مخبز المزيود اللي راهي دايرة حالة هاذ العام طري و معسل و طريقة تحويل بنة الكوكاو إلى لوز,,, لا يفـــــــــــوتكم,~~ - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم الطبخ و المأكولات > قسم الأطباق المجربة و الحصرية (تطبيقات العضوات)


في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

مخبز المزيود اللي راهي دايرة حالة هاذ العام طري و معسل و طريقة تحويل بنة الكوكاو إلى لوز,,, لا يفـــــــــــوتكم,~~

إضافة رد
 
أدوات الموضوع انواع عرض الموضوع
قديم 2019-04-06, 18:23   رقم المشاركة : 1
معلومات العضو
المداينية26
عضو مميّز
 
الصورة الرمزية المداينية26
 

 

 
إحصائية العضو










افتراضي مخبز المزيود اللي راهي دايرة حالة هاذ العام طري و معسل و طريقة تحويل بنة الكوكاو إلى لوز,,, لا يفـــــــــــوتكم,~~

السلام عليكم ورحمة الله تعالى و بركاته
ياا شحال توحشت هذا القسم خخخخ كي راكم غاية ولا؟
نتوم شفتو وحدة في عام الباك تشد لي كوموند ههه الله يجعل خير
ليوم حا نديرلكم مخبزي الجميييييييل يلي يذوقو يهبل عليه و الأهم من هذا يحسبوه باللوز و هو بالكوكاو خخخخ لكن أكيد نخبرهم بلي كوكاو مش لوز..

قييو كليتو و نتم لا هههه..
المهم نبداو على بركة الله ,,
1_ نبداو بالكوكاو,, انا استعملت رطل كوكاو مقشر 500 غرام - 190 دج - خرجتلي 26 حبة
رفدت الكوكاو غسلتو 3 مرات بماء دافي واش نحكيلكم خرج منو العجب
و حطيت قدرة درت فيها ماء .. كي رجع يغلي حطيت الكوكاو و خليتو فيه حتى رجع غلى امبعدا طفيت عليه و غطيتو لمدة دقيقة و نصف

امبعدا صفيتو و حطيتو في إناء وهو سخون درتلو 2 مغارف كبار عطر اللوز الحلو و مغرفة كبيرة عطر اللوز المر و خلطتو و حطيتو ينشف

امبعدا دخلتو للفرن واحد 45 دقيقة غلى نار قليلة حتى نشف كاااااااامل و ريحتو و زدتلو مغرفة صغيرة عطر لوز حلو و خليتو,,
2_ نبداو ذركا بالمخبز :
المكونات :
-500 غرام كوكاو ملوز خخخخ
-بالنسبة للسكر العادي ديما نديرو 3 كيلات كوكاو و بكيلة ناقصة دوا من السكر.. مادام هنا عدنا 500 غرام كوكاو معناها نديرو حوالي140 غرام سكر عادي و ماشي رطب.. اخدمو بالكيلة أحسن
- مبشور ليمونة
- حبة بيض,, و 2 صفار بيض { البياض بيض نخدمو بيه قلاصاج امبعدا }
- ملعقة صغيرة فانيليا
الطريقة:
أولا نحطو اللوز تاعنا في إناء يل يحا نخدمو فيه

مبشور الليمون

السكر و الفانيليا

و نخلطو امبعدا نظيفو لبيض

و نلمو و ما نعجنوش

حتى نتحصلو على عجينة متماسكة

و هنا ضرووووريييي نخلووووه يريح باه السكر هذاك يذوب و يتعسل الكوكاو,, انا هنا خدمتو على 1 و رحت نقرا ليكور فيزياء و علوم و رجعت ليه على 6 ...
نصيحة: كي نبداو نخدمو فيه من الأحسن نحطوه بين نيلو و نحلو بالحلال,, باش نتفادو أنو العجينة تتقطع,,إلخ
انا هنا و بكل فخر استعملت صاشية الخبز ههه أكيد بعد ما نقيتها مليح
هنا قسمت الكمية..باش تسهال عليا و حليتها و قطعتها بهاذاك القالب تع الحديد السااااامبل

شوفووو سمكها

و كملت كلش و درتها تطيب

و هاااااااااااهيييييييييييييييي

و نخلوه يبرد,,, يجي هشيييش و طري يفدق
هنا للأسف ما صورتش المول .. يجي بلاستيك نحطو فيه الشيكولة المذوبة امبعدا تنحيها ..هنا ملونتهمش كامل على حساب طلب خالتو العزيزة

و خدمت القلاصاج { 2 بياض بيض تع قبيلات - كيلة -و كيلة ماء زهر,, كيلة عصير ليمون فانيليا و درت عطر موز مد بنة و ريحة تهبل و السكر ناعم حتى يثقال } ..و حطيت شوية منو في طبسي

و بديت نقلاصي , من الأحسن تحطو في حاجة مشبكة للأسف انا م اكانش عندي :

ملاحظة صغيرونة: هاذي أول مرة نقلاصي في حياتي بدون مول هههه موالفة نقلاصي بالشيكولة فقط في القالب تع سيليكون
و هنااااااااا,, حكمني الزهايمر ههه نسيت روحي بلي راني نصور و كملت كلش بلا تصوار للأسف أعذروني ههه
المهم بات ليل كامل حتى نشف و غد من ذاك صباح لمعتو بملمع فضي
و درتلو لا جولي,, لسقت هاذوك تع القوفريط تع شكل بيبي,, و لا بلا جولي لسقت شيكووووووووولة و صااااااااااااييي شهيتكم بالصحة ... كملتو ورحت نخدم في البقلاوة مع ماما واااااااع ظهري انكسر من الوقوف


ان شاء الله يعجبكم ممممواااح بسلامة,, ادعولنا معاكم






 

رد مع اقتباس
مساحة إعلانية

قديم 2019-04-08, 00:01   رقم المشاركة : 2
معلومات العضو
أمّ عبد الله
مشرف المنتدى الإسلامي العام للنّساء
 
الصورة الرمزية أمّ عبد الله
 

 

 
إحصائية العضو










افتراضي

وعليكم السلام ورحمة الله وبركاته

ماشاء الله روعة .... ربي يبارك .... بنتو راني حاسة بيها في فمي

مبروك عليكم المزيود الجديد يتربى في عزكم ...






رد مع اقتباس
قديم 2019-05-12, 15:44   رقم المشاركة : 3
معلومات العضو
azertyguid
عضو مشارك
 
إحصائية العضو










افتراضي

ممممممممم روووعة يعطيك الصحة







رد مع اقتباس
قديم 2019-10-15, 21:06   رقم المشاركة : 4
معلومات العضو
حميدحليم
عضو مشارك
 
الصورة الرمزية حميدحليم
 

 

 
إحصائية العضو










افتراضي

يهبببببببببببببببببببببل







رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 21:56

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2019 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright © 2018 vBulletin Solutions, Inc