ارجو المساعدة

*آمنة* · 2018-08-26, 17:04

ارجوا منكم مساعدتي
قال لي ابي ان احضر له لحم في الفرن بصح منعرفش كيفاش
ايا ساعدوني ارجوكم

idem16a · 2018-08-26, 17:23

اقتباس:

المشاركة الأصلية كتبت بواسطة *آمنة*

ارجوا منكم مساعدتي
قال لي ابي ان احضر له لحم في الفرن بصح منعرفش كيفاش
ايا ساعدوني ارجوكم

حبيبتي،اذا عندك يوتوب،،ادخلي فيه،،اكتبي لحم في الفور،،،يخرجولك اطباق متنوعة وهايلة،،،،من مطبخ ام اسيل،،،او مطبخ تحيا الجزاير،او ام وليد،،وهناك الكثير والكثير،،،،صراحة انا نديرو في الكوكوط،يجي روووعة،،،والاخوات ان ذاء الله يقترحو عليك

Fifioo · 2018-08-26, 17:25

اهلا حبيبتي امنة
صراحة لو كان دجاج لكنت عرفت لكن لحم لم اعده من قبل
هو ماذا يريده بضبط يعني
حسنا اذا استطعت قومي بتحضير صلصة و تكون خاثرة - وليست مرق -
ضعي فيها طماطم مكرفشة و توابل كفاح و فلفل اسود و ثوم وملح اه و لا تنسي ملعقتين زيت او اكثر حسب لحم مهم متكثريش ملعقتين زيت ياسر هذا كامل في لاصوص و بعدها ظيفي معاه بطاطا مقلية و جزر او جريوات مقليين
واللحم تاعك حطيه في مقلية بدون زيت خليها يخرحج ماء تاعوا ثم ديروا شويه زيت و شويه ملح و خليه يغلي غير شويه و بعدها
حطيه في قالب و حطي معاه بطاط مقلية و جزر مقطعة على طول او دوائر او جريوات و اسكبي عليه تلك الصلصة و اظيفي من فوق كسبر اخضر مقطع

هذا ما جاء على بالي ممكن تديروا و ان شاء الله تنجحي

Fifioo · 2018-08-26, 17:26

بصح وشنهي خايفة لحم ميطيبلكش لذا كما قالت زميلة تحبي ديريه في كوكوط شويه او مقلية و بعدها في فرن

نبض قلبي · 2018-08-26, 17:34

السلام عليكم
شوفي اذا قادرة ديريه ف الكوكوط و داويه مليييح
نبعد حطيه هو و لاصوص تاعو ف الفون و غطي عليه بالالمنيوم يطيبلك مليييح
بويسك اللحم موش كي الجاج و قادر يكون اللحم تاعكم شارف اسما كون ماتكونش الكوكوط مايطيبش
مالا احسن حل
ديريه ف الكوكوط يطيب مليح
من بعد لوحيه ف الكوشة مع لاصوص تاعو و الخضرة و خطيه بالالمنيوم
ربي يعينك

نجاة^^ · 2018-08-26, 18:01

السلام عليكم
امونة عندي هاذ الوصفة ساهلة بزاف مي لازم ترحي اللحم اذا تقدري
تحتاجي فيونداشي وبطاطا وطوماتيش واذا عندك فرماج رابي ولا تقدري ديري فرماج عادي واذا مفهمتيش كيفاه ديريها نشرحلك

الصمت لغتي · 2018-08-26, 18:02

سلام أمونة

~ طيبيه أولا مع شوي بصلة و توآبل __ سكنجبير كركم كمون فلفل كحل و ملح و ما تكثريش ليدآم مرقي بماء سخون قد ما يتغطى اللحم صكري عليه ف الكوكوط نص سآعة برك و خرجيه من الصوص ديراكت ف بلا نتاع كوشة بآش تحمريه برك بسك يولي ديجا طاب ف الكوكوط

تحبيه تدهنيه بشوي لا موطارد قبل ما ديريه ف الكوشة يعطي بنة ولا أروع و كيمآ قتلك مآ تخليهش ياسر ف الكوسة قد ما يتحمر برك

ريتال2 · 2018-08-26, 18:32

سلام امينة
انا فالحق نديرو في كوكوطة يجي روعة يذوب روحو ونقولك روعة يجي

افكار خياطة · 2018-08-26, 19:06

تبلي اللحم بالملح والفلفل الاسود وتحبي تزيدي التوابل اللي تحبي مثل الكسبر المرحي السكنجبير الكركم وقليه في المقلاة شوية وحطيه في صينية الفرن مع البصل والثوم جزر وبطاطا وغطي بالالمنيوم والى الفور وطولي بالك ولا كان اللحم طياب ماتخافي ما والو راه يطيب وكي يطيب نحي الالمنيوم وحمريه من فوق وقدميه مع بطاطا وجزر صوتي ولا مع البطاطا والجزر اللي طيبتيهم معاه