مطبخي صغير جدا ماذا أفعل

[أم امتنان]

السلام عليكم بدينا مشروع البنيان ولكن درك الكوزينة راه صغيرة وفيها زوج بيبان واحد تع الدخلة والثاني يدي للحوش وحصلنا ادا ممكن مساعدة كيفاش ندير الديكور والبوتاجي وويين ندير بلاصة الكوشة ارجوكم ساعدوني للعلم راه المقاس تاعها عرض2.5ميطرتين ونص ممكن اكثر بشوي ميش حاجة و4ميطرات طول
متطلوش على السؤال وتهربو ولي عندها كوزينتها صغيرة تصورهالي ممكن ندير كيفها ونتهنى من المشكل
تحياتي

[ايمان نور الجزائر]

عندي كوزينة صغيرة تاني خدمناها اول مرة من بعد عاودنا التفصيل نتاعها
البوتاجي درناه في جيهة واحدة جيهة الطول ومعاه وين نغسل الاواني وفوقو ايليمو طويل
الجيهة نتاع العرض واحدة فيهم فيها بلاكار والمسافة لي بقات بين البلاكار والبوتاجي درت فيها الكوزينيار
الوسط فيه طاولة والفريجيدار في واحد الكوانة
قيس ما الواحد يتنفس

[أم امتنان]

راكي فرحتيني كي قلتي كاين قدر مانتنفس علابالك راني حاستها راح تعود حمام من الصغر وادا ممكن صورة باش نفهم اكثر وتاني حاجة راه الكوشة تاعي كبيرة تع خمس شعلات تهز لبلاصة ولفريجيدار تاني كبير ربي يكون في العون ووخلاص شكر ا على الرد ربي يسهل امورك اختي

[ام البنتين]

أختي خلعتيني كي قلتي صغيرة القيس لي أعطيته ماشي كارثة خاصة اذا ما كنت وش عائلة. شوفي في النت تلقائي موديلات ملاح نصيحة فقط الكويزيناير و الفريجدار ديريهم مع البوتاجي لي يكون في الطول اي ما تبقى غير الطاولة في المساحة المتبقية و استغلت فوق البوتاجي و تحته لو كان عملتيلنا تصميم عن مكان وجود الأبواب باش نقدرو تعاونوك اكثر

[نهلةن]

اختي انا تاني كوزينتي صغيرة بصح صممتها اما وفيها كويزنيار 5 شعلات وفريجدار وزدت شريت طابلة تاع زوج كراسة والحمد لله المهم ديري بوتاجي في جهة وحدة والكويزنيار في وسطو انا فيها زوج بيبان وطاقة وفيها مترين ونصف طول وعرض شوفي في مواضيعي راني حطيتها ودرت لي اليمون والحمد لله هازة كل شي ربي يعاونك اختي وبالتوفيق