حلويات للمناسبات و الاعياد من مطبخ Toma

ilbeldelmondo · 2013-12-10, 19:50

السلام عليكم و رحمة الله و بركاته
نقدملكم ملف من مطبخي المتواضع لحلويات المناسبات و هو ملف مفتوح يعني كل ما ندير الجديد نزيدو هنا

Les croissants de cacahuète

250 غ زبدة طرية
3 صفار بيض
١٢٠ غ سكر ناعم
قرصة ملح
كيس خميرة
ربع كاس كاوكاو رطب
ربع كاس جلجلان محمص
ربع كاس معجون
و شيحي بالفرينة

ديري هلالات و فوتي في بياض البيض و ثم الكاوكاو محمص و مرحي و رشي الصينية بالفرينة

يطبخ في درجة حرارة ١٨٠ درجة حتي يصبح ذهبي
يترك ٥ دقائق يبرد ثم مباشرة في السكر الناعم و يقدم بعد ان يبرد كليا

كفتة الجوزية

بياض بيضة
١٠٠ غ سكر
٥٠ غ ماء
بعض حبيبات المسكة او م ك جلوكوز
رشة ملح
بودر اللوز
م ص عسل
م ص زبدة
جوز مرحي خشين
جولي و عسل
ملون احمر
عجينة السكر للتزين و ملون اصفر و بني

نحضر الميرانغ الايطالية مع المستكة كما في الصور
نضيف اللوز حتى نتحصل على عجينة متماسكة
نضيف الزبدة و ملعقة العسل و نعجن جيدا و نتركها ترتاح ف الثلاجة ليلة كاملة

نشكل كويرات صغيرة بعجينة اللوز بعدما رتاحت و نذوب كمية من الجولي مع العسل و ننقع الكويرات فيها ثم في الجوز و نضعها في مول السليكون لتاخذ شكل القالب
ننزعها من المول و نضع الجولي و العسل باللون الأحمر في المكان الغائر و نزين بنحل مصنوع من عجينة السكر

حلوى الفناجين

العجينة:

١٠٠ غ زبدة طرية
١/٤ كوب سكر ناعم
فانيلا
قرصة ملح
قرصة خميرة كيميائية
بيضة
٤ م ك جلجلان محمص
فرينة

نضرب الزبدة الملح الفنيلا مع السكر و البيضة حتى نتحصل على كريمة
نضيف الجلجلان و الخميرة ثم نطفئ المضرب و نضيف الفرينة تدريجيا مع الخلط اليدوي حتى نتحصل على عجينة
ربع العجينة نتركه جانبا

و الباقي نشكل به الوعاء باستعمال قوالب صغيرة تشبه الفنجان بعد رشها بالفرينة

الربع لي تركناه نشكل به دوائر صغيرة لتكون صحون الفناجين و المقبض يكون على شكل C
نترك الأشكال ترتاح في الثلاجة ربع ساعة
نخبزها في فرن ١٨٠ درجة حتى تحمار العجينة
قناش الشكولا البيضاء:

٢٥٠ غ شكولاطة بيضاء
١٠٠ مل كريمة طازجة
فانيلا
نغلي الكريمة مع الفانيلا و بعيدا عن النار نضيف الشكولاطة و نخلط جيدا حتى يتجانس الخليط
نتركه يبرد و نملئ الفناجين بعد ان ننزعها من القوالب
كريمة الحليب المكثف:

علبة صغيرة من الحليب المكثف المحلى و من الاحسن يكون مكرمل
فنجان حليب بارد
٦ م ك كريم شونتي بودرة
نخفق كل المكونات حتى نتحصل على كريمة نتركها تبرد نصف ساعة في الثلاجة و نضعها في كيس حلاواني و نزين الفناجين يمكن اضافة السيقار للتزين

