شوفي يا أختي راكي غير تخلطي
خلطتي الحالة في دار عجوزتك
وجيتي تكتبي بأنهم غالطين !!!!!!!!!!!!!
من النهار الأول الغلط فيك انت
بديتي من يماه المطلقة وماشي حابة تفارق وليدها
حتى وصلتي للسحر وبأنهم سحروا راجلك
راكي من نيتك تهدري مع راجلك على دارهم
على يماه وأختو
حياتهم كامل وهوما يطيبولوا ويغسلولو ويهدروا معاه
يعرفوا وش يسحق وش مايسحقش
يعرفوا وش يحب وش مايحبش
يضحكو معاه يديرولوا الحاجة اللي يحبها
يماه ضحات بحياتها وبشبابها
نحات من فمها ودارت في فمو
تعرات باش تكسي وليدها وبنتها
باش تجي انت في الأخير تقوليلوا داركم راهم دارو فيا كذا وكذا
وداركم سحارين ؟؟؟؟؟؟؟؟؟؟؟؟؟؟؟؟
والله هذا نوع من الجنون !!!!!!!!!!!!!
زيدي شوفي وش كتبتي :
لا انكر انه خدعني وكذب علي حتى اني شعرت انه استغلني لاني كنت اساله عن حياتهم في البيت يقول عندما تتزوجيني تعرفين رأيت ام تخبا الفاكهة وحلويات عني في بيت دائما مغلق تسب اهلي وتتهمهم بافعال هي تفعلها لهم كل الناس في نظرها اشرار الى هي وعائلته.
size="5"]اكاش وحدة عاقلة تفكر بهذ الطريقة
وين راه المشكل في هذا الشيء ؟؟؟؟؟؟
وكي تكره الناس كامل وتسبهم كامل انت وش ضرك في هذا ؟؟؟؟؟؟؟
وزيد كي ماكليتيش المندرين ولا التشينة ولا الموسكوتشو؟؟؟؟؟؟
وش صرالك؟؟؟؟؟؟؟
وين تبان هذ الماكلة قدام المشاكل اللي راك فيهم الآن !!!!!!!!!!!!
اسمحيلي نقولك ونأكدلك
انت اللي درتي المشاكل
ماعندك حتى مشكلة مع هذ الناس
يماه غيورة وتحب وليدها تموت عليه
وهي مطلقة وتحب بنتها
وهو قالك تسكني وحدك ومن بعد دار عليك
كل هذ المشاكل كنت انت موراهم بسوء التصرف تاعك
كانوا حابين يعرفوك تصلحي ولا ماتصلحيش لوليدهم
الزواج حاجة تاع العمر
وبالنسبة لأم الزوج اللي كافحت على اولادها بعد الطلاق
كانت حابة تطمئن على وليدها من ناحيتك
لقاتك ماكاين والو
وتباني من كلامك اللي كتبتيه ماتعرفيش تجوزي المشكلة
90% من المشكلات حلها في التغابي
ديري روحك مافهمتيش
ولا كنتي كل نقطة توقفيلهم
وديريلهم من الحبة قبة تأكدي أنهم مايطلقوكش حتى يطلقوك
وأمر آخر
انت تعرفي هذ الناس أمه مطلقة
وعندها غير هذا الولد
وانت الأولى اللي دخلتي للدار
وعندو أختو
يعني كاين أمور في صالحك بزاف
لكن انت دخلتي باش تحاربيهم وحسستيهم أنك أعلنت الحرب عليهم
وآخرها واللي قاتلهم أرقدوا
اتهامهم بالسحر
هنا خلاص بالنسبة ليك كزوجة
كانت الرصاصة الأخيرة اللي طلقتيها على نفسك
كل المشاكل اللي جوزتيها معاهم كانت عبارة عن مؤشرات على أنك لاتصلحي كزوجة لهذا الإبن
وزدتي اتهمتيهم بالسحر هنا خلاص.
مع أنهم وعلى حسب كلامك أنهم اتهموك أيضا
يعني
في هذاك الوقت كان زوجك متمسك بيك لدرجة أنهم شكوا بأنك سحرتيه
وكان يكفي هذا حتى تضع الحرب أوزارها
لكنك لم تتوقفي بل واصلت حربك عليهم دون هوادة ودون توقف.
خلطتيها من كل جيهة
وكيما قاتلك زخروفة كاين واحد راه يدبر عليك
بالإضافة إلى أنه ينقصك الحكمة في تسيير حياتك الزوجية
ما تزيديش تضغطي على راجلك
خليه يرتاح من المشاكل تاعك وتاع دارهم
ماتضغطيش عليه وماتهبليهش
خليلوا الوقت يسترجع أنفاسه
وكي تكوني رايحة تشاوري عند حدوث المشاكل
استشيري إنسان عاقل وحكيم
وخوذي راي الشخص اللي مايعطيلكش الحق كي تكوني غالطة
ويزيد يدفعك للغلط
وتأكدي أنه ماكاين حتى واحد تطفر فيه غير انت
انت الخاسرة الوحيدة في هذ المشاكل اللي درتيهم عند الناس
مانتمنالكش الطلاق
لكن لو يطلقك زوجك رايحة تندمي أشد الندم على لحظات داوستي فيها مع ناس دارك
في حين كنت قادرة تجوزي الأمور
بيتك أغلى بكثير من قالب موسكوتشو ماكليتيش منو
وزوجك أغلى بكثير من تفاهات وغيرة نساء
اسمحيلي على صراحتي الزائدة
لكن من الواجب علي أن أنبهك لأمور كثيرة رايت أنك كنت مخطئة فيها
وهي السبب فيما يحصل معك الآن
أتمنى لك التوفيق[/SIZE]