سحر الترتيب - الصفحة 2

جهينة اليقين · 2018-10-23, 08:11

السلام عليكم يا فراشااات
في الحقيقة ما زال ما بديت التنظيف العميق عندي بعض الظروف وراني نقول نبدا بالحوايج باستبدال تاع الصيف مع تاع الشتاء والتخلص من الي ما نسحقوهمش وربي يعاوننا ان شاء الله

nassimab82 · 2018-10-23, 10:19

السلام عليكم
دائما تضعون برنامج للنساء الماكثات بالبيت و لا احد فكر يوضع برنامج
للمرأة العاملة اللي تخرج من 7 صباحا إلى غاية 17 مساءا و عندها أطفال
اللي يقرا و الي ما يقرا و لازمو رعاية ،
فكروا أن تضعوا برنامج يوالم امراة بهذه الظروف لأنها بأمس الحاجة اليه
يعني يكون وقت الاشغال من 17 الى 22 ليلا بما في ذلك دراسة الأولاد

بنت الجزاير الغالية · 2018-10-23, 10:24

السلام عليكم و رحمة الله و بركاته
بارك الله فيك اختي حبيبة على هذي الدورة
بالتوفيق للجميع

omelbanin · 2018-10-23, 10:34

السلام عليكم،كيف حالكن فراشات .
انا اليوم بديت المطبخ ،غسلت السقف والنافذة برك .مع الروتين اليومي .

جهينة اليقين · 2018-10-23, 10:35

ربي يكون في عونك اختي نسيمة حتى حبيبة راهي عاملة وراهي منظمة وقتها وراهي تعاون فينا ربي يجازيها خير

ام صفصف · 2018-10-23, 13:37

صباح النور يا احلى فراشات
نبدا بيك حبيبة الكل حبيبة بارك الله فيك اختي على افتتاح الدورة،ونتمنى تكون دورة ناجحة
فراشاتي الي مشاركات معانا سعيدة جدا برؤية اسمائكم،والغائبات نتمنى يلتحق بينا لتكتمل المجموعة
بالنسبة للكتاب قمت بالتحميل والقاء نظرة شاملة لمعرفة الحتوى،ان شاء الله سوف اكمل قراءةه الايام المقبلة،وسابحث عنه في المكتبة لاستعارته لاني افضل لمس الكتب اثناء قراءتها
بالنسبةللتنظيف العميق سوف تكون انطلاقتي اليوم باذن الله،وسوف اعود لكتابة تقريري
الاخت نسيمة كيما قالت جهينة هناك في الدورة نساء عاملات، وهناك من تزاول مهنتها في البيت وهناك.....لكل ظروفها كل واحدة تحاول اسقاط برنامج الدورة على جدول زمني يوافق احتياجاتها لتتمكن من الاستفادة منه بطريقتها.

ام هزار · 2018-10-23, 14:57

[COLOR="DarkOrchid"]و اخيييييييرا انهيت فرز الجزء الاول من ليزيليمون
روحت للمنزل في 12 سخنت الغدا تغدينا و غسلت الاواني وقبل ما نفشل وعدت نفسي اني راح نرتب و نغسل جزء صغير من الخزائن الخشبية باه العقل الواعي ما يتعبنيش و يكلحو العقل الباطن و النتيجة كانت مرضية
ضرك قلت نريح شوية بزمان جي هزار من المدرسة و نعاود نستانف روتيني المسائي
تحية طيبة للجمييييييييييييييييييييييييييييييع/COLOR]

الزهرة الرمادية · 2018-10-23, 15:01

ان شاء الله نبدا معاكم حملة التنظيف

حبيييبة · 2018-10-23, 16:21

مساء الورد على القلوب الجميلة
كيف حالكم حبيباتي
كيف هي الهمة
كيف هو النشاط
ان شاء الله كل شيء تمام

حبيييبة · 2018-10-23, 16:58

ما تقولوش حبيبة ماراهاش تدخل تلفتنا
لا
راني ندخل اكثر من ثلاث مرات فاليوم
يعني كلما يكون عندي استراحة ولو خمسة دقائق و نشد موبايلي ندخل نطل عليكم حبيباتي
لكن ما نقدرش نكتب ردودي بالهاتف
لوكان نكتب الرد يخرج خط صغير و اسود ماشي خطي تماما
و تعرفوني نحب الوردي
و الوردي يقدم للورود يا ورودي

المهم راني متابعة 10/10 و نشوف البنات يلتاحقوا بالركب شيئا فشيئا

عن نفسي راني مع الروتينات اليومية
بحكم العمل مرات نطبق الروتين الصباحي و نروح للعمل و نرجع بعد العصر و يبدأ الروتين المسائي
و مرات اعمل صباحا
لذا نطبق فقط الروتين المسائي ولا يخلو ذلك بعض التحضيرات المسبقة القليلة صباحا باكرا خصوصا لمقادير وجبة العشاء او الغذاء
لربح الوقت طبعا

أما التنظيفات العميقة تكون حسب وقتي
نطبق روتين صباحي و معاه تنظيف شيء على الاقل عميق
و اذا طبقت الروتين المسائي فقط نخلي التنظيف العميق للمساء
هذا الامر متعب لكن صراحة انا حتى عطلة نهاية الاسبوع ليست لي
يعني حتى وين كاين خرجات او ترفيه عن النفس تكون حسب عمل زوجي و حسب ظروف عملي