نلصق الصحن و المقبض بالشكولاطة البيضاء الذائبة مع الفنجان

تترك في الثلاجة على الاقل ٥ ساعات قبل التقديم

حلوى الساكورا les dômes de Sakura

العجينة: انا استعملت خمس المقادير

500 غ زبدة ام مارغرين طرية
1/2 كاس سكر رطب
1 م ص ملح
1/2 كاس ماء زهر
فنيلا
3 بيضات
فرينة

نخلط المكونات بالخلاط حتى نتحصل على كريمة و نظيف الفرينة للحصول على عجينة نخليها ترتاح
الحشو:

3 كيلات و نص لوز مقشر و مرحي مليح
1 كيلة سكر ناعم
نص م ص قرفة
2 م ك اء زهر
بيض
عي العجانة نخلط المكونات و نضيف البيض بالشوي للحصول على حشو ماشي طري بزاف و نعجن 5 دقائق او اكثر
نخليه يرتاح
نحضر مول نصف كرة الحجم لي تحبي للحبة الكبيرة 6 سم قطر، للحبة الصغيرة 3 او 4 سم للقطر
انا ماعنديش لذالك استعملت تاع السيليكون

نشكل كرات عجينة و نحشيهم بكراة حشو و نشكلهم مي المول و نفرغهم في صينية مرشوشة بالفرينة او ورق الطهي

ندخلها الثلاجة نص ساعة و نطيبهم 170 درجة حوالي 20 دقيقة يعني يحمارو من تحت
نخليهم بيردو و نحضر القلاصاج
القلاصاج:

700 غ سكر ناعم
بياض بيضة
عصير نص ليمونة
م ك زيت
م ك حليب بودر
م ص ملون ابيض
ماء زهر

في العجانة بالرأس K نعجن الكل مع اضافة ماء زهر بالشوي للحصول على قلاصاج ثقيل نوعا ما و نلونه بالأزرق للحصول عل لون السماء
نغلف الحبات و نخليهم يشيحو

نرسم فوق الحلوى أغصان شجرة الساكورا و نلصق زهرات صغار زهرية اللون او بيضاء

الأزهار نصنعها من عجينة السكر او عجينة اللوز
شهية طيبة

سيقار الكاوكاو

كيما وعدت الأخوات بهذه الحلوى و الكثير يعرفها
هي حلوى ما طيبش و اقتصادية و الأحلى من هذا بنيييييينة

المقادير 30 حبة:

250 غ كاوكاو مقشر محمص
علبة حلوة الترك 100 غ
15 cigares russes*
عسل حوالي 4 ملاعق كبار
للتغليف

200 غ شكولاطة انا استعملت تاع كيلو لاول مرة و عجبتني*
ملعقة صغيرة صفار بيض
ملعقة صغيرة نيسكافي
ربع ملعقة صغيرة قرفة
كاكاو
ماء ساخن
الطريقة:

نرحي الكاوكاو مع حلوة الترك و نلمهم بالعسل حتى الحصول على عجينة*

تستعمل بلاستيك و نفرد قطعة من العجينة يسمك 5 ملم و نضع السيقار و نقطع الاحراف و نلف العجينة على السيقار جيدا و نقسم الحبة على 2 و نكمل كل العجينة تعملك 30 حبة

و نحطهم في مكان بارد و نحضر le glaçage au chocolat

نحط الشكولاطة على حمام مائي تذوب لي يحب يغلف غير هك يضاعف كمية الشكولاطة
و يمكن اضافة ملون احمر الشكولاطة تولي عنابي لكن بدون إضافات اخرى
او تكملو معايا نضيف ملعقة صفار البيض و نخلط راح تتكتل نضيف النيسكافي و القرفة مع الماء الساخن و الكاكاو حتى تتضاعف الكمية نثقل القلاصاج بالكاكاو و نخفف بالماء الساخن و يمكن اضافة السكر الناعم لان راح يجي مر انا نحب القاطو الماشي حلو بزاف

نغلف الحبات و نخيلهم يجفو شوي و بالشكولاطة المتبقية ندير الخطوط و التزين كل واحد واش يحب

