موضوع مميز ***ورشة خياطة طقم المطبخ ***

ام حمزة22 · 2015-01-15, 20:17

السلام عليكم ورحمة الله تعالى وبركاته
ان شاء الله تكونو كااااااامل بالف خير
اليوم حبيت نقدملكم طريقة تفصال طقم المطبخ
والطقم متكون من ريدو + طابلية + حامل الساشيات+ قفاز الواقي للحرارة + اوس الكراسي + سلة الخبز
اليوم نبداو في طريقة خياطة الريدو بالانو
نفصل القماش على 3قطع القطعة العلوية والقطعتين الجانبيتين
كما نقوم بتفصال قماش بلون اخر لتشرشيف او شريط ساتان يكون عريض

عندنا روفلات بالانو

ننزع الانو من الروفلات ونحطها على قفا القماش ونحكمها بالمساسك

هنا بعد ما حطينا الروفلات لقيت الروفلات شوية طويلة على الريدو لاكن ما نقصش منها
عند انتهاء الريدو
نحاول نطوي الروفلات باه نربح الدائرة مثل ما راكم تشوفو

بعد ما نخيط الروفلات لكل دائرة نركبلها الانو نتاعها مثل ماراكم تشوفو فالصورة الموالية

نقطع داخل الدائرة بالمقس

وهنا بعد ما قطعنا كل الدوائر وفي نفس الوقت راكم تلاحضو الدائرة الاخيرة لي ما نقستهاش من الروفلات ربحتها فالريدو

وهنا المرحلة ما قبل الاخيرة لريدو

وقبل ما نقدملكم المرحلة الاخيرة لريدو وهو معلق

نروح لمراحل الطابلية
ان شاء الله تكون صور المراحل مفهومة
واي استفسار انا بالخدمة

[I
]

ام حمزة22 · 2015-01-15, 20:18

حامل الاكياس البلاستيكية

[

سلة الخبز

[
اي سؤال انا بالخدمة

القفاز الواقي للحرارة
هنا نفصل القطعة 4 مرات قطعتين لكف اليد وقطعتين لي قفا الليد ونفصل معاهم لاوات ثم نطرحها بالمشينة
من بعد نخيط الجهتين مع بعض ونتحصل على قفاز
ثم نخيط الحاشية في اعلى القفاز
الكاري الواقي للحرارة سيدتي الفاضلة تحبي تفصليه قطعة وحدة او قطعتين

متكون من قطعتين واجهة الكرسي والخلف وشريط لي فصلتو من القماش الاخضر
وقطعة من لاوات فصلتها مثل واجهة الكرسي
نخليكم مع الصور انشاء لله تكون واضحة
وهادا مودال اخر سهل وبسيط

hamoooza · 2015-12-05, 19:04

يعطيك الصحة

ام حمزة22 · 2015-01-15, 20:20

اكسيسوار بسيط لتزيين الطقم

عندنا شريط الستان نشكلو على شكل بابييون وفي الوسط نلسقلو عقاشة في وسط العقاش ندخل خيط السنارة ونركب فيه العقاش ثم نضع القليل من اللصاق بحيت يكون اللصاق داخل حبة العقاش باه تتبت الحبة في مكانها

وهادا الطرف شاطلي درتو غطاء لثلاجة وكان عندي شريط بلاستيكي لونت الورود بالبنتر وخيطتو على القماش
اليكم مراحل التلوين
[