اطلب النصيحة

[ahlem 05]

انا طالبة في 2 ثانوي ولدي الكثير من الصديقات لكني اغشى الغدر و الخيانة فقد سبق ان طعنت من اقرب الصديقات لي.....لكن تجازوت الامر المهم صرت لا اثق في البنات و اتخاصم معهم لاتفه الاسباب مدا افعل ؟؟؟؟؟؟؟؟

[أمة الله 12]

يا اختي في الدنيا يقلك لا تخدع و لا تامن

تعاملي مع تجربتك بطريقة ايجابية، خذيها درس و خوذي منها العبرة، لكن ماتخليهاش تاثر عليك بالسلب

راكي في مرحلة مهمة ياااااااااسر من حياتك، ف الوقت هذا تتعلمي كيفاه تتعاملي مع المجتمع و توجدي في روحك للي جاي

نقولو راك تتعاملي بفضاضة مع صديقاتك، و كي تروحي لدار راح تبدلي الجو مع داركم و اخواتك اللي راهم مصدر امان ليك

العام الجاي كي تنجحي في الباك و تروحي تقري ف ولاية غير ولايتك و تسكني ف الاقامة، كيفاه راح ديري ثمة، صحباتك تعاركيهم ف الجامعة، كي تروحي للاقامة مع شكون راح تقصري و تبدلي الجو، لشكون راح تعطي الامان و شكون راح تقصدي وقت الحاجة

مولى التاج و يحتاج،

ضرك تبانلك اللي راهي رد فعل و مع الوقت تولي اسلوب حياة، تلقي من حذاك العدية ياسر

حاولي تكون ثقتك ف نفسك اكبر من هكا، هاذي اللي خدعاتك هي اللي خسراتك ماكيش انت اللي خسرتيها لانك عرفتي حقيقتها ضرك خير من وقت اوخر

ما تعمريش راسك و ركزي على قرايتك

[~نسآئم الصبآح ~]

السلام عليكم ورحمة الله تعالى وبركاته

أنصحك أختي أن تكوني اولا صديقة نفسك أن تثقي نفسك وإلا كيف ستثقين بالناس
بالإضافة لذلك لا تتمادي كثيرا في الصداقة أن تاخذي حذرك لأننا أصبحنا في زمن لا نقول فيه الصديق وقت الضيق إنما في كل ضيق يختفي صديق
لذ ا فأقول لك كوني وسطا في كل شيء كما سبق أن قلت لا تتمادي في الصداقة ولا تسيئي الظن فالاولى تجعلك تندمين عن شر أفشيته والثانية عن شخص ظلمته

[عفاف عفة]

المشاركة الأصلية كتبت بواسطة ahlem 05

انا طالبة في 2 ثانوي ولدي الكثير من الصديقات لكني اغشى الغدر و الخيانة فقد سبق ان طعنت من اقرب الصديقات لي.....لكن تجازوت الامر المهم صرت لا اثق في البنات و اتخاصم معهم لاتفه الاسباب مدا افعل ؟؟؟؟؟؟؟؟

السلام عليكم ...
يا أختي إلهام ...والله لا يوجد في الحياة احسن من الصداقة ...فلا الاخوة ولا شيء آخر ...لماذا ؟لان الإنسان يستطيع مصادقة اي شيء ....
المهم بالنسبة للصديقات ...صدقيني صفي نيتك معاهم ...وماراكيش رايحة تتعرضي لا للخيانة ولا الغدر ....وإذا درتي سوء الظن بيهم في راسك صدقيني رايحة تبقاي بلا صديقات ...وهذا امر مستحيل بالنسبة لاي فتاة ههههههها
إلهام .....البنات ماشي كامل كيف كيف ...يعني ماشي كامل يخونوك ...كيما كاينة للي تخونك كاينة للي تكون وفية ليك ......صفي نيتك وشوفي
دمتي في رعاية الله

[ادرة مكنونة]

يا لهام يا بنتي مش كل الناس كيف كيف كما خلق الله الخبيث خلق الطيب كوني واثقة من نفسك كما قالت لك الاخت

[ahlem 05]

شكرا لكم على هده النصائص ساحاول الاخد بها

[راعي الخير]

[knives66]

ما تخافي ما ولوا خلي يغدروا

انت متعلقيش بيهم بزاف و ديما ابقي بعيد ا مهما كان

يعني بعدي عليهم مرة على مرة

[امال222]

يا أختي لا تتعمقي في العلاقات ، كوني علاقات سطحية فقط، و احذري أن تحكي أسرارك

[سماح 2]

_ ممم شوفي أخيتي صاحبي البنات الي تحبي لكن أسرارك احتفظي بهــآ لنفسك لاآ تفشيهــآ حتى لأقرب
صديقة لكـ ,,,لكي لآ تقعي في معضلة ,, كيمـآ يقولوا ناس الفايس بوك لكل عزيزْ عزيزْ يحكي لــهُ ,,

[* عبد الجليل *]

السلام عليكم
كما تفضل الاخوة الكرام
عليك بالابتعاد عن التعمق في العلاقات والصداقة في هذا الوقت اصبحت شبه منعدمة
لا اخلاص ولا وفاء ويشوبها الغدر والخيانة في زمن العولمة والتكنولوجيا زمن كثرت فيه الفتن والآفات الاجتماعية
انصحك تبقى علاقتك بها سطحيا بحكم انك جربت الغدر من قبل والله المستعان
وفقك الله وابعد عنك كل شر
تحيتي

[jamaltahar]

مازلتي صغيرة حتى تخمي بهاد السلبية طبيعي بما انك في هاد السن انك تكرهي كامل البنات في حال غدرت بيك وحدة راكي مراهقة الهاي بدراستك احسنلك واخطيك من البنات وصحبات عيشي حياتك الطبيعية معاهم تدكري الابتسامة في وجه اخيك صدقة كوني دائما مبتسة وتجنبي الخلافات الفارغة مع صديقات فكري بايجابية وخمي في قرايتك والباك انشاء الله من المتفوقين

[cherhabule]

يااختي.التقه.بالنفس.اولا.واختيار.الصحبه.........ال صالحه.وشكرا

[walidfg]

ما تكبريش لموضوع و لي فات لبارح هزي منو العبرة و انسايه
ولحاجة ثانية ميش الناس كامل كيف كيف ..ما تخسريش صحباتك على جال وحدة غلطة معاك

[متهور]

المشاركة الأصلية كتبت بواسطة ahlem 05

انا طالبة في 2 ثانوي ولدي الكثير من الصديقات لكني اغشى الغدر و الخيانة فقد سبق ان طعنت من اقرب الصديقات لي.....لكن تجازوت الامر المهم صرت لا اثق في البنات و اتخاصم معهم لاتفه الاسباب مدا افعل ؟؟؟؟؟؟؟؟

اهتمي بصلاتك وبدراستك ولتكن شغلك الشاغل بعدها تصبح الصديقة والصداقة أمر مفروغ منه.