و شهية طيبة*

اما بالنسبة التكلفة فلا تتعدى 9 دج للحبة هههههه

نوقا المناديل

هي حلوى عبارة عن طبقات بين المكسرات و الشكولاطة و طبقة glaçage تمثل مندير بالورد

الطبقة الاولى

400 غ لوز مرحي
بيضة و صفار بيضة
قشور الليمون
124 غ سكر ناعم
ملعقة كبيرة معجون فواكه
ملعقة صغيرة زبدة
نعجن المكونات للحصول على عجينة طرية
في مول 35*25 نفرش ورق ألمنيوم و ندهنه بالزيت و نبسط عجينة اللوز و نضعه في الثلاجة بعد مانغطيه ليلة كاملة
و من بعد نطيبوه 150 د مدة 15 دقيقة

الطبقة الثانية

في نفس الوقت لي نطيبو فيه طبقة اللوز نحضر طبقة ثانية
علبة نيستلي مكرمل نص المدة
200 غ شكولا سوداء او اظيفي الكاكاو
و ملعقتين عسل نحل
مكسرات لي تحبي و الكمية لي تحبي
نضع العسل النيستلي و الشكولاطة في حمام مائي
كي يذوبو نخلط و نضيف المكسرات و نحرك بملعقة خشبية
كي طيب طبقة اللوز و تبرد نضع فوقها طبقة الشكولاطة و النيسلي

الطبقة الثالثة

هذه لازم نطيبها مع طبقة اللوز باه نحطوها مباشرة كي تكون الطبقة الثانية سائلة باه تلتصق
بيضة
بياض بيضتين
رشة ملح
ملعقة صغيرة خميرة
150 غ بسكويت بالشكولاطة مثل brino مرحي
ملعقة زيت
لا نضيف السكر لكسر حلاوة الطبقات الاخرى
نخفق البيض مع الزيت ثم الخميرة و البسكويت
نطيبها في مول بمثل حجم مول اللوز او اكبر
بعد ما طيب نضعها مباشرة فوق طبقة الشكولاطة و النيسلي
الطبقة الرابعة

نذوب 200 غ شكولا سوداء في حمام مائي بدون إضافات و نضعها فوق الطبقة مسكوتشو البسكويت
نضع المول في الثلاجة
كي يجمدو الطبقات نقلبهم يوليو بهذا الترتيب من الأسفل الى الاعلى
شكولاطة- مسكوتشو البسكويت- الشكولاطة و النيسلي بالمكسرات- طبقة اللوز
نحضر كاس شاربات و نسقي بها طبقة اللوز هذه اختيارية

نخليها تشرب و نحضر طبقة le glaçage

250 غ سكر ناعم
فنجان حليب بودرة
عصير نصف ليمونة او اكثر حسب الرغبة
ملعقة كبيرة زيت
ماء زهر و حليب باود
ملعقتين ملون ابيض تاع الميزان
بالمضرب نضرب السكر الحليب بودر و الزيت. و الليمون و نبلل مرة ماء زهر و مرة حليب لكن غير قطرات حتى الحصول على طليه ثقيلة نوعا ما
نغطيها ببلاستيك و نخليها تخرج الهواء
نغلف القاطو بالقلاصاج
نخليها تنشف هي متنشفش حتى تيبس لكن تكون قشرة

نحضر الملونات الغذائية بودرة
احمر
زهري
اصفر
اخضر
فرشاة رقييييقة
ماء و منديل ورقي
الرسم نخليكم تفهموه بالصور

كي ينشف الرسم نقطع الحلوى لكن برفق صعبة في التقطيع لكن الطعم مممممممممممممممم

يا رب تعجبكم

[url=https://www.gulfup.com/?vMMEYa][/url]

يا رب نكون افدتكن ماشرحتش مليح لكن لي عندها استفسار تتفضل[/COLOR][/SIZE]

Gâteau les truffes او التيرفاس بطريقتي

اولا هي عبارة عن حبات les truffes فوق tartelettes لي راح يتمثلو في قطعة ارض هههههه

مقادير 60 حبة les truffes

300 غ شكولاطة سوداء
100 غ سكر ناعم
125 غ زبدة
صفار بيضة
نصف كاس كريمة طازجة
ملعقتين كبيرتين حليب
حبات بندق محمصة
خمس ملاعق كاكاو اسود مع ملعقتين سكر ناعم مغربلة للتغليف

في حمام مائي نذوب الشكلاطة كي تذوب نطفي النار و نظيف الزبدة و نخلط ب مضرب يدوي ثم نظيف السكر و صفار البيض و في الاخير الحليب و الكريمة الطازجة و نخلط جيدا ثم نضعها في الثلاجة جتى تجمد و تصبح مثل العجينة لكن طرية جداً
مدة التجميد تأخذ من ساعتين حتى خمس

نأخذ القليل من عجينة الشكلاطة الطرية و نكورها و نضع حبة البندق بالداخل و نعيد التكوير و نضعها في خليط الكاكاو و السكر و نضعها في مكان بارد او معتدل
يمكن تقديمها هكا

او إكمال الشكل لي عملتو انا

مقادير 20 حبة les tartelettes
125 غ زبدة بحرارة الغرفة
250 غ فرينة
70 غ سكر ناعم
صفار بيضة
ملعقة كبيرة حليب
رشة ملح
فنيلا او قشور الليمون

بالمضرب نخلط الزبدة و السكر و صفار البيضة و قشور الليمون حتى نتحصل على كريمة و نظيف الحليب ثم الفرينة و نكمل الخلط باليد
ندهن les moules لي مثل في الصورة بالزبدة و نضع كرة من العجينة و نمددها بالاصابع على أطراف القالب و نثقبها
تخبز في الفرن حتى نحمر او تصبح شقراء في درجة حرارة 180
كي طيب نضع ملعقة الحليب المركز المكرمل و نسويها بالاصبع و القليل من الماء

مقادير صلصة الشكولاطة
200 غ شكولاطة سوداء او تظيفي ملعقة كاكاو
نصف فنجان ماء سخن مع ملعقة نيسكافي
صفار بيضة
نذوب الشكولاطة في حمام مائي و نضيفو صفار البيض و القهوة و نخلط جيدا حتى و نظيف الماء الساخن للحصول على صلصة سائلة و لكن ليست شفافة
نضع ملعقة فوق les tartelettes و نتركها تنشف ليلة

نحدث ثقب في وسط les tartelettes و نأخذ حبات les truffes و نلصقها بالقليل من صلصة الشكولاطة الباقية

يا رب يعجبوكم و بالصحة و الهناء

و الذوق واش نقولكم يهبل ههههه حوحو

يتبع

tong2 · 2013-12-10, 20:33

بارك الله فيـــك حــــــبيبـــة مبــــدعــة

أم محمد تاج · 2013-12-10, 20:39

يعطيك الصحة طمطومة وربي يجعلها في ميزان حسناتك

ام محمد 05 · 2013-12-10, 20:47

الف الف شكر رووووووووعة

اية الرحمن1988 · 2013-12-10, 20:49

واش هاد الابداع كامل ربي يبارك يهبلو
خاصة نتاع السيقار استفدت بزاف من القلاصاج نتاع الشيكولا
كنت نديرها ديراكت نضيف غير الحليب ودارنا يقولولي جات مزيتة لانو تعرفي الشيكولا نتاع الميزان فيها طعم دهني نوعا ما
ان شاء الله نجرب القلاصاج اللي درتيه انتي اكيد بما انو فيه النيسكافي يجي بنين
ربي يجازيك على الموضوع حقا رائع
نسيت نسقسيك الخطوط اللي فوق السيقار واش من لون درتيهم
وهل قلاصاج عادي نتاع بيض وسكر لانو جا لامع ولونو مليح
وشكرا مسبقا