باختصار عندي يوميا عمل و يوميا تعب في البيت و خارجه
عدا اني لما نطلع نطل على امي لاني اعمل في الطابق السفلي لبيت أهلى كما تعلمون
نساعد اختي في تنظيفاتها اليومية قدر الامكان لانها تعمل معي يعني نتعاونوا على اعمال البيت و العمل معا
لاراحة امي بحكم ظروفها الصحية

المصروف يكون شهري
الا بعض الامور تكون مرة في الاسبوع او اكثر مثل الخضر و الديسير و العصائر و هكذا
و هاذي مريحني منها زوجي المصون ربي يصونه و يحميه

التسوق لشراء اشيائي الخاصة يكون يوم المصروف الشهري او يوم قبله او بعده

يعني باختصار شديييييد الوقت مضغوط جدا جدا
لكن نحس في آخرر اليوم رغم التعب و الاجهاد أن يومي كان مثمر و منتج

العناية الشخصية الاسبوعية ليست منظمة عندي يعني الاستحمام و الماسكات يكون في اول فرصة اجدها امامي خلال الاسوع
ممكن كل اربعة او خمسة ايام ليس لي ايام محددة
اما اليومية فانا احاول قدر المستطاع الالتزام بها يوميا صباحا و مساءا مهما كانت درجة تعبي
فتلك هي هديتي الصغيرة لنفسي بعد تعب يوم طويييل

وما نكذبش عليكم حبيباتي مرات نعيا نفسيا و اكثرها جسديا و اتوقف عن فعل كل شيء الا الضروريات يعني الوجبات
خلال يوم كامل لارتااااااااااااح

هذه يومياتي باختصار
لكنني لا أتذمر
أعمل باقتناع تام لدوري كامرأة و كامة لربي
أتحدى يومي و ظروفي و نفسي و الأوضاع من حولي
و ابدا يومي بتشبث في الله
هو المعين سبحانه

حبيييبة · 2018-10-23, 17:10

راني قريت تطبيقاتكم حبيباتي الغاليات
و راح نرد عليها باذن الله كلها
حبيت نرد على جهينة انها قالت رايحة تبدا بترتيب ملابس الصيف و الشتاء
ممكن لو أحببتي تنتظري الى يوم التطبيق لسحر الترتيب
لانها جزء لا يتجزأمنه
و هذا يوم الخميس ان شاء الله

و على nassimab82 طلبت برنامج للعاملات
يا حبيبتي المرأة العاملة لازم يعلقولها كل أنواع الميداليات اللي اخترعوهم منذ وجد الانسان الى يومنا هذا
عاملة و زوجة و ام و امرأّة هي في حد ذاتها
والله أنحني لها اجلالا و تعظيما و تقديرا لمجهودها و تعبها
و ندعيلها من كل قلبي ربي يعينها و يحمل عنها و يقدرها على أداء دورها الشريف و يجعله في ميزان حسناتها
و يجازيها خيرا عن أسرتها خير الجزاء

اني نعطيك برنامج محدد تطبقيه بحذافيره لا يمكن
لان كل وحدة و ظروف عملها
لكن ممكن تاخذي افكار و تدابير تختصر اوقاتك و تعينك على حسن أداءء اعمالك بسرعة و جودة و فعالية

البرنامج اللي قدمته لكم هو برنامج بسيط و غير مربوط بايام معينة
و لست مطالية بادائه في اسيوع
ممكن تاديه في اسبوعين لكل غرفة
المهم تكوني مرتاحة في تطبيقه

يبقى عندك الروتينات الصباحية و المسائئية

اذا حبيتوا حبيباتي لمن ليست لها روتينات تضبط اعمالها اليومية المتكررة كل يوم تقريبا
ممكن انزلكم نماذج عن روتينات يومية للمرأة العاملة و كذا للمرأة الماكثة في البيت
انا عند طلبكم حبيباتي

ام هزار · 2018-10-23, 21:55

مساء الخير حبيبة واعانك الله في كل ما تقومين به نمودج رائع انت للمراة المكافحة
ممكن من فضلك تنزلينا نمادج لروتينات المراة العاملة والماكثة في البيت على حد السواء باه ناخدو فكرة وشكرا مسبقا

حياتي كلها امل · 2018-10-24, 07:15

صبحكم الله بكل خير اختي حبيبة ربي يكون في عونك انت وكل واحدة معانا خاصة العاملات صراحة المراة العاملة لازملها جهد كبير وقدرة من الناحية الجسدية والنفسية يومكم موقف

omelbanin · 2018-10-24, 08:33

صباح الخير عليكم فراشات ،ربي يجازيك ويعينك ختي حبيبة .
انا اليوم راح نظف ونسرج ليزيليمو ونرمي ما بجب رميه .
يومكم موفق سلاااااام.

جهينة اليقين · 2018-10-24, 11:30

سلام عليكم اختي حبيبة* لما قلت نبدا بالملابس فاني مرغمة اختك لا بطلة هههه
الزوج كل يوم الجاكيطة الفلانية اجبديها السروال الفلاني* التريكو العلاني راهو دخل البرد* انا قلت قولة حبيبتي ام هاجر المشهورة ضربة بصرعة هههه
وهذا ما يمنعش اني ما نخلصش حتى للخميس ان* شاء الله لاني فرغت البلاكار وراني نفرز غير بالعقل ومع الروتينات* راكم تعرفو اختكم راهي تعجز غير حبة حبة*
يوم سعيد للجميع*