وصفات حلويات مونيا غنية كما وعدت

مونيا غنية · 2012-09-01, 11:44

مقروط اللوز

3كيلات لوز مقلي قليلا ومرحي رقيق +1/2 كيلة سكر عادي+ 1/3 كيلة زاست قارس يعني قشور 03 حبات على الاقل+ ملعقة اكل فاني بودرة ذوق اللوز+ ملعقة اكل عطر سائل ذوق اللوزالحلو ونلم ببيض(بيضة +البيضة الاخرى صفار فقط) حتى نتحصل على على عجينة طرية ثم نشكلها مقروطات ونضعه في بلاطو مغطي كليا بطبقة من الفرينة هذا سر طياب مقروط اللوزومدة الطياب لاتقل ع ربع ساعة 15دقيقة فقط ويطيب من الاسفل فقط وعندما ينضج نغطسه في الشربات
الشربات: 2 كيسان ماء+كاس سكر+ عصير حبة قارس حتى تعقد
عندما ينضج مقروط اللوز ندهنه فقط بفرشات بالشربات لاتغطسي الحبة كليا ثم نرمده في السكر لمرتين المرة الاخيرة نضع السكر في صفاية حليب ونذري لكي نتحصل على شكل جميل

نقاش اللوز

03 كيلات ونصف فرينة + نصف كيلة نشا + كيلة سموغ (1/2 سمن ذائب+1/2زبدة ستار ) مغرفة قهوة ملح ونبسس الفرينة بالمسوغ ثم نمررهذا الخليط في السيار لمرتين ثم نشمخ بماء الزهر وماء حتى نتحصل على عجينة طرية

الحشو: 03 كيلات لوز مقلي ومرحي او كوكاو + 1/2 كيلة سكر عادي + 1/3 كيلة زاست قارس + فاني+ماء الزهر حتى نتحصل على عجينة يمكن تشكيلها وفي الاخير نضيف ملعقة زبدة ستارطرية نخلطها
نحلل العجينة دوائر ونضع حربوش في الوسط من الحشو ونشكلها لى شكل اصبع نقشها ونضعها في الثلاجة مدة ربع ساعة ثم نطيبها ونعسلها بالشربات(1 قارورة حمود بوعلام + كيلو سكر حتى تعقد) ونذري بيستاش

قاطو الججلانية

المقادير:
250غ زبدة+ 100غ سكر+ قرصة ملح + فانيلا+ 380غ فرينة

للتزيين
مربى المشمش+ ملون غذائي احمر+ جلجلان

التحضير

بواسطة خلاط لخفقي الزبدة+السكر حتى نتحصل على مزيج كريمي +قرصة الملح + الفانيلا ثم نضيف الفرينة حت تتحصلي على عجينة طرية نشكل العجينة كريات ثم نرمدها في الجلجلان ثم نضعها في مول السليكون ثم ندخلها للفرن ولما تنضج نضع في الوسط المربي الملونة

*سماح 94* · 2012-09-01, 11:54

هاايلين اختي يعطيك الصحة وشكرااا جزيلا على طريقة الفرينة في طياب مقروط اللوز بووركت

الصوامعية · 2012-09-01, 12:15

شكرا جزيلا عزيزتي على الوصفات ربي يحفظك

زينة سلمة · 2012-09-01, 12:18

شكرا على الوصفات

اماني f · 2012-09-01, 13:37

يعطيك الف صحة ويسلم يديك

ام سامي15 · 2012-09-01, 13:51

بسم الله ما شاء الله

الله يعطيك الصحة

و الله يسعدك و يهنيك

zaklam · 2012-09-01, 14:07

شكرا حبيبتي على الوصفات الرائعة كروعتك
مي حبيت نسقسيك واش معنتها قارورة حمود بوعلام ؟ تقصدي نعمروها بالماء و لا نديرو القازوز نفسو ؟؟؟؟؟؟؟؟؟؟؟؟؟؟؟؟؟؟؟؟

بشرى2008 · 2012-09-01, 14:13

بارك الله فيك

fati13 · 2012-09-01, 14:36

هااااااايلين اختي يعطيك الصحة

مونيا غنية · 2012-09-01, 15:40

اقتباس:

المشاركة الأصلية كتبت بواسطة zaklam

شكرا حبيبتي على الوصفات الرائعة كروعتك
مي حبيت نسقسيك واش معنتها قارورة حمود بوعلام ؟ تقصدي نعمروها بالماء و لا نديرو القازوز نفسو ؟؟؟؟؟؟؟؟؟؟؟؟؟؟؟؟؟؟؟؟

قصدي قارورة قازوز حمود بوعلام مع السكر لما تطيب تصبح شربات ذوقها رائع احسن من العسل ولك الاختيار تقدري تستعملي العسل