح استفسار لطالما أجلته
كيف اراجع مصطلحات التاريخ والجغرافيا لأني أخاف أن أنسى ؟
........

اريد بعض النصائح حول أسبوع البكالوريا وهذه أهم النقاط التى أريد من أصحاب التجربة او أي شخص يعرف عنها ان يجيبنا :

كيف اختار الموضوع؟ وماهي المدة اللازمة لاختيار الموضوع؟
..........
هل صحيح يجب الكتابة بلون واحد ؟ لا استطيع الكتابة بلون واحد فقط لأني اعتدت على اللون الاسود في كتابة الأسئلة والأزرق للاجوبة وارى ان لون واحد سيجعل الورقة فوضوية
....................
ماهي الاحتياطات الواجب اتخاذها قبل تسليم الورقة ؟
.................
كيف اتصرف بعد الخروج من قاعة الامتحان وخاصة أني لن أذهب للمنزل لبعد المسافة نوعا ما يعني لازم نركب فال bus ولا أريد الوقوع في خطر التأخر وبالتالي كيف اقضي الفترة بين المادتين ؟
...........
عند العودة الى المنزل كيف استعد لمادة الغد ؟
..........
واذا كانت هناك اضافة ارجو تقديمها.....

[SELIM2019]

كما تعلمون لا يفصلنا الا شهر وبضعة أيام عن البكالوريا وبما أن حضورنا الى المنتدى اصبح قليلا نسبيا وقبل انعدام الحضور اريد طرح استفسار لطالما أجلته
كيف اراجع مصطلحات التاريخ والجغرافيا لأني أخاف أن أنسى ؟
حتى انا راني خايف انسى بسرعة

اريد بعض النصائح حول أسبوع البكالوريا وهذه أهم النقاط التى أريد من أصحاب التجربة او أي شخص يعرف عنها ان يجيبنا :

-دير مراجعة شاملة خاصة للمواد الاساسية ليلة الامتحان مثلا انا العلوم راجعت من الكتاب المدرسي فعلا ملخصات لا يستهان بها تجدها في اخر كل وحدة, الرياضيات راجعت من ملخص عبعوب بالدارجة, الفيزياء من كراسي حيث كنت كتبت فيه كل القوانين راجعتها فقط والتعاريف اسئلة واجوبة ,,,الخ يعني مراجعة خفيفة وابدا لا تحل تمارين ليلة الامتحان ابدا
- في ذلك الاسبوع اهتم بالمواد الثانوية خاصة واننا نهملها طيلة السنة, ابحث عن المقترحات وركز عليها غالبا ما طيح مثلا انا صدق او لا تصدق العام الليفات راجعت المقترحات فقط في العلوم الاجتماعية واخذت 14,5, كذلك ما تنساش باقي الدروس لكن ركز على المقترحات
- حاول حل بعض التمارين التذكيرية البسيطة فقط
- لا تحاول اجهاد نفسك وخلي مورالك طالع
[SIZE="6"]كيف اختار الموضوع؟ وماهي المدة اللازمة لاختيار الموضوع؟
عندك 30 دقيقة, نعطيلك طريقتي في كيفية اختيار الموضوع
انا كي نقرا الموضوع اكون حيادي جدا يعني لا معا هذا لا معا الثاني, كثير من الناس يقرا موضوع يجد فيه وحدة سهلة متمكن منها يختاره وهو الله يعلم في التمارين الاخرى كم من فخاخ مدسوسة وشباك منسوجة
انا نقرى الموضوع الاول نشطب على الاسئلة التي اعلم اني نقدر نجاوب عليها كذلك نفس الحال للموضوع الثاني, في الاخير نحسب عدد الاسئلة للي نقدر نجاوب عليها في كل سوجي والسوجي لي فيه اكبر عدد من الاجابات للب نقدر نجاوب عليها هذا هو اختياري
هذه الطريقة ولا واحد علمهالي و ولا واحد يعلمهالك, اجتهادي واستخاد المنطق فقط
هل صحيح يجب الكتابة بلون واحد ؟ لا استطيع الكتابة بلون واحد فقط لأني اعتدت على اللون الاسود في كتابة الأسئلة والأزرق للاجوبة وارى ان لون واحد سيجعل الورقة فوضوية
نعم لون واحد فقط, حاول التقليل من الاخطاء وحاول تكون اجاباتك منظمة وورقة نظيفة وبلون واحد فقط, (هناك نقطة على التنظيم^^)
ماهي الاحتياطات الواجب اتخاذها قبل تسليم الورقة ؟
قبل تسليم الورقة اليك ما افعل
اذا كان كاين متسع من الوقت نعاود نقرى من جديد كأني نحل السوجي مرة اخرى بالتدقيق, نشوف اخطاء تحاول تصححها فراغات املأها او اسئلة نسيتها
ما ان انتهي نرقم الاوراق تاوعي اذا كانو بزاف وانا نقرافيهم (نلسقهم شخصيا) حتى نتأكد انو كل ورقة هناك لاصقة باحكام عدا نسلم الورقة
لا تتعجل ابدا با لوكان تبقى التالي’ هاذا يسموه تحديد مصير
كيف اتصرف بعد الخروج من قاعة الامتحان وخاصة أني لن أذهب للمنزل لبعد المسافة نوعا ما يعني لازم نركب فال bus ولا أريد الوقوع في خطر التأخر وبالتالي كيف اقضي الفترة بين المادتين ؟
لمجرد ان تخرج من الامتحان لا تبحث عن الاجابات, سواء عندك صحيح ام خطأ طفرت ما تقدرش تغير اجابتك سي بون مشات, هاذا سوف يقلقك ويؤثر سلبا على امتحانك القادم
غادي نكونو فالصيف حاول تتغذى وتشرب الماء لان الجفاف يؤثر على قدرتك العقلية كثييرا
بين المتحانات لا تراجع دروس طويلة من الملخصات فقط, مراجعتك نكون من معتدلة الى خفيفة
عند العودة الى المنزل كيف استعد لمادة الغد ؟
ارتاح, لا تبحث عن تصحيحات المواضيع, تابع الجديد بلاك سربو كاش سوجي, بالاك, كما قلت مراجعة خفيفة ونم باكرا
واذا كانت هناك اضافة ارجو تقديمها.....
هذا فقط
انا فوت مرتين, كنت مثلك قلق ومتوتر, لكن صراحة هو لا شيء
كن متيقنا انه سيكون في المتناول وهاذوك التمارين الصعبة لا وجود لها فقط استخدم عقلك واعمل بذكاء
لا تستهن بأي سؤال, فكل سؤال منقط
لا تترك اي سؤال الا واجبت عنه, حتة لو كان قانون فقط, حتى لو كان لا علاقة, لا تتسرك الاجابة فارغة
ربي ينجحك وينجحنا

[Hou Da Lar]

المشاركة الأصلية كتبت بواسطة dhiaeddine ben

كما تعلمون لا يفصلنا الا شهر وبضعة أيام عن البكالوريا وبما أن حضورنا الى المنتدى اصبح قليلا نسبيا وقبل انعدام الحضور اريد طرح استفسار لطالما أجلته
كيف اراجع مصطلحات التاريخ والجغرافيا لأني أخاف أن أنسى ؟

معنديش فكرة عليها مي سيي سجل الدرس في تلفون و ولي تسمعه كل ما تكون قاعد بلاك تنفعك




اريد بعض النصائح حول أسبوع البكالوريا وهذه أهم النقاط التى أريد من أصحاب التجربة او أي شخص يعرف عنها ان يجيبنا :

كيف اختار الموضوع؟ وماهي المدة اللازمة لاختيار الموضوع؟


اختيار شوف سيجي لي تلقا روحك مجاوب على اغلبية الاسئلة و ميشدكش ديه و قبض قلم رصاص و شطب على لي متعرفهمش و دير احصائات و شوف وينه لي يساعدك و لاخلر قطعه باش متوليلهش
المدة صدقني غادي غير تشوف سيجي تعرف شا تخير ماكسيموم ربع ساعة تكون خيرت و كملت



هل صحيح يجب الكتابة بلون واحد ؟ لا استطيع الكتابة بلون واحد فقط لأني اعتدت على اللون الاسود في كتابة الأسئلة والأزرق للاجوبة وارى ان لون واحد سيجعل الورقة فوضوية


تنجم تكتب بالازرق و الاسود ولا الاخضر ولا اي لون مهم ميكونش احمر
انا كتبت غير بالازرق و جات الورقة منظمة و كلش
ماهي الاحتياطات الواجب اتخاذها قبل تسليم الورقة ؟

vérifi اسئلة ادا جاوبت عليهم قاع و عاود راجع الاجابة و الاوراق تاكد ادا راك مرقمهم نيشان و ستفهم و قرافيهم غايا


كيف اتصرف بعد الخروج من قاعة الامتحان وخاصة أني لن أذهب للمنزل لبعد المسافة نوعا ما يعني لازم نركب فال bus ولا أريد الوقوع في خطر التأخر وبالتالي كيف اقضي الفترة بين المادتين ؟
شوف على حساب الوقت كيما عربية مطولش فيها بزاف مالا روح لداركم و ريح و مات و لخرين منين تكمل تفاهم مع صحابك تلاقو في كاش بلاصة باش تنقصو من ستراس


عند العودة الى المنزل كيف استعد لمادة الغد ؟
منين توصل لدار ريح و رقد شويا مبعدا نوض ريفيزي الملخصات


واذا كانت هناك اضافة ارجو تقديمها.....

شوف درك غادي تتخلط و كلش و تبانلك حاجة واعرة مي صدقني دك غير يجي داك نهار تروح تفوت و نتا فرحان و مورال طالعلك و كلش يبانلك ساهل
قبل ما يقسمو لي سيجي متجبدش قاع على قراية باسكو تتخلط باطل و الافكار يروحولك
دعي ربي يوفقك و قول بسم الله و بدا و متخممش ادا تربح ولا نو حل لي تعرفه و سايي لي جاك واعر فوته مبعدا عاود وليله

بالتوفيييق

[بشرى.22]

حبيت نسقسيكم ياك يخلونا نلصقوا الاوراق وحدنا بالقرافاز

كيفاش نلصقوهم خصوصا ان الورقة الاولى رايحين يقطعوا جهة الاسم واللقب

فيما يخص العلوم و الجغرافيا يخلونا نستعملوا الالوان في الرسم ولا لا

[مُـ‘ـُنُـ‘ـُـعُـ‘ـُمُـ‘ـُ]

المشاركة الأصلية كتبت بواسطة بشرى.22

حبيت نسقسيكم ياك يخلونا نلصقوا الاوراق وحدنا بالقرافاز

كيفاش نلصقوهم خصوصا ان الورقة الاولى رايحين يقطعوا جهة الاسم واللقب

فيما يخص العلوم و الجغرافيا يخلونا نستعملوا الالوان في الرسم ولا لا

نعم يخلوك، انت كي تلسقي الورقة لسقيها في الورقة لي تكون من الخلف. كي يقطعوا الورقة من الأمام تبقى لاصقة من اللورا.
على ما أعتقد يخلوك تستعملي الألوان في الرسم ،، رغم اني مجربتهاش، كان عندي ستيلوا واحد نكتب ونرسم بيه في نفس الوقت ^^

[~عيون القلب~]

شكرا على الموضوع ~
عندي سؤال كذلك : ما هو انسب برنامج لرمضان المبارك , ان شاء الله

[الإسكندر الأكبر]

بارك الله فيك ، موضوع مفيد .

[انفال19]

بارك الله فيك

[الثلـــجة الصغيرة]

المات اشمل ملخص هو ملخص المغني

[الثلـــجة الصغيرة]

ممنوع التسطير ياك ؟؟

[مُـ‘ـُنُـ‘ـُـعُـ‘ـُمُـ‘ـُ]

المشاركة الأصلية كتبت بواسطة ~عيون القلب~

شكرا على الموضوع ~
عندي سؤال كذلك : ما هو انسب برنامج لرمضان المبارك , ان شاء الله

أنا كنت نقرا في الليل نبدا وراء الفطور ونكمل حوالي الساعة السادسة أو السابعة صباحا، لأني في الصباح متكونش عندي الطاقة باش نقرا ^^ .. شوفي قدراتك وأبني البرنامج لي يساعدك أنتي

[مُـ‘ـُنُـ‘ـُـعُـ‘ـُمُـ‘ـُ]

المشاركة الأصلية كتبت بواسطة الثلـــجة الصغيرة

ممنوع التسطير ياك ؟؟

ههه أول مرة نسمع بيها ^^
... أكيد مسموح

[~عيون القلب~]

المشاركة الأصلية كتبت بواسطة مُـ‘ـُنُـ‘ـُـعُـ‘ـُمُـ‘ـُ

أنا كنت نقرا في الليل نبدا وراء الفطور ونكمل حوالي الساعة السادسة أو السابعة صباحا، لأني في الصباح متكونش عندي الطاقة باش نقرا ^^ .. شوفي قدراتك وأبني البرنامج لي يساعدك أنتي

شكرا على اجابتك أخي منعم , وفقك الله