ورشة sarra5 رقم 1 : قندورة forme soutien ساهلة ماهلة للمبتدئات........

[sarra5]

اليوم رايحة نبدا في اول ورشة ليا

خيطت قندورة تاع دار سامبل وصيافي

هي قندورة forme soutien من النوع البسيط



هنا شرح للقياسات الي ماتتبدلش في اي قندورة




هنا القماش باكمله



هنا طويته على اثنين و نزعت الحواف الغير مرغوب فيها



لما طويته قصيته على اثنين

النصف الاول للامام والنصف الثاني للظهر



نبدا دوما في القنادر البسيطة بالظهر لان شكل الرقبة تكون دوما عادية

الظهر



طويت القماش على 2 وفصلتها عادي بالمقاييس المعتادين عليها



و قصيت واش فصلت



وعملت la découpe معا les pinces في نفس الوقت و قصيتهم حتى نخيطهم من بعد





خلااااص انهينا فصالة الظهر

نروحو الان لفصالة الامام

كيما قلت من قبل ان القندورة عملتها فورم سوتيان

يعني راح نقسم الامام لجزء علوي ((forme soutien )) و جزء سفلي (( jupe القندورة))

رسمت الforme soutien على القماش المطوي على 2

وقصيتها

هذا رسم توضيحي للفصالة تاع قندورة FORME SOUTIEN

يعني الباترون الحقيقي تاعها

بالنسبة للجزء العلوي










و كنت رسمت باقي القندورة وقصيتها



راكم شايفين هاذاك المثلث تحت الرقبة ""هو سر الforme soutien "" باه يعطيها الشكل الصحيح""

وعملت هنا les pinces تاع la jupe ((يجيو مع نصف الكتف))



[

[sarra5]

حبسنا في الجزء العلوي تاع القندورة من الامام

الي هو forme soutien

هنا المراحل تاع التسجاف بالصور لكن انا هنا مااستعملتش الفيزلين لاني لا احتاجها





وهنا بعد التقليب والخياطة تحصلنا على رقبة جملية



بعدها نفتحو الرقبة ونحطلها لاستيك ""قطعة صغيرة"" باه نتحصل على التكماش تاع فورم سوتيان





هنا عملت les plies في الجانبين تاع فورم سوتيان





و خيطت la découpe في الجانبين





و خيطت les pinces تاع القندورة ""الجزء السفلي""





وخلااااص

نروحو للمونش

انا عملتها sans manche درتلها شرائط من الكتان وخيطتهم وعملتهم في مكان المونش



شوفو كيفاه جات



بعد مالصقنا الشرائط نقوم بغلق القندورة وخياطتها ""دوما نخيطو المونش اولا وبعدها نغلق""

هاهي القندورة جاهزة ""الصور في المرفقات""

[polyma]

ya3tik saha 3la warcha
law tahatina 9iyasate

[kany]

بارك الله فيك و ربي يعطيك ما تتمناي

[douda21]

يعطيك الصحة سرسورة، بداية موفقة، مي قوليلي مخليتيش القماش للمونش؟؟؟؟
ام سرسورة لو زدت شرحتي شويا كيفاه درتي لي ديكوب و كيفاه رسمتي لا فوغم سوتيان، هكدا باه لي ميعرفش يفهم احسن بالتفصيل الممل، يالفحلة بالتوفيق

[*ام يونس*]

يعطيك الصحة

[جوري لؤلؤة]

بارك الله فيك روعة

[أم ياسين الزهراء]

الله يبارك فيك راح نستنى التكملة

[ام هاديل وياسين]

بارك الله فيك

[فايزة1207]

ازربيلنا بالباقي اكيد راح تخرج متحوفة
انا في الانتظار

[الجزائرية المحبوبة]

بارك الله فيك اختى

[souheila dz]

بارك الله فيك شكرا أختي و واصلي رانا نستناو

[نبض الفؤاد]

بارك الله فيك....نحن في انتظار التكملة

[الاء هبة الرحمان]

يعطيك الصحة فى ميزان حسناتك

[sarra